Fræðslu- og tómstundanefnd

Þórgunnur fór yfir nemendakönnun í 6.-10. bekk. Þar kom m.a. fram að nemendur meta skóla- og bekkjaranda góðan og reglubundin hreyfing er langt yfir landsmeðaltali. Skólinn vildi sjá tíðni eineltis lægri en könnunin gefur vísbendingar um en mikil vinna hefur verið lögð í jákvæð samskipti undanfarin ár. Skólinn vildi einnig sjá trú á eigin námsgetu og seiglu í námi vera meiri. Spurning er hvort miklar fjarvistir nemenda sé einn af áhrifaþáttunum þar.

Athugun á fjölda nemenda af erlendum uppruna leiðir í ljós að stærsti hópurinn er af pólskum uppruna; 3 í leikskóla og 13 í grunnskóla á aldrinum 7-14 ára. Fræðslu- og tómstundanefnd leggur til að byrjað verði að athuga með móðurmálskennara fyrir þennan hóp. Nefndin felur fræðslustjóra í samvinnu við verkefnastjóra fjölmenningar og starfsfólk í leik- og grunnskólum að kanna með kennaraefni meðal íbúa af pólskum uppruna í sveitarfélaginu. Fræðslustjóra einnig falið að kanna með fjármögnun á kennslunni ef af verður.

Farið var yfir rekstrarupplýsingar frá Sambandi íslenskra sveitarfélaga yfir leik- og grunnskóla í sveitarfélaginu.

Fundargerð undirbúningshóps vegna unglingalandsmóts 2019 og umsókn um styrk til Uppbyggingarsjóðs mennta- og menningarmálaráðuneytisins lagt fram til kynningar.

Rætt var um notkun, umgengni og ástandið á húsnæðinu í Mánagarði. Mánagarður er nú í daglegri notkun síðdegis vegna fimleikaiðkunar. Auglýst hefur verið eftir baðverði til starfa í húsinu í 25% starf en engin umsókn hefur borist. Áfram verður unnið að lausn þessa máls.