Fræðslu- og tómstundanefnd

Fræðslu- og tómstundanefnd samþykkir að skólaslit Tónskólans verði þann 22. maí n.k. í stað 23. maí.

Starfsmenn hafa skoðað möguleika á að sinna auknum fjölda barna í Kátakoti í húsnæði Hafnarskóla og niðurstaðan er sú að það er ekki möguleiki. Endurbætur í Vöruhúsi valda því að kennsla í list- og verkgreinum hefur verið flutt inn í skólann og er reynt að halda úti lágmarkskennslu í þeim greinum þar. Útilokað er að fara með meiri starfsemi inn í skólann. Þær lausnir sem fyrirsjáanlegar eru er að vinna að auknu samstarfi við Umf. Sindra, ráða viðbótarmannafla og nýta húsnæði Þrykkjunnar. En ljóst er að það þarf viðbótarhúsnæði við það sem fyrir er.

Fræðslu- og tómstundanefnd þakkar skólaráði fyrir ályktun um að móta framtíðarstefnu um uppbyggingu í húsnæðismálum skólans. Nefndin felur fræðslustjóra að vinna þarfagreiningu með stjórnendum og starfsfólki skólans nú á vordögum sem getur verið grunnur að næstu ákvörðun í málinu.

Lýsing á nýju námskeiði; "Að þróa nám og starf í skóla fyrir alla" lögð fram til kynningar. Námið er einingabært fyrir þá sem vilja.

Herdís kynnti skipulag vinnuskólans fyrir sumarið. Fram kom að búið er að ganga frá ráðningu fjögurra flokksstjóra og borist hafa umsóknir frá 20 ungmennum. Vinnuskólinn starfar frá 5. júní til 31. júlí.

Guðbjörg fór yfir skýrslu um starf vetrarins. Rætt var um nauðsyn þess að gera rammaskipulag til stuðnings fyrir nýja starfsmenn Þrykkjunnar. Starfsmönnum falið að vinna það. Starfinu verður haldið úti út maí þrátt fyrir vatnstjón sem varð á húsnæði Þrykkjunnar.

Í könnun um nýtingu á tómstundaakstri sögðust foreldrar 11 barna á átta heimlium myndu nýta sér slíkan akstur en foreldrar á sjö heimilum sögðust ekki myndu nýta sér hann. Fræðslu- og tómstundanefnd leggur til að tómstundaakstur verði boðinn út með skólaakstri sem sér leið sem þó verði hægt að undanskilja frá tilboðum.

Fundargerð velferðarteymis lögð fram til kynningar.

Fræðslu- og tómstundanefnd líst vel á drög að stefnu og verklagsreglum um túlka- og þýðingarþjónustu og gerir ekki athugasemdir við þau.

Fundargerð Ungmennaráðs frá 8.05. lögð fram til kynningar.

Fundargerð 15. fundar lögð fram til kynningar. Í umræðum kom m.a. fram að Mennta- og menningarmálaráðuneyti veitti sveitarfélaginu 4,5 m. kr. styrk vegna viðhalds á tartan- og torfærubraut og vegna uppbyggingar á strandblaks- og strandhandboltavelli.

Farið var yfir stöðu málsins. Fræðslustjóri upplýsti að verkefnið hefði hlotið tveggja milljóna króna styrk . Bartek Skrzypkowski hefur tekið að sér að sinna pólskukennslu og hefur sett sig í samband við pólska skólann í Reykjavík. Hildur og Bartek munu skipuleggja verkefnið í samvinnu við Grunnskóla Hornafjarðar. Áætlað er að kennsla hefjist í haust. Nefndin fagnar því að verkefnið fari af stað.

Fræðslustjóri fór yfir þau mál sem voru í brennidepli á vorfundi Grunns félagi fræðslustjóra og stjórnenda skólaskrifstofa.

Fræðslu- og tómstundanefnd lýsir ánægju með fyrirhugaðar aðgerðir stjórnvalda til að hvetja fólk í leik- og grunnskólakennaranám. Nefndin felur fræðslustjóra að endurskoða aðgerðir sveitarfélagsins til eflingar leikskólastigsins sem samþykktar voru 2015, með hliðsjón af aðgerðunum.