Fræðslu- og frístundanefnd

Fræðslu- og frístundanefnd býður nýkjörna aðila í ungmennaráði velkomin til starfa og óskar þeim öllum velfarnaðar í störfum sínum fyrir sveitarfélagið.

Samþykkt samhljóða.

Fræðslu- og frístundanefnd þakkar fyrir upplýsandi skýrslu. Því miður er ýmsu ábótavant eins og fram kemur í skýrslunni og snýr það að miklu leyti að umhirðu og þrifum á svæðinu og mannvirkjum því tengdu. Nefndin leggur áherslu á að kostnaðaráætlun fyrir úrbætur á botni buslulaugar verði tilbúin fyrir fjárhagsáætlunargerð. Þá telur nefndin að fara þurfi betur yfir núverandi fyrirkomulag vallarstarfsmanns á vegum Ungmennafélagsins Sindra. Nefndin leggur til að endurskoða verkefnið í heild ásamt öðrum störfum á svæðinu og kanna hvort hægt sé að ná fram betri skilvirkni og hagræðingu fyrir sveitarfélagið. Sviðsstjóra fræðslu- og frístundasviðs er falið að vinna málið áfram í samræmi við framangreint.

Nefndin leggur áherslu á að reynt verði að ljúka sem flestum verkefnum á verkefnalistanum á samningstímanum sem er út september og að nefndin fái skýrslu forstöðumanns íþróttamannvirkja og deildarstjóra þjónustu og framkvæmda um þau verkefni sem eftir standa og náðist ekki að sinna.

Samþykkt samhljóða.

Fræðslu- og frístundanefnd felur forstöðumanni íþróttamannvirkja að vinna málið áfram í samráði við stjórn körfuknattleiksdeildar Sindra, í samræmi við framlagt minnisblað og stefna að verklokum ólokinna mála fyrir lok septembermánaðar.

Fræðslu- og frístundanefnd er jákvæð fyrir stækkun áhorfendapalla og kaupum á færanlegri stúku og felur sviðsstjóra fræðslu- og frístundasviðs að fá fjárhagslegt mat á kostnaði og eftir atvikum viðauka við fjárhagsáætlun í samráði við fjármálastjóra.

Málinu er í framhaldi af því vísað til bæjarráðs til ákvörðunar.

Samþykkt samhljóða.

Nefndin vill leggja áherslu á að eftirfarandi verkefni verði sérstaklega tekin til skoðunar við fjárhagsáætlunargerð:

1. Stefna að gjaldfrjálsum skólaferðalögum.
2. Hækkun frístundastyrks.
3. Móttaka barna með annað móðurmál.
4. Endurbætur á skólalóð.
5. Að rýnt verði sérstaklega í innkaup og samninga sem eru í fleiri en einni stofnun, svo sem ræstingu, hreinlætisvörur og fleira.

Sviðsstjóra fræðslu- og frístundasvið er falið að vinna málið áfram í fjárhagsáætlunargerð.

Samþykkt samhljóða.

Í heildarstefnu sveitarfélagsins Hornafjörður Náttúrulega er bæði gert ráð fyrir gerð lýðheilsustefnu og fjölskyldustefnu, en fjölskyldustefnan á að halda utan um fjölbreytt málefni velferðarsviðs og fræðslu- og frístundasviðs, m.a. heilsueflandi samfélag. Fræðslu- og frístundanefnd leggur til að skoðaður verði möguleikinn á að sameina þessar stefnur og felur sviðsstjórum fræðslu- og frístundasviðs og velferðarsviðs að vinna málið áfram.

Margt jákvætt kemur fram í skýrslunni um íslensku æskulýðsrannsóknina og virðist börnum almennt líða vel í skólanum en því miður er nokkuð hátt hlutfall eineltis í 4. og 5. bekk. Einnig eru sterk tengsl við foreldra og fjölskyldu, samfélagsmiðlanotkun fer minnkandi milli ára, yngri aldurshópurinn telur sig ekki upplifa einmannaleika oft en því miður eykst það eftir því sem krakkarnir verða eldri.
Þörf er á að skoða sérstaklega líðan framhaldsskólanema en samkvæmt heildarniðurstöðum á landsvísu taka þeir minni þátt í íþróttum og félagslífi en þar gætu verið tengsl við aukinn kvíða, einmanaleika og sjálfskaðahegðun.

Rannsóknina og niðurstöður hennar mætti hafa til hliðsjónar við vinnu heildar fjölskyldustefnu.

Samþykkt samhljóða.

Fundargerðin lögð fram til kynningar.

Fræðslu- og frístundanefnd samþykkir samhljóða uppfærðar reglur um styrk til foreldra vegna aksturs leikskólabarna og vísar reglunum til bæjarráðs og bæjarstjórnar til afgreiðslu.

Fræðslu- og frístundanefnd er jákvæð fyrir samstarfi í tengslum við ákveðin verkefni í Grunnskóla Hornafjarðar til að dýpka þekkingu nemenda og vísar málinu aftur til bæjarráðs til ákvörðunar.

Samþykkt samhljóða.

Fræðslu- og frístundanefnd leggur áherslu á að unnið verði markvisst að þeim aðgerðum sem fram koma í minnisblaðinu til að bæta stöðuna í leikskólanum Sjónarhóli og fagnar því að bæjarráð hafi samþykkt að auglýsa viðbótarstöðugildi á skrifstofu leikskólans. Nefndin leggur einnig ríka áherslu á áframhaldandi starf og stuðning mannauðsstjóra í leikskólanum í bráð og lengd. Þá minnir nefndin á mikilvægi þess að upplýsa foreldra með fyrirvara, sérstaklega komi til þess að seinka inntöku barna meðan starfsumhverfið kemst í betra jafnvægi. Að lokum óskar nefndin eftir að vera upplýst reglulega um framvindu mála og árangur aðgerðanna.

Samþykkt samhljóða.

Fræðslu- og frístundanefnd þakkar fyrir erindið og fagnar frumkvæði barnanna. Nefndin tekur jákvætt í ábendingarnar og leggur til að þegar í stað verði hafist handa við að laga aparóluna. Þá er lagt til að deildarstjóri þjónustu og framkvæmda og skólastjóri Grunnskóla Hornafjarðar, geri tillögur að frekari aðgerðum til að bæta aðstöðu á lóðum við grunnskólann og vöruhúsið út frá þeim gögnum sem eru til og leggi fyrst fyrir hugmyndaráð og nemendaráð í grunnskólanum og starfsfólk í vöruhúsi og síðan fræðslu- og frístundanefnd og ungmennaráð. Í tillögunum þarf jafnframt að meta ástand núverandi aðstöðu, framkvæmdaþörf og kostnað við tillögurnar svo hægt sé að vísa þeim til fjárhagsáætlunargerðar sem fyrst.

Samþykkt samhljóða.

Fræðslu- og frístundanefnd felur formanni fræðslu- og frístundarnefndar ásamt aðilum úr nefndinni að hefja samtal við foreldra og starfsfólk um þann stuðning sem sveitarfélagið getur veitt svo þróun skólahalds í Öræfum verði sem jákvæðust fyrir börn og foreldra á svæðinu.

Samþykkt samhljóða.

Ljóst er að þátttaka barna er misjöfn í Íþróttalandi og því miður ákveðnir hópar sem virðast ekki skila sér nægilega vel í starfið. Fræðslu- og frístundanefnd felur verkefnastjóra Íþróttlands að kanna með samtali við foreldra hvað veldur og hvort og hvernig megi bæta úr því.

Nefndin óskar eftir að fá sambærilegt minnisblað fyrir næsta fund og hvetur foreldra til að koma á framfæri ábendingum um það sem betur má fara til verkefnastjóra Íþróttalands.

Samþykkt samhljóða.

Fræðslu- og frístundanefnd þakkar deildarstjóra þjónustu og framkvæmda fyrir greinargott minnisblað um stöðu framkvæmda sem tengjast starfssviði nefndarinnar. Nefndin leggur áherslu á að áfram verði unnið markvisst að framgangi þeirra verkefna sem þar eru tilgreind og að nefndin verði upplýst reglulega um framvindu þeirra.

Samþykkt samhljóða.