Fræðslu- og tómstundanefnd

Magnhildur fór yfir starf Leik- og grunnskólans í Hofgarði frá því hún tók við stjórn skólans haustið 2017. Skólastarfið sem slíkt hefur gengið mjög vel en það sem hefur valdið erfiðleikum og gerir enn eru húsnæðismál fyrir starfsmenn skólans. Eins og staðan er í dag verða væntanlega sex nemendur í grunnskólanum og fimm í leikskólanum haustið 2019. Ákveðið að auglýsa stöðu skólastjóra og leikskólakennara helgina 1. febrúar með umsóknarfresti til 20. febrúar.

Erindi um aukið starfshlutfall í stoðþjónustu leikskólans var tekið fyrir og rætt. Fræðslu- og tómstundanefnd styður ósk leikskólan um 50% aukningu á starfi í stoðþjónustunni.

Þórgunnur kynnti lokaútgáfu af læsisstefnu Grunnskóla Hornafjarðar hvernig hún er uppbyggð og benti á viðmiðin fyrir hvern bekk. Fram kom að aukin áhersla er lögð á lesskilning og að hann skipti meira máli við að tileinka sér nám heldur en leshraði, þótt hann skipti líka máli. Fræðslu- og tómstundanefnd samþykkir læsisstefnu grunnskólans.

Fræðslu- og tómstundanefnd leggur til að myndað verði teymi fjögurra fulltrúa úr leik- og grunnskóla á HÖfn um að semja heildstæða læsisstefnu fyrir sveitarfélagið. Haft verður náið samstarf við Leik- og grunnskólann í Hofgarði og leitað ráðgjafar Menntamálastofnunar. Fræðslustjóri kemur vinnunni í farveg. Áætlað er að stefnan verði fullunnin og lögð fyrir nefndina til samþykktar á fundi í júní.

Umræður urðu um endurskoðun stefnunnar og hvað ný stefna eigi að innihalda. Fundarmenn voru sammála um að það sé mikil skörun í stefnum um íþrótta- æskulýðs- og tómstundamál, forvarnarstefnu og áherslum í verkefninu um Heilsueflandi samfélag. Fræðslustjóra falið að gera tillögur að verkáætlun til umfjöllunar á næsta fundi.

Fundargerð lögð fram til kynningar. Umræður urðu um aðstöðu til líkamsræktar fyrir almenning. Fræðslu- og tómstundanefnd hvetur til þess að farið verði að huga að lausn fyrir þá starfsemi sem fyrst.

Í umræðum um fundargerðina kom fram að Ungmennaráð er að útbúa könnun til að senda eigendum veitingahúsa í sveitarfélaginu. Markmið með könnuninni er að fá upplýsingar um hvað fyrirtækin eru að gera varðandi flokkun á úrgangi og rusli.

Fræðslu- og tómstundanefnd felur fræðslustjóra að afla upplýsinga um hvernig þau sundkort sem UMf. Sindri hefur nú þegar samkvæmt samningi eru nýtt og hvernig þeim er úthlutað. Nefndin fjallar aftur um málið að þeim upplýsingum fengnum.