Fræðslu- og frístundanefnd

Lokaskýrsla starfshóps um leikskólamál lögð fyrir og rædd.

Nýheimar Þekkingarsetur kynntu á dögunum fyrir starfsfólk sveitarfélagsins þróunarverkefni sem unnið er að í Nordfjord í Noregi sem kallast Nordfjordakademiet. Verkefnið snýst um að fá ungt fólk til að vilja setjast að í heimabyggð. Náttúrufegurð er mikil í Nordfjord og hefur mikið aðdráttarafl en verkefnið Nordfjordakademie gengur út á að vinnuumhverfið hafi líka aðdráttarafl. Samfélagið í Nordfjord er að eldast og talin þörf á að fjölga ungu fólki. Einnig er talin þörf á að efla menntun og hæfni á svæðinu svo það verði samkeppnisfært í framtíðinni. Rannsóknir í Nordfjord sýna að einungis 1 af hverjum 5 sem fara að heiman í nám snúa aftur heim. Leiða má líkum að því að ástandið í sveitarfélaginu Hornafirði sé svipað. Samfélagið er að eldast (sbr. færri börn í skóla) og skortur á menntuðu starfsfólki í mörg störf (s.s. kennara, leikskólakennara, lækna, sérfræðinga í stjórnsýslunni o.s.frv.). Í Nordfjord telja þau að lausnin felist í að kynna betur tækifæri í heimabyggð fyrir ungu fólki og gera það að raunhæfu og eftirsóknarverðu vali að koma aftur heim. Starfsfólk Nýheima Þekkingarseturs hefur áhuga á að vinna að þessu verkefni í samvinnu við Sveitarfélagið Hornafjörð.

Kynning á fyrirhugaðri endurskoðun æskulýðslaga.

Sviðsstjóri óskar eftir aukafjárveitingu vegna kostnaðar við sérfræðinga á sviðinu. Sækja þarf eftir aðstoð frá sérfræðingi sem sviðið hefur ekki innan sinna vébanda og felur það í sér auka kostnað sem ekki er hægt að komast hjá.