Fræðslu- og tómstundanefnd

Hjördís Eva kynnti markmið með verkefninu Barnvæn sveitarfélög og innleiðingarferli þess fyrir Fræðslu- og tómstundanefnd og Ungmennaráði saman. Fræðslu- og tómstundanefnd hvetur til þess að Sveitarfélagið Hornafjörður sæki um aðild að verkefninu. Nefndin telur mikinn ávinning af því hvað varðar lærdómstækifæri þeirra sem taka þátt í innleiðingunni, til að virkja enn betur samráð við börn og tryggja að tekið sé tillit til hagsmuna barna í allri ákvarðanatöku hjá sveitarfélaginu.

Umsóknir bárust frá sex aðilum þetta árið. Samtals hljóðuðu umsóknirnar upp á kr. 2.052.010- en nefndin hefur kr. 500.000- til úthlutunar. Fræðslu- og tómstundanefnd felur starfsmanni að tilkynna styrkþegum úthlutun nefndarinnar og beinir því til bæjarráðs að hækka heimild til styrkveitinga fyrir næsta ár.

Í samfélaginu hefur verið vaxandi umræða um svefn, þar sem rannsóknir sýna fram á mikilvægi nægs svefns fyrir líkamlega og andlega heilsu. Í skólaráði Grunnskóla Hornafjarðar og meðal starfsmanna var málið tekið til umræðu og fram er komin sú hugmynd að seinka skólabyrjun á morgnana til kl. 9 í stað 8:10 eins og nú er. Rökin fyrir því að breyta þessu eru tvíþætt:
1. Auka svefntíma barna sem eiga lengst að úr sveitum en þau verða að vakna á bilinu 06:20 - 06:30 til að ná skólabílnum og vera komin á réttum tíma í skólann.
2. Koma til móts við líkamsklukku unglinga. Rannsóknir á heilastarfsemi ungmenna sýna fram á að melatónínframleiðslu heilsans seinkar svo að algengt er að unglingar verði syfjaðir seinna, geti hreinlega ekki sofnað snemma á kvöldin og mæti vansvefta í skólann snemma á morgnana.
Umræður urðu um kosti og galla þess að seinka skóla og hvað þyrfti til að það gengi upp. Fræðslu- og tómstundanefnd felur fræðslustjóra að boða til fundar með skólaráði GH, nefndarmönnum og foreldrum leik- og grunnskólabarna til að kanna viðhorf þeirra til málsins. Ákveðið að boða til þess fundar fimmtudaginn 19. mars kl. 16:30 í Nýheimum. Fræðslu- og tómstundanefnd leggur til að málið verði tekið til umfjöllunar í bæjarráði sem fyrst.

Um er að ræða gistinu fyrir 45 manns fatlað fólk og aðstoðarmenn frá nokkrum Evrópulöndum sem eru að hlaupa boðhlaup víða um Evrópu. Fræðslustjóri finnur lausn í samstarfi við forstöðumann íþróttamiðstöðvar og skólastjóra grunnskólans.

Reglurnar lagðar fram nefndin gerir ekki athugasemdir við þær.

Fundargerð 89. fundar velferðarteymis lögð fram.

Fræðslu- og tómstundanefnd samþykkir erindisbréf um stýrihóp fyrir Heilsueflandi samfélag.