Fræðslu- og tómstundanefnd

Ragnhildur fór yfir minnisblað um ferli sameiningar leikskólanna fram til dagsins í dag.

Fræðslustjóri upplýsti að þrjár ábendingar eða athugasemdir hafi borist frá íbúum í nágrenni við Lönguhóla. Skipulagsnefnd mun fjalla efnislega um þær á fundi sínum þann 5. október n.k.

Fræðslu- og tómstundanefnd leggur til að samdar verði reglur um kennslustundaúthlutun og að starfsmenn kynni tillögur þar að lútandi á næsta fundi.

Drög að lestrarstefnu Grunnskóla Hornafjarðar voru kynnt fyrir nefndarmönnum. Fram kom að unnið hefur verið við stefnuna undanfarin 2 - 3 ár og nú er komið að lokasprettinum. Fræðslu- og tómstundanefnd lýsir yfir ánægju með stefnuna.

Farið var yfir fundagerð vallarstjórnar Sindravalla. Umræður urðu um ástand og umhirðu vallanna, tartans og gervigrass. Samþykkt að fela Gunnari Inga að kanna verkferla og fjölda stöðugilda við velli í sveitarfélögum af svipaðri stærð og Sveitarfélagið Hornafjörður er.

Fræðslu- og tómstundanefnd ítrekar fyrri samþykkt sína um að nefndin fylgist með rannsóknum Umhverfisstofnunar á skaðsemi dekkjakurls og samþykktum Alþingis um málið og mun fylgja ráðleggingum þar um þegar niðurstöður liggja fyrir.

Nánari greinagerð er hægt að sjá hér frá Umhverfisstofnun.
http://www.ust.is/einstaklingar/frettir/frett/2016/07/12/Tilmaeli-Umhverfisstofnunar-um-dekkjakurl-sem-fylliefni-a-gervigrasvollum-/

Hjálmar vék af fundi undir þessum lið. Fræðslu- og tómstundanefnd felur forstöðumanni íþróttamiðstöðvar að fá faglegt álit á ástandi gólfsins og upplýsingar um kostnað við úrbætur ef þarf.

Rætt var um skýrslu Svöfu Mjallar Jónasardóttur um vinnuskólann. Ákveðið að taka málið aftur á dagskrá í upphafi nýs árs.

Fundargerðir 61 og 62 voru lagðar fram til umræðu. Umræður urðu um sálfræðiþjónustu í sveitarfélaginu. Fræðslu- og tómstundanefnd leggur til að greiningarferli barna 16-18 ára sé greitt af sveitarfélaginu eins og greiningar grunnskólabarna.

Farið var yfir ábendingar nefnda.

Fræðslu- og tómstundanenfd samþykkir lokadrög að menntastefnunni. Tjörvi Óskarsson frá margmiðlunarstofunni Upplausn kynnti tillögu að hönnun og umbroti stefnunnar bæði fyrir heimasíðu sveitarfélagsins og fyrir prentaða útgáfu sem fer í dreifingu til íbúa.

Farið var yfir tilnenfingar til ungmennaráðs og málinu frestað til næsta fundar.

Fræðslu- og tómstundanefnd felur starfsmanni að finna fulltrúa ungmenna til þess að taka þátt í ráðstefnu ungmennaráða á Suðurlandi dagana 28. og 29. september n.k.Einnig þarf að fá umsjónarmann til fararinnar með þeim. Fræðslu- og tómstundanefnd sér um að tilnefna fulltrúa úr sínum röðum.