Fræðslu- og frístundanefnd

Öll erindisbréf sveitarfélagsins er hægt að nálgast inn á heimasíðu sveitarfélagsins, https://www.hornafjordur.is/cdn/documents/Erindisbref/Erindisbref-fraedslu-fristundarnefndar-2022.pdf?v=1770391776. Fram kom að væntanlega yrði erindisbréfið uppfært á næstu vikum.

Jóna Benný og Arndís fóru yfir fundargáttina hvar hún væri og hvernig hún virkaði. Aðal- og varamenn hafa fengið leiðbeiningar sendar í tölvupósti. Farið yfir siðareglur og þagnarskyldu nefndarmanna og skjal um þagnarskyldu þeirra hefur verið sent aðal- og varamönnum til rafrænnar undirritunnar. Þá var farið yfir samþykkt um kjör og starfsaðstöðu kjörinna fulltrúa ásamt ýmsu öðru gagnlegu efni fyrir nefndarmenn.

Fræðslu- og frístundanefnd samþykkir starfsáætlun Tónskóla Austur- Skaftafellssýslu. Það er ánægjulegt að sjá hvað starf Tónskólans blómstrar í endurbættum Sindrabæ.

Fræðslu- og frístundanefnd samþykkir starfsáætlun Sjónarhóls. Starfsáætlunin verður birt á heimasíðu skólans.

Góð umræða um útileiktæki á leikskólanum. Fræðslu- og frístundanefnd hvetur stjórnendur og framkvæmdasvið sveitarfélagsins til að setja upp drullumallsvæðið sem er tilbúið til uppsetningar og setja aftur upp rólur fyrir eldri börnin en í leiðinni að tryggja öryggi í kringum þær eins og hægt er.

Almennt kemur Grunnskóli Hornafjarðar vel út í Matsferli. Fram kom að enn er verið að vinna í því hvernig hann birtist og t.a.m. hafa skólaskrifstofur ekki enn fengið yfirlit yfir niðurstöður. Foreldrar hafa þó fengið niðurstöðurnar.

Farið yfir niðurstöður Skólapúlsins fyrir 6. - 10. bekk. Skólapúlsinn er hluti af innra mati skólans og mikilvægt að nýta niðurstöðurnar til úrbóta. Flestar þeirra eru jákvæðar og mikilvægt að hlúa að því sem vel er gert en í niðurstöðunum felast líka tækifæri til umbóta.

Fræðslu- og frístundanefnd samþykkir starfsáætlun Grunnskóla Hornafjarðar. Starfsáætlunin verður birt á heimasíðu skólans en ný heimasíða ætti að fara í loftið í sumar.

Sjálfsmat er mikilvægur þáttur skólastarfs og gefur skólanum tækifæri til að meta stöðuna. Hvað er vel gert og hvar má gera betur. Reglulega er unnið í sjálfsmati innan skólans. Skólinn tók upp sjálfsmatskerfið Bravo Lesson síðasta haust og vonir standa til að það einfaldi utanumhald um sjálfsmatið þegar það verður komið í fulla virkni.

Ársreikningur félagsins lagður fram og óskaði fræðslu- og frístundanefnd eftir því að tekjur og gjöld verði sett upp í ársreikningsform. Ársskýrslan er enn í vinnslu og verður send til nefndarmanna þegar hún er tilbúin. Mótokrosssvæði er glæsilegt og það er líflegt starf í félaginu. M.a. námskeið um næstu helgi, Route1 í júlí og Íslandsmót 18. júlí.

Líflegt starf hefur verið síðasta árið hjá Vísi og framundan er vígsluhátíð á Vísisvelli við Hrollaugsstaði 27. júní. Hægt er að skrá sig til þátttöku á mótið á vefslóðinni https://meets.rosterathletics.com/public/competitions/details/about?id=28836 og hvetur fræðslu- og frístundanefnd alla til að skrá sig og taka þátt.
Borðtennisbúðum fyrir fötluð börn var að ljúka hjá Vísi. Þar eru nú 5 borðtennisborð í fullri stærð, borðtennisrobot og eitt borð í 75% stærð. Þar voru reglulegar borðtennisæfingar allan síðast vetur. Þar eru einnig regluleg fótboltaiðkun yfir sumarið og nú er hægt að stunda frjálsar íþróttir þar ásamt körfubolta.

Fræðslu- og frístundanefnd samþykkir fundargerð ungmennaráðs.

Sviðsstjóra fræðslu- og frístundanefndar falið að leita leiða til þess að tryggja öruggar skólamáltíðir fyrir nemendur Grunnskóla Hornafjarðar næsta vetur. Málinu vísað til bæjarráðs.

Fræðslu- og frístundanefnd leggur til að fæðisgjöld verði lögð niður í leikskólum og lengdri viðveru frá og með 1. ágúst næstkomandi. Einnig er lagt til að systkinaafslætti verði breytt í vistunargjöldum. Í stað þess að hann komi fyrst af elsta barni, þá verði 35% afsláttur af gjöldum þegar það eru tvö systkini í vistun, 50% af gjöldum hjá þremur systkinum í vistun og 60% þegar börnin eru orðin fjögur eða fleiri.
Að öðru leyti verði vísitöluhækkun á gjaldskrám sbr. hækkun á vísitölu frá ágúst 2025-maí 2026 sem er 4,1%.
Sviðsstjóra falið að fá greiningu á fjárhagslegum áhrifum og málinu vísað til bæjarráðs.

Fræðslu- og frístundanefnd tilnefnir Ástu Steinunni Eiríksdóttur sem fulltrúa sveitarfélagsins í styrktar- og afrekssjóð USÚ.

Fræðslu- og frístundanefnd líst vel á þær hugmyndir sem lagðar voru fram. Næsta skref er að framkvæmdastjóri Sindra ræði við deildir félagsins og sviðsstjóri leggi málið fyrir bæjarráð. Miðað er við að íþróttaskóli geti hafist með 1. og 2. bekk næsta haust ef allir aðilar sammælast um það og hann verði tilraunaverkefni næsta skólár.

Fræðslu- og frístundanefnd samþykkir framlagða sjálfsmatsskýrslu.

Fræðslu- og frístundanefnd samþykkir framlagða starfsáætlun.