Fræðslu- og frístundanefnd

Fundurinn var að þessu sinni haldinn í Mánagarði. Fræðslu- og frístundanefnd hóf fundinn á því að skoða íþróttamannvirki, sundlaug, íþróttahús og Mánagarð þar sem fundurinn fór síðan fram. Gunnar Ingi Valgeirsson tók á móti nefndinni og fór um íþróttamannvirkin og þakkar nefndin kærlega fyrir góðar móttökur.

Í ársbyrjun 2021 gerði starfsmenn MMS ytra mat á Leikskólanum Sjónarhóli. Í kjölfarið var unnin umbótaáætlun vorið 2021. Síðan þá hefur MMS farið fram á árlegar framvinduskýrslur þar sem útskýrt er hvernig umbótaáætlun hefur verið fylgt eftir. Hér er lögð fyrir lokaskýrsla frá leikskólanum og óskar MMS eftir því að Leikskólinn Sjónarhóll og Sveitarfélagið Hornafjörður staðfesti að umbæturnar sem lagðar voru til séu komnar til framkvæmda. Auk þess óskar MMS eftir því að fá mat á því hvernig til tókst að vinna að umbótunum og með hvaða hætti fyrirhugað er að halda áfram með innra mat og umbætur.

Allar gjaldskrár fræðslu- og frístundasviðs lagðar fyrir.

Á síðasta fundi nefndarinnar voru rammar einstaka stofnana kynntir en þá var ekki búið að fylla inn í þá. Nú er búið að því og því eðlilegt nefndin fái þá til umsagnar. Jafnframt voru lögð fyrir óbirt gögn sem sýna samanburð á rekstrarkostnaði í leik- og grunnskóla milli sveitarfélaga.

Fræðslu- og frístundanefnd upplýst um helstu umfjöllunarefni leikskólaráðs.

Fræðslu- og frístundanefnd upplýst um helstu umfjöllunarefni starfshóps um leikskólamál.

Allsherjar- og menntamálanefnd Alþingis hefur óskað eftir umsögnum um frumvarp til laga um Miðstöð menntunar og skólaþjónustu. https://www.althingi.is/altext/154/s/0241.html

Enn berast niðurstöður úr Íslensku æskulýðsrannsókninni sem er könnun meðal nemenda í 4. - 10. bekk. Hér eru niðurstöður fyrir Sveitarfélagið Hornafjörð bornar saman við annars vegar Austurland og hins vegar önnur landsvæði. Í könnuninni er horft á líðan barna, viðhorf til skólans og náms, aðstæðna á heimilum, netnotkunar, neyslu, kynhegðunar og samskipta almennt svo nokkuð sé nefnt. Niðurstöðurnar gefa mikilvægar og ganglegar upplýsingar sem nýta má á ýmsum stöðum s.s. í skólanum, í íþrótta- og frístundastarfi, innan foreldrafélagsins og í stefnumótun sveitarfélagsins. Markmiðið með íslensku æskulýðsrannsókninni er að safna gögnum um velferð og viðhorf barna og ungmenna og gera niðurstöður aðgengilegar til að styðja við stefnumótun þeirra aðila sem koma að þjónustu og umönnun barna og ungmenna. Munu gögnin m.a. vera birt í mælaborði um farsæld barna, sem mennta- og barnamálaráðuneyti mun birta á haustmánuðum 2023. Grundvöllur verkefnisins liggur einnig í að skapa aðstæður til snemmbærs inngrips og stuðnings við börn og fjölskyldur þeirra og styðja við innleiðingu löggjafar um samþætta þjónustu í þágu farsældar barna, nr. 86/2021. Íslenska æskulýðsrannsóknin var fyrst lögð fyrir í grunnskólum vorið 2022, en hún byggir á alþjóðlegri rannsókn HBSC (Health Behaviour in School Aged Children) sem unnin er í samstarfi við Alþjóða Heilbrigðisstofnunina. Til stendur að rannsóknin verði lögð fyrir árlega í grunnskólum, meðal barna á aldrinum 9?16 ára. Jafnframt verður rannsóknin lögð fyrir í framhaldsskólum (hefst 2023) annað hvert ár, fjórða hvert ár verður framkvæmd könnun á viðhorfum og stöðu ungs fólks utan skóla.