Bæjarstjórn Hornafjarðar

Tinna Rut Sigurðardóttir tók til máls undir lið nr. 4: Málþing um öryggisinnviði og öryggisviðbragð í Öræfum og Suðursveit í sumar. Gunnar Ásgeirsson tók til máls undir lið nr. 3: Fundargerð fræðslu- og frístundanefndar; lið nr. 1: Skólastjóri Grunnskóla Hornafjarðar.

Guðrún Stefanía Vopnfjörð Ingólfsdóttir tók til máls undir lið nr. 5: Starfsemi Kátakots og lið nr. 6: Útboð: Sindrabær - breytingar 2024. Tinna Rut Sigurðardóttir tók til máls undir lið nr. 6: Útboð: Sindrabær - breytingar 2024, undir lið nr. 8: Vegur á milli Nesja og Hafnar - Hringtorg og undir lið nr. 9: Útboð á flugi til Hornafjarðar.

Eyrún Fríða Árnadóttir tók til máls undir lið nr. 4: Gamlabúð. Tinna Rut Sigurðardóttir tók til máls undir lið nr. 2: Fundargerð atvinnu- og menningarmálanefndar; lið nr. 2 í fundargerð nefndarinnar: Myndavefur héraðsskjalasafnsins. Nálgast má myndavefinn á eftirfarandi slóð: https://hornafjordur.myndahlada.is/Tinna Rut tók jafnframt til máls undir lið nr. 3: Starfsemi Ríkis Vatnajökuls.

Tinna Rut Sigurðardóttir tók til máls undir lið nr. 1: Hafnarstjórn Hornafjarðar; lið nr. 3 í fundargerð hafnarstjórnar: Rekstur Hornafjarðarhafnar, undir lið nr. 3 í fundargerð bæjarráðs: Beiðni um afnot salernisaðstöðu í Mánagarði og lið nr. 9: Umsókn í framkvæmdasjóð aldraðra.

Eyrún Fríða Árnadóttir tók til máls undir lið nr. 1: Fundargerð umhverfis- og skipulagsnefndar; lið nr. 7 í fundargerð nefndarinnar: Hagahverfi - Deiliskipulag íbúabyggðar vegna ÍB5 og jafnframt undir fundargerð umhverfis- og skipulagsnefndar; lið nr. 8 í fundargerð nefndarinnar: Deiliskipulag verslun við aðkomu á Höfn. Þá tók hún til máls undir lið nr. 2 í fundargerð bæjarráðs: Íþróttahús - hönnun og lið nr. 3: Aukin eftispurn umfram framboð á flugsætum til Hafnar. Eyrún Fríða lagði fram eftirfarandi bókun: "Flugsamgöngur á milli landshluta eru gríðarlega mikilvægar fyrir byggðir landsins, bæði vegna skertrar þjónustu og öryggisinnviða á landsbyggðinni. Ljóst er að vegna aukins fjölda ferðafólks eykst eftirspurnin eftir flugsætum langt umfram framboð. Nú hafa ferðaþjónustufyrirtæki bókað stóran hluta af flugum til og frá Höfn í sumar sem hefur veruleg áhrif á íbúa svæðisins. Niðurstaða Vegagerðarinnar eftir opnun tilboða nú þann 30. Apríl var sú að hafna öllum tilboðum þar sem þau voru öll verulega yfir kostnaðaráætlun. Ljóst er að það fjármagn sem verkefnið krefst og það fjármagn sem fjármálaráðuneytið og Vegagerðin hafa áætlað í verkefnið tala ekki saman. Því skorar bæjarstjórn á Vegagerðina og ráðuneytið að veita nauðsynlegu fjármagni í verkefnið og ganga fljótt og örugglega til samninga og tryggja áframhaldandi flugsamgöngur á milli Hafnar og Reykjavíkur"Gunnar Ásgeirsson tók til máls undir lið nr. 2: Íþróttahús - hönnun og undir lið nr. 3: Aukin eftirspurn umfram framboð á flugsætum til Hafnar.

Fundargerðin lögð fram til kynningar.

Staðgengill bæjarstjóra gerði grein fyrir viðauka IV við fjárhagsáætlun 2024. Viðbótarfjárheimildum verður mætt með hækkun á lántöku um 20 milljónir króna. Um er að ræða ósk um aukafjárveitingu vegna endurbóta á Kátakoti að fjárhæð tíu og hálf milljón króna og vegna breytinga á 1. hæð ráðhússins að fjárhæð sautján milljónir og þrjúhundruð þúsund krónur.

Guðrún Stefanía Vopnfjörð Ingólfsdóttir víkur úr stýrihópi um byggingu nýs íþróttahúss vegna anna. Þá er lagt fram uppfært erindisbréf fyrir stýrihóp um byggingu nýs íþróttahúss þar sem gert er ráð fyrir að sviðsstjóri fræðslu- og frístundasviðs taki við sem starfsmaður hópsins í stað umsjónar-, eftirlits- og ábyrgðamanns fasteigna sveitarfélagsins.

Stjórn Samtaka sveitarfélaga á Suðurlandi kallaði eftir afstöðu sveitarfélagsins til viðaukasamnings við sóknaráætlun landshluta um að landshlutasamtökin fái fjárhagslegan stuðning til að ráða verkefnastjóra í tvö ár til að útfæra starfsemi farsældarráða samkvæmt 5. gr. farsældarlaga. Þá óskaði stjórnin eftir umboði sveitarfélagsins til að gera slíkan viðaukasamning undir merkjum sóknaráætlunar við mennta- og barnamálaráðuneytið.

Fallastakkanöf ehf. hefur sótt um byggingarleyfi fyrir þrjú fjölbýlishús við Dalbraut 2a, 2b og 2c. Grenndarkynning hefur áður farið fram, en þar sem byggingarleyfi hafði ekki verið gefið út innan eins árs frá afgreiðslu bæjarstjórnar þarf hún að fara fram að nýju sbr. 4.gr. 44.gr. skipulagslaga. Ný tillaga gerir ráð fyrir að húsin muni nýta útsýni betur. Ekki er til gildandi deiliskipulag fyrir svæðið.Erindið var grenndarkynnt frá 11. apríl með athugasemdarfresti til 10. maí 2024.Engar athugasemdir bárust en umsögn barst frá Minjastofnun Íslands.Gunnar Ásgeirsson tók til máls. Til andsvars Eyrún Fríða Árnadóttir.

Benni Albert Friðþórsson og Eik Aradóttir sækja um byggingarheimild fyrir stækkun á íbúðarhúsi að Smárabraut 10 skv. framlögðum teikningum. Um er að ræða u.þ.b. 50 fm tengibyggingu milli húss og bílskúrs sem kemur til með að innihalda salerni og alrými. Ekki er til gildandi deiliskipulag fyrir svæðið.Erindið var grenndarkynnt 11. apríl með athugasemdarfresti til 10. maí 2024.Engin athugasemd barst.

Lagt er fram, eftir auglýsingu, deiliskipulag fyrir skóla- og íþróttasvæði á Höfn. Samhliða deiliskipulaginu eru gerðar breytingar á afmörkun þriggja aðliggjandi skipulaga; miðbæjarskipulags, knattleikjahúss við Víkurbraut og íbúðarsvæðis á Leirum. Nýtt skipulag mun taka yfir hluta þessara skipulaga og eru skipulagsmörk samræmd og skilmálar endurskoðaðir. Einnig er lögð fram húsakönnun skipulagssvæðisins.Skipulögin voru auglýst frá 2. apríl með athugasemdafresti til 15. maí 2024. Umsagnir bárust frá Minjastofnun Íslands og Vegagerðinni.

Deiliskipulag Hjáleigu og Flatatúns í Öræfum var auglýst frá 10. janúar með athugasemdarfresti til 21. febrúar 2024. Umsögn barst frá Minjastofnun Íslands og Vegagerðinni. Borist hafa skipulagsgögn vegna minja á svæðinu og umsagnir Minjastofnunar Íslands og Vegagerðarinnar.

Rarik sækir um framkvæmdaleyfi til að plægja og leggja há- og lágspennustrengi auk uppsetninga spennistöðva í Suðursveit. Verkefnið er á þremur aðskildum svæðum frá Smyrlabjargarvirkjun að Reynivöllum. Umsögn barst frá Minjastofnun Íslands.

Bæjarstjórn Sveitarfélagsins Hornafjarðar samþykkti þann 8. febrúar 2024 að auglýsa tillögu að breytingu Aðalskipulags Sveitarfélagsins Hornafjarðar 2012-2030. Um er að ræða nýtt 10,3 hektara verslunar- og þjónustusvæði að Rauðabergi 2, Lóð 1. Þar verður m.a. heimilað að reisa hótel/gistihús með allt að 50 gistirýmum.Tillagan var auglýst með athugasemdafresti frá 15. apríl til 27. maí 2024.Umsagnir bárust frá Minjastofnun Íslands og Veðurstofu Íslands.

Suðureignir ehf. óska eftir samþykki bæjarstjórnar fyrir sameiningu lóðanna Flatatún L233486 og Flatatún spilda L236204.

Umsókn frá Fallastakkanöf ehf. um lóð að Silfurbraut 46.Gunnar Ásgeirsson tók til máls. Eyrún Fríða Árnadóttir tók til máls.

Umsókn frá Fallastakkanöf ehf. um lóð að Silfurbraut 44.

Umsókn frá Fallastakkanöf ehf. um lóð að Sandbakkvegi 5.

Forseti bar upp tillögu um að bæjarstjórn verði í sumarleyfi í júlí og lagði til að bæjarstjórn veitti bæjarráði fullt umboð til afgreiðslu mála frá 18. júní næstkomandi og út júlí eða þar til bæjarstjórn kemur aftur til starfa. Fyrsti fundur bæjarstjórnar eftir sumarleyfi verður þá 15. ágúst 2024 og bæjarráð fundar á tveggja vikna fresti frá 18. júní til 13. ágúst næstkomandi.