Bæjarstjórn Hornafjarðar

Bæjarstjórn tekur heilshugar undir ályktun almannavarnarnefndar og bæjarráðs. Fjöldi ferðafólks eykst með hverju árinu og er öryggisviðbragð víða um sveitarfélagið í engu samræmi við fjölda fólks sem dvelur hér og fer hér um. Bæjarráð hvetur yfirvöld til að finna tafarlaust varanlega lausn til að auka neyðarviðbragð og tryggja öryggi ferðafólks, íbúa og þeirra sem starfa í sveitarfélaginu. Þá lýsir bæjarráð yfir vilja til samtals og samstarfs við Slysavarnarfélagið Landsbjörgu svo tryggja megi áframhaldandi viðveru Láglendisvaktar félagsins í Skaftafelli í sumar.Bókun almannavarnarnefndar er eftirfarandi:"Almannavarnarnefnd Hornafjarðar hefur auknar áhyggjur af öryggismálum í Öræfum vegna mikillar fjölgunar ferðamanna sem fara um og dvelja á svæðinu. Eina neyðaraðstoðin á svæðinu að staðaldri er Björgunarsveitin Kári. Hátt í klukkustundar bið er í viðbótarbjargir inn á svæðið ýmist frá Hornafirði eða Kirkjubæjarklaustri í um 100 kílómetra fjarlægð. Neyðarviðbragð sem tiltækt er á þessu svæði er í engu samræmi við þann mikla fjölda ferðamanna sem þar dvelur og fer um. Yfir sumarmánuði er mjög algengt að um 1.000 manns gisti í Skaftafelli yfir nótt og því til viðbótar eru fjölmargir gististaðir í Öræfum.Nauðsynlegt er að bregðast við síauknu álagi á það viðbragð sem er á svæðinu og gera ráðstafanir til að stytta viðbragðstíma vegna óhappa og slysa. Aukin viðvera lögreglu auk heilbrigðisstarfsmanns í Öræfum er bráðnauðsynleg og væri mikil innspýting á neyðarviðbragði. Láglendisvakt Landsbjargar hefur undanfarin ár sýnt og sannað gildi sitt sem viðbótarviðbragð þegar mesti fjöldi ferðamanna er á svæðinu yfir sumarmánuðina.Mikilvægt er að finna varanlega lausn til að auka neyðarviðbragð á svæðinu. Mætti þar meðal annars horfa til reynslu og útfærslu sem er í Þjóðgarðinum á Þingvöllum varðandi heilbrigðisstarfsmann."

Bæjarstjórn samþykkti óverulega breytingu á aðalskipulagi við Holt á Mýrum. Skipulagsstofnun óskar eftir skýrari rökum fyrir því að breytingin sé óveruleg. Skipulagsstofnun telur að miðað við umfang heildaruppbyggingar á svæðinu þurfi bæjarstjórn að taka afstöðu til þess hvort stefnt sé að skilgreiningu þéttbýlis á svæðinu þar sem eftir breytingu á aðalskipulagi verður heimilt að byggja allt að 30 íbúðir á svæðinu.Rökstuðningur sveitarfélagsins byggir á gátlista frá Skipulagsstofnun og kemur fram að samtals verða 26 íbúðir á 3 deiliskipulögum 12 í landi Holts ein í landi Hólabrekku og 13 í landi Kyljuholts. Ekki er allur landnotkunarreiturinn deiliskipulagður og verður heimild til byggingar á 4 íbúðum í viðbót.

Bæjarstjórn samþykkti þann 10. febrúar 2022 að auglýsa tillögu að deiliskipulagi Reynivalla, Efribæjar, í Suðursveit. Deiliskipulagið tekur til núverandi bæjartorfu og m.a. eru afmarkaðar lóðir og byggingarreitir fyrir frístundahús, smáhýsi og skemmu fyrir búfé og vinnuvélar. Gerð er grein fyrir fjölda gesta á svæðinu í nýjum og núverandi húsum og á svæði fyrir stöðuhýsi. Tillagan var auglýst frá 24. febrúar með athugasemdarfresti til 11. apríl 2022, 5 umsagnir bárust. Eftir auglýsingu var gerð fornleifaskráning á svæðinu, skipulagsgögnum breytt í samræmi við skráningu og óskað var eftir nýrri umsögn Minjastofnunar Íslands. Þar sem meira en ár er liðið frá því að umsagnarfrestur vegna deiliskipulagsins rann út þarf að auglýsa deiliskipulagstillöguna að nýju skv. 1. mgr. 41. gr. skipulagslaga.

Umsókn Egils Rúnars Sigurðssonar um stofnun 4 ha. lóðar úr landi Hofsness (L160178) skv. framlögðum uppdráttum.Umhverfis- og skipulagsnefnd gerir ekki athugasemd við stofnun lóðar, enda samræmist hún skipulagsáætlun. Stofnun lóðarinnar á ekki að hafa áhrif á búrekstrarskilyrði jarðarinnar, sbr. 6. gr. jarðalaga nr. 81/2004.

Björgvin Ó. Sigurjónsson og Gauti Árnason viku af fundi undir þessum lið, Guðrún Stefanía tók við fundarstjórn. Grenndarkynning vegna breytinga á teikningum að Álaleiru 5 stóð yfir frá 4. apríl til 5. maí.Engar athugasemdir bárust.Umhverfis- og skipulagsnefnd gerir ekki athugasemdir við að gefið verði út byggingarleyfi á grunni grenndarkynntra gagna skv. 44.gr. skipulagslaga.

Bæjarstjórn samþykkti breytingu á Hafnarbraut 16 á 301. fundi sínum. Grenndarkynning á breytingum á Hafnarbraut 16 fór fram 25. apríl til 25. maí tvær athugasemdir bárust sem brugðist hefur verið við.

Erindi dagsett 29. mars 2023 þar sem Direkta lögfræðiþjónusta sf. óskar eftir, f.h. landeigenda, umsögn Sveitarfélagsins Hornafjarðar á stofnun lögbýla á fimm fasteignum sem stofnaðar hafa verið en upprunajörðin er Bær í Lóni.Karlsbrekka, L180010 sem er 4,5 haKarlsbrekka 2, L230351 sem er 3,1 haKarlsbrekka 3, L231196 sem er 1,6 haKarlsbrekka 4, L231197 sem er 2,5 haKarlsbrekka 5, L231198 sem er 1,6 haLandspildurnar eru allar innan skilgreinds landbúnaðarsvæðis, í gögnum kemur fram að tilgangur eigenda sé að stunda þar skógrækt.