Fræðslu- og tómstundanefnd

Að beiðni byggingarstjóra er heimsókn á framkvæmdastað nýbyggingar frestað til kl. 16:00 þriðjudaginn 29. ágúst.

Farið var yfir reglurnar og breytingar á þeim frá síðasta fundi. Fræðslu- og tómstundanefnd samþykkir reglurnar með áorðnum breytingum.

Maríanna leikskólastjóri greindi frá stöðu mála á leikskólanum Sjónarhóli nú eftir sumarfrí. Þar kom m.a. fram að búið er að manna leikskólann, einungis vantar í tvær hlutastöður eftir hádegið.
Umræður urðu um bílastæði og aðgengi að leikskólanum.

Farið var yfir reglur vegna leikskóladvalar utan lögheimilissveitarfélags og þær samþykktar.

Fram kom að ekki tókst að manna öll störf í leik- og grunnskólanum í Hofgarði. Einungis er hægt að hafa leikskólann opinn fjóra daga í viku. En tekist hefur að leysa kennslu grunnskólanemenda upp í 10. bekk m.a. með lotukennslu í skapandi greinum og dreifnámi í gegnum tölvur á unglingastigi.

Farið var yfir lýsingu ráðgjafafyrirtækisins Tröppu á dreifnámi á unglingastigi og Magnhildur lýsti því hvernig undirbúningur dreifnámsins hefur farið af stað. Fram kom að fjarnám eða dreifnám hefur ekki áður verið framkvæmt á Íslandi með þessum hætti. Fræðslu- og tómstundanefnd lýsir ánægju sinni yfir þessari lausn og mun fylgjast með framvindunni.

Farið var yfir reglur vegna grunnskólavistar utan lögheimilissveitarfélags og þær samþykktar.

Fræðslu- og tómstundanefnd tilnefnir Sigrúnu Birnu Steinarsdóttur sem aðalmann nefndarinnar í Ungmennaráði Hornafjarðar og Sigríði Þórunni Þorvarðardóttur sem varafulltrúa.

Farið var yfir reglur vegna skráninga í skólamáltíðir í leik -og grunnskólum sveitarfélagsins og þær samþykktar.