Bæjarstjórn Hornafjarðar

Mál tekið fyrir á 8:15 mínútu.

Eyrún Fríða Árnadóttir tók til máls undir lið númer 2-Fræðslu- og frístundanefnd - 131, lið númer 4 Skráningardagar í leikskólanum.Mál tekið fyrir á 8:40 mínútu.

Ásgerður Kristín Gylfadóttir tók til máls undir lið númer 4 - Húsnæðisáætlun - Hornafjörður 2026. Sigurjón Andrésson til andsvars. Ásgerður Kristín Gylfadóttir til andsvars.Mál tekið fyrir á 10:30 mínútu.

Mál tekið fyrir á 15:10 mínútu.

Lögð fram breytingatillaga á reglum um fjárhagsaðstoð í Sveitarfélaginu Hornafirði. Breytingarnar snúa að því að hækkun fjárhagsaðstoðar taki mið af launavísitölu í október ár hvert í stað áramóta. Breyting á grunnupphæð fjárhagsaðstoðar mun áfram taka gildi um áramót.Breytingunni er ætlað að skapa meiri fyrirsjáanleika við gerð fjárhagsáætlunar sem og fyrir notendur fjárhagsaðstoðar.Tillaga að breytingu á reglum um fjárhagsaðstoð lögð fram.Mál tekið fyrir á 15:30 mínútu.

Málinu frestað.

Lögð er fram verkefnis- og matslýsing vegna breytingar á deiliskipulagi við Jökulsárlón. Náttúruverndarstofnun hefur ákveðið að vinna breytingu á deiliskipulagi vegna breyttra forsendna sem snúa að því að endurskoða staðsetningu megin þjónustusvæðisins austan megin Jökulsár. Breytingar taka til uppbyggingar aðstöðu, aðkomu að svæðinu og bílastæðum, tengingum innan svæðis, legu hringvegar og tengingar við hann.Ásgerður Kristín Gylfadóttir tók til máls. Eyrún Fríða Árnadóttir til andsvars. Ásgerður Kristín Gylfadóttir til andsvars.Forseti lagði fram eftirfarandi bókun:Í ljósi þess að samþykkt hefur verið verkefnis- og matslýsing vegna breytingar á deiliskipulagi við Jökulsárlón vill bæjarstjórn ítreka mikilvægi þess að uppbyggingu þar sé hraðað eins og kostur er. Jafnframt leggur bæjarstjórn mikla áherslu á að raddir heimafólks og hagsmunir nærsamfélagsins hér í Hornafirði fái vægi í þeirri ákvarðanatöku sem framundan er varðandi uppbygginguna. Mál tekið fyrir á 16:30 mínútu.

Magnús Rannver Rafnsson, byggingarfulltrúi Sveitarfélagsins Hornafjarðar, tilkynnti í nóvember síðastliðinn um starfslok. Óskað var eftir að starfslok yrðu 10. janúar 2026. Í ljósi yfirstandandi breytinga á byggingareftirliti og óvissu um hlutverk byggingarfulltrúa í nýju umhverfi, leggur forseti til að bæjarstjórn samþykki að bíða með auglýsingu starfsins og fela Gunnlaugi Róbertssyni, skipulagsfulltrúa, að annast einnig störf byggingarfulltrúa.Mál tekið fyrir á 36:45 mínútu.

Lögð er fram tillaga að breytingum á gjaldskrá vegna akstursþjónustu aldraðra og fatlaðs fólks ásamt minnisblaði sviðsstjóra velferðarsviðs. Mál tekið fyrir á 37:50 mínútu.

Lögð er fram tillaga að breytingum á gjaldskrá vegna greiðslna til stuðningsforeldra ásamt minnisblaði sviðsstjóra velferðarsviðs. Mál tekið fyrir á 38:15 mínútu.

Lögð er fram tillaga að breytingum á gjaldskrá stoð- og stuðningsþjónustu Þjónustunnar heim ásamt minnisblaði sviðsstjóra velferðarsviðs. Mál tekið fyrir á 38:50 mínútu.