Bæjarstjórn Hornafjarðar

Ársreikningur Sveitarfélagsins Hornafjarðar 2022 lagður fram til fyrri umræðu í bæjarstjórn. Ársreikningurinn hefur fengið kynningu í bæjarráði að viðstöddum aðalmönnum í bæjarstjórn. Ársreikningurinn var samþykktur í bæjarráði og vísað til fyrri umræðu í bæjarstjórn.

Unnið hefur verið að framkvæmd íbúakosningar um aðal- og deiliskipulag þétting byggðar í Innbæ frá árinu 2021, vegna galla í rafrænu kosningakerfi og breytinga á lögum og reglum um íbúakosningar hefur ekki verið hægt að framkvæma kosninguna fyrr. Nú hefur lögum verið breytt og nýjar reglur um íbúakosningar verið samþykktar. skv. 108 gr. sveitarstjórnarlaga á að framkvæma kosninguna innan árs frá því að undirskriftasöfnun fór fram, innviðaráðuneytið hefur gefið sveitarfélaginu undanþágu á að framkvæma kosninguna.Undirskriftasöfnun vegna breytingar á aðal- og deiliskipulagi í Innbæ, fór fram hjá Þjóðskrá 2021. Á kjörskrá voru 1590 einstaklingar, fjöldi þeirra sem skráðu nafn sitt á undirskriftalistann var 353 eða 22,2 %. Skv. samþykktum sveitarfélagsins skal bæjarstjórn verða við ósk um almenna atkvæðagreiðslu ef 20% þeirra sem eiga kosningarétt óska þess.

Starfsmenn sveitarfélagsins og KPMG hafa tekið saman grænt bókhald fyrir urðunarstaðinn í Firði í Lóni. Samtals voru urðuð 1.554.565 kg. af úrgangi á urðunarstaðnum í Lóni árið 2022. Urðaður úrgangur dróst saman um rúm 30 tonn milli ára og rúm 1.000 tonn frá árinu 2019. Samdrátt í urðun á síðasta ári má að hluta til rekja til tilraunaverkefnis við jarðgerð matarleifa á urðunarstaðnum en við hana nýttust 100 tonn af hreinu timbri sem annars hefði verið urðað.

Erindisbréf um íbúaráð lagt fram til samþykktar. Í hverju íbúðaráði skulu sitja þrír fulltrúar kosnir af íbúum ásamt tveimur varamönnum.Fyrstu íbúaráðin verða skipuð af bæjarráði eftir auglýsingu eftir áhugasömum íbúum. Súskipun verður til eins árs.

Samningur um sameiginlega barnaverndarþjónustu Fjarðabyggðar og Sveitarfélagsins Hornafjarðar lagður fram til samþykktar í fyrri umræðu bæjarstjórnar. Samningurinn er gerður í samræmi við 10., 11. og 12. gr. barnaverndarlaga nr. 80/2002 þar sem fjallað er um umdæmi barnaverndarþjónustu og 96. gr. sveitarstjórnarlaga nr. 138/2011.Samningurinn hefur verið uppfærður að lokinni umfjöllunar í mennta- og banamálaráðuneytinu fyrirliggjandi gögn eru um barnaverndarþjónustu milli Fjarðabyggðar og Sveitarfélagsins Hornafjarðar ásamt fylgiskjali um fullnaðarafgreiðsluheimildir.

Hafin er endurskoðun á aðalskipulagi sveitarfélagsins, undirbúningsfundir hafa verið haldnir með kjörnum fulltrúum og starfsmönnum sveitarfélagsins og stýrihópur skipaður. Hér er lögð er fram lýsing sem er fyrsti áfangi þeirrar vinnu. Í lýsingunni er farið yfir viðfangsefni aðalskipulags og tilgreind helstu atriði sem kalla á endurskoðun og frekari stefnumótun og skipulagsákvæði.Lýsingin er byggð á mati á þróun sem orðið hefur frá því gildandi aðalskipulag var staðfest árið 2014. Hún byggir einnig á frumgreiningu á stefnu og áætlunum á heims-, lands- og svæðisvísu sem eru tilkomnar eftir gildistöku aðalskipulagsins, auk nýrra stefnuskjala sveitarfélagsinssem kalla á samræmingu og nánari útfærslu m.t.t. skipulags.Í lýsingunni er farið yfir málaflokka aðalskipulags og tilgreind þau viðfangsefni sem kalla á að gildandi stefna og skipulagsákvæði aðalskipulags Hornafjarðar séu yfirfarin m.t.t. stöðu og þróunar eða nýrra áætlana og stefnuskjala á ríkis- og svæðisvísu og/eða hjá sveitarfélaginu sjálfu.Viðfangsefnin eru dregin fram með spurningum sem endurskoðun aðalskipulagsins mun fást við á sviðum vistkerfa og auðlinda, byggðar og samfélags og atvinnulífs og menningarlífs.Umhverfismat við endurskoðun aðalskipulagsins mun beinast að helstu breytingum á gildandi aðalskipulagsstefnu og landnotkunarákvæðum. Einkum mun matið beinast að þeim breytingum sem teljast líklegar til að hafa veruleg umhverfisáhrif.Tilgangur lýsingar er að tryggja að almenningur, hagsmunaaðilar og umsagnaraðilar komi að skipulagsferlinu á fyrstu stigum og stuðla þannig að gagnsæi í ferlinu og bæta upplýsingaöflun.

Lögð fram tillaga að skipulagslýsingu fyrir breytingu á aðalskipulagi og nýtt deiliskipulag á Leiðarhöfða í samræmi við tillögu úr hönnunarsamkeppni um uppbyggingu á Leiðarhöfða.

Lögð fram skipulagslýsing vegna breytingar á aðalskipulagi fyrir nýtt deiliskipulag.Í gildandi aðalskipulagi er kveðið á um að byggð skuli vera lágreist, 1-3 hæðir, með þéttleika semsvarar 15 íbúðum á hektara. Með skipulagsbreytingunni er gert ráð fyrir að auka við þéttleikannog stækka reitinn til austurs til þess að byggðin geti samræmst betur landslaginu og að landiðnýtist vel. Þannig mætti koma um 150 íbúðum fyrir á reitnum.Gert er ráð fyrir að breytt skipulag kveði á um fjölbreytni í íbúðargerðum og stærðum og aðsvæðið tengist vel aðlægri byggð og þjónustusvæðum.

Lögð fram tillaga að óverulegri breytingu á aðalskipulagi vegna breytingu á íbúðarsvæði ÍB 12 við Holt á Mýrum. Breytingin snýr að fjölgun íbúða á svæðinu úr 15-20 í 30 íbúðir.

Lögð fram tillaga að deiliskipulagi fyrir Kyljuholt á Mýrum. Skipulagið tekur yfir 4 ha. svæði innan jarðar Kyljuholts. Afmarkaðar verða íbúðarhúsalóðir og verður möguleiki á að afmarkaðar verði fleiri lóðir síðar innan skipulagssvæðisins. Gert verður ráð fyrir að afmörkuð verði lóð utan um núverandi einbýlishús á svæðinu, tvær lóðir fyrir raðhús og sameiginleg lóð fyrir bílastæði.

Forseti Gauti Árnason vék af fundi undir þessum lið, varaforseti Guðrún Stefanía Vopnfjörð Ingólfsdóttir tók við stjórn fundarins undir þessum lið. Deiliskipulagstillaga fyrir Háhól-Dilksnes var í kynningu frá 3. nóvember til 15. desember 2022. Umsagnir bárust frá HAUST, Skipulagsstofnun, Vegagerðinni, Náttúrfræðistofnun Íslands og Minjastofnun Íslands. Skipulagssvæðið er tvískipt og nær yfir um 37 ha. Tillagan tekur yfir land Dilksness 1 og 2, Hjarðarness, Háhóls, Garðshorns og Hólaness. Skipulagið var sent til yfirferðar til Skipulagsstofnunar og óskað eftir heimild til að birta staðfestingu þess í B-deild Stjórnartíðinda. Í bréfi Skipulagsstofnunar dags. 27. janúar 2023 voru gerðar athugasemdir, brugðist hefur verið við þeim athugasemdum sem bárust. Bygging nýrra íbúðarhúsa stuðlar að eflingu samfélags og mögulega atvinnulífs í dreifbýli. Ný íbúðarhús eru nauðsynleg til að kynslóðaskipti á bújörðum séu möguleg. Íbúðarhús nýtast fyrir starfsfólk sem starfar á jörðunum við landbúnað, í ferðaþjónustu, garðyrkju eða í steypustöðinni. Þau íbúðarhús sem gert er ráð fyrir að byggja eru staðsett á þurru landi og hæðarkollum sem standa aðeins hærra í landinu. Aðkomuvegur að lóðum 1 og 2 hefur verið færður frá fyrstu kynningu deiliskipulagsins til þess að leitast við að fara um þurrara svæði. Almennt er skortur á íbúðarhúsnæði í sveitarfélaginu, bæði í dreifbýli og þéttbýli og er uppbygging á svæðinu þáttur í að tryggja nægt íbúðarhúsnæði.

Deiliskipulag fyrir um 13.000 m2 hótel í útbæ var samþykkt í bæjarstjórn þann 25. október 2022. Skipulagsstofnun gerði athugasemdir við skipulagið við yfirferð, lagfærð gögn lögð fram til samþykktar.

Breyting deiliskipulags Hafnarsvæði við Krossey fyrir reit á Krosseyjarvegi 2 austan við fiskvinnsluhús. Deiliskipulagið gerir ráð fyrir 10 metra mænishæð, en óskað er eftir að mænishæð verði færð í 17 metra. Tillagan var auglýst 27. janúar með athugasemdafresti til 10. mars 2023.Engin athugasemd barst. Umsagnir frá Minjastofnun og Vegagerðinni bárust.Umhverfis- og skipulagsnefnd samþykkti að bæta inn í tillöguna kvöð um gegnumakstur norðan við fiskvinnsluhúsin um Krosseyjarveg.

Í Aðalskipulagi Hornafjarðar 2012-2030 er gert ráð fyrir uppbyggingu á miðsvæði Hafnar, skóla- og íþróttasvæði. Fyrirhugað er að svæðið myndi samfellu í kjarna byggðarinnar. Skipulagssvæðið er um 9,3 ha að stærð. Með deiliskipulaginu er verið að skapa grundvöll til frekari uppbyggingar á skóla- og íþróttasvæði Hafnar í Hornafirði til þess að mynda sterkari miðkjarna í bæjarfélaginu.Tillaga skipulagsins var auglýst með athugasemdarfresti frá 13. apríl til 5. júní 2022. Ein athugasemd barst frá Kaffihorninu. Umsagnir bárust frá Minjastofnun og Vegagerðinni dags. 12. júlí 2022.

Lögð fram tillaga að breyttu skipulagi fyrir nýjar lóðir við Sandbakkaveg, sunnan Nettó.Svæðið sem breytingin nær yfir afmarkast af Sandbakkavegi í vestri, Litlubrú í norðri, Hafnarbraut í austri og núverandi íbúðarbyggð við Sandbakkaveg í suðri. Svæðið er grasi gróið og flatt. Um það liggur göngustígur. Engin byggð er á svæðinu.Stefna sveitarfélagsins er að þétta byggð á Höfn og byggja upp á auðum svæðum innan byggðarinnar. Eftirspurn hefur verið eftir litlum íbúðum sem getahentað sem fyrstu kaup og einnig fyrir starfsfólk fyrirtækja. Deiliskipulagsbreytingunni er ætlað að koma til móts við þetta

Óskað er umsagnar bæjarstjórnar vegna stofnunar lögbýlis að Hellisholti á Mýrum í samræmi við 17. gr. jarðalaga nr. 81/2004.Umhverfis- og skipulagsnefnd staðfesti að fyrirætlanir um stofnun lögbýlis sé í samræmi við staðfest skipulag og að ekki sé raskað búrekstraraðstöðu nálægra jarða og lagði til að bæjarstjórn gefi jákvæða umsögn um stofnun lögbýlisins.