Fræðslu- og tómstundanefnd

Þórgunnur óskar f.h. starfsmanna Grunnskóla Hornafjarðar eftir að starfsmenn fái að vinna þróunarverkefni um hreyfingu á vinnutíma.Hreyfingin yrði skipulögð í samráði við skólastjóra og skipulagt eftirlit yrði haft með árangri með skráningu fyrir og eftir verkefnið sem áætlað er að hefjist í febrúar og standi út maí. Fræðslu- og tómstundanefnd fagnar verkefninu og hvetur til þess að skólinn geri þessa tilraun. Nefndin óskar eftir að fá kynningu á árangri verkefnisins þegar því er lokið í vor. Beinn kostnaður fyrir sveitarfélagið verður enginn.

Þórgunnur fór yfir niðurstöður samræmdra prófa. Fram kom að í verkefninu "Leið til árangurs" hefur verið lögð áhersla á lestur í íslensku og reikning og aðgerðir í stærðfræðikennslu og það virðist vera að skila árangri.

Skólastjórar grunnskóla á Austurlandi; SKAUST, lýsa yfir áhyggjum af alvarlegri stöðu vegna kjaramála stjórnenda. Fram kom að þann 14. desember var gengið frá breytingu á gildandi kjarasamningi Sambands íslenskra sveitarfélaga og Kennarasambands Íslands vegna Skólastjórafélags Íslands þar sem komið er lítillega til móts við menntunarkröfur þær sem SKAUST lýsir í erindi sínu. Laun stjórnenda við GH hækka á bilinu 0,2 - 2,2% við þessa breytingu skv. upplýsingum Þórgunnar skólastjóra. Kennslureynsla er ekkert metin til launa skólastjórnenda og þegar kennari með langa kennslureynslu fer í stjórnunarstöðu hækka laun hans sáralítið ef nokkuð. Samningar stjórnenda eru lausir í lok júlí 2019. Fræðslu- og tómstundanefnd vonar að komið verði til móts við óskir skólastjórnenda í næstu kjarasamningum.

Elínborg Hallbjörnsdóttir og Þóra Jóna Jónsdóttir fylgdu læsisstefnunni úr hlaði. Stefnan hefur verið unnin með starfsmönnum leikskólans undir stjórn þeirra undanfarna mánuði í samvinnu við Elsu Pálsdóttur læsisráðgjafa hjá Menntamálastofnun. Fræðslu- og tómstundanefnd lýsir yfir ánægju með stefnuna og samþykkir hana. Næsta verkefni er að semja læsisstefnu fyrir Sveitarfélagið Hornafjörð en það verður gert með fulltrúum skólaskrifstofu, leik- og grunnskóla undir handleiðslu Menntamálastofnunar.

Skólastjórar leik- og grunnskóla á Höfn hvetja til þess að sveitarfélagið bjóði öllum foreldrum á Hornafirði upp á uppeldisnámskeiðið "Færni til framtíðar" á fyrstu tveimur árum barnsins, þeim að kostnaðarlausu. Á námskeiðinu er lögð er áhersla á að kenna foreldrum leiðir til að vera samtaka í uppeldinu og skapa góð uppeldisskilyrði. Fræðslu- og tómstundanefnd tekur undir erindi skólastjóranna um mikilvægi þess að bjóða foreldrum ungra barna upp á ókeypis uppeldisnámskeið. Slík námskeið styrkja foreldra í uppeldishlutverkinu. Nefndin vísar ákvörðun um málið til bæjarráðs.

Fræðslustjóri og forsvarsmenn Fallastakks hafa átt í viðræðum um viðauka við samning um skólaakstur. Á fundinum kynnti fræðslustjóri forsendur samningsins og þær humyndir sem Fallastakkur hefur til að vega upp forsendubrest. Að mati nefndarinnar ber það mikið í milli að eðlilegt sé að efna til nýs útboðs á skóla- og frístundakstri til að gæta jafnræðis. Fræðslustjóra er falið að vinna að útboði á vorönninni. Skóla- og fimleikaakstur helst óbreyttur út þetta skólaár.

Komið er að endurskoðun stefnu sveitarfélagsins frá árinu 2012 í íþrótta- æskulýðs- og tómstundamálum. Fræðslu- og tómstundanefnd samþykkir að endurskoða og vinna nýja stefnu á árinu 2019 og felur fræðslustjóra að vinna að undirbúningi málsins.

Ellefta og tólfta fundargerð landsmótsnefndar lagðar fram til kynningar, þar kom fram að undirbúningur fyrir landsmótið er í fullum gangi.

Frumvarpið lagt fram til kynningar.

Fundargerð 38. fundar Ungmennaráðs lögð fram.

Minnt er á sameiginlegan fund Ungmennaráðs Hornafjarðar, Ungmennaráðs SASS, fræðslu- og tómstundanefnd þann 22. janúar n.k.