Fræðslu- og tómstundanefnd

Tillögur frá arkitekt um breytingar á húsnæðinu í Hofgarði lagðar fram til kynningar. Teikningarnar fanga breytingar í öllu húsinu en í forgangi er að opna milli leik- og grunnskóla. Tillagan gerir ráð fyrir skólastofu á sviði í salnum en skólastjóra líst ekki á þá útfærslu. Það er nauðsynlegt til að auðvelda nýtingu á kennslurými og öðru rými og til að auka möguleika á samnýtingu starfsfólks, opnunin bætir einnig öryggi ef upp koma óhöpp eða slys.Umræður voru um rými sem ýmist er merkt sem kaffistofa starfsmanna eða leikstofa.

Bréf frá Menntamálastofnun (MMS)lagt fram. Umræður urðu um gagnsemi ytra mats. Skólastjórar Grsk. í Hofgarði og Grsk. Hornafjarðar eru jákvæðir fyrir matinu.

Einnig var lagt fram annað bréf frá MMS þar sem auglýst er eftir sveitarfélögum sem hafa áhuga á því að fram fari ytra mat á starfi leikskóla innan þeirra.


Ósk um þann matsþátt þarf að berast Menntamálastofnun fyrir 1.desember n.k

Vinna sú er fram fór fyrr á þessu ári var fyrsta skrefið í að móta stefnu í húsnæðismálum skóla og íþrótta. Umhverfis- og skipulagsnefnd hefur hafið vinnu við gerð deiliskipulags á miðsvæðinu. Í nýju deiliskipulagi verða skilgreindir nýir byggingarreitir og skilmálar fyrir þá, t.a.m. fyrir nýtt íþróttahús, líkamsræktarstöð og skóla. Umræður urðu um ástand húsnæðis grunnskólans og þær endurbætur sem eru orðnar aðkallandi, t.d. í Kátakoti, í matsal og millibyggingu í Heppuskóla við íþróttahús. Horfa þarf um 25 - 30 ár fram í tímann. Ákveðið að nefndin móti áætlun um áframhaldandi vinnu við framtíðarsýn í húsnæðismálum skólans. Þórgunnur sagði frá því að Vöruhúsið verði tilbúið á næstu dögum og stefnt er að því að hafa fyrsta Hafnarhitting haustsins þar. Þá gefst íbúum tækifæri til að skoða húsið.

Gjaldskrá Vöruhúss 2020 lögð fram og samþykkt.

Skjal með upplýsingum um gjaldskrár sundlauga lagt fram. Fræðslu- og tómstundanefnd leggur til að hækka gjald fyrir fullorðna úr kr. 950 í kr. 1000 en önnur gjöld haldist óbreytt.

Farið var yfir breytingar á reglum um starfsemi leikskóla í samræmi við bókun síðasta fundar. Umræður sköpuðust út frá fyrirspurn um fjölda barna í leikskólanum Sjónarhóli, á biðlista og fjölda starfsmanna á deildum. Farið var yfir upplýsingar um stöðuna og fræðslustjóra falið að fara yfir málið með stjórnendum. Afgreiðslu reglna frestað til næsta fundar.

Starfsemi í Þrykkjunni hefur aukist með tilkomu hluta af starfsemi Kátakots þar alla virka daga frá kl 13:00-15:00. Fræðslu- og tómstundanefnd leggur til að tekið verði gjald kr. 3000- á klst. fyrir afnot af húsnæði Þrykkjunnar um helgar, þar sem það er eini tíminn sem laus er, og gerður verði samningur um afnotin.

Fræðslu- og tómstundanefnd mælir með því að námskeiðið Uppeldi sem virkar - Færni til framtíðar verði í boði gjaldfrjálst fyrir foreldra út árið 2020.

Fundargerð velferðarteymis um fjölmenningarmál lögð fram til kynningar.

Reglurnar lagðar fram og engar athugasemdir gerðar.

Fundargerð 45. fundar lögð fram.

Fundargerð 46. fundar lögð fram.

Leiðbeinandi álit lagt fram.

Samningurinn lagður fram til kynningar.