Fræðslu- og tómstundanefnd

Fundargerð lögð fram og samþykkt.

Fundargerð lögð fram til kynningar.

Fræðslu- og tómstundanefnd leggur til að auglýst verði eftir leikskólastjóra við nýjan leikskóla í ágúst/september 2016 og samið um upphaf ráðningartíma með tilliti til stöðu í starfsmannamálum í haust.

Á Lönguhólum er mannskapur til að halda úti starfsemi á einni deild. Foreldrum verður sent bréf sem upplýsir þá um stöðuna og um mögulegar breytingar á skólatíma verði óbreytt ástand í starfamannahaldi eftir sumarfrí. Maríanna las bréfið fyrir nefndarmenn. Engin umsókn hefur komið um starf eftir síðustu auglýsingu eftir starfsfólki og breytingar á gjaldskrá. Framsóknarmenn lögðu fram eftirfarandi bókun: Við Framsóknarmenn hörmum þá stöðu sem komin er upp varðandi mönnun leikskólanna næstkomandi haust. Og veltum því fyrir okkur hvort það tengist því umróti sem verið hefur í leikskólamálum sl. ár. Að okkar mati hefur það ferli ekki skapað traust milli starfsmanna og stjórnsýslu. Mikilvægt er að bæta það og vinna saman að lausn málsins. Þriðja framboðið og sjálfstæðismenn harmar þessa stöðu og vill gera allt sem í þeirra valdi stendur til að vinna að lausn málsins.

Umræður urðu um opið bréf frá foreldraráði leikskólans á Lönguhólum. Í umræðunum kom fram að þurfi að skerða þjónustu á leikskólunum muni það hafa keðjuverkeandi áhrif út í allt samfélagið. Mikið álag er á því starfsfólki sem eftir er í leikskólunum. Fræðslu- og tómstundanefnd hvetur bæjarráð til þess að leita allra leiða til þess að halda megi úti eðlilegu skólastarfi í leikskólunum.

Björn Imsland upplýsti um verkstöðu vegna endurbóta á Vöruhúsi.

Íris Heiður fór yfir niðurstöður mælinga í lestri og stærðfræði í Grunnskóla Hornafjarðar sem gefa vísbendingar um að aukin áhersla í lestri er að skila árangri, sérstaklega á unglingastigi. Fræðslu- og tómstundanefnd lýsir ánægju yfir því að "Leið til árangurs" sé farin að skila árangri. Fram kom að búið er að ganga formlega frá ráðningarsamningi við Þórgunni Torfadóttur í starf skólastjóra við Grunnskóla Hornafjarðar og er hún boðin velkomin til starfa.

Fundargerð um opnun tilboða í skólaakstur lögð fram til kynningar.

Ragnhildur fór yfir stöðu mála vegna fjölgunar nemenda í Hofgarði og ráðningu starfsmanna við leik- og grunnskóla í Öræfum.

Fræðslu- og tómstundanefnd samþykkir breytingar á skóladagatali Tónskólans sem varða ósk um starfsdaga 16. - 18. nóvember.