Fræðslu- og tómstundanefnd

Ingólfur fór yfir starfsemi Þrykkjunnar þar sem boðið var upp á fjölbreytta dagskrá, en hann lætur af störfum seinna í sumar. Verið er að ganga frá ráðningu nýs forstöðumanns. Karkyns starfsmann vantar í 30% stöðu.

Herdís kynnti ársskýrslu tómstundafulltrúa, þar sem m.a. er farið yfir starf ungmennaráðs, vinnuskólans og heilsueflandi samfélags.

Bartosz fór yfir framkvæmd kennslunnar í vetur þar sem fram kom m.a. að 13 nemendur byrjuðu í náminu; 7 á eldra stigi og 6 yngra á stigi. Eftir áramót var fjöldinn kominn niður í 10 og eftir Covid 19 voru það 2-3 nemendur í hvorum hópi sem sóttu kennsluna. Fram komu upplýsingar um að grunnskólanemendur á unglingastigi geta nú aftur stundað nám í móðurmáli sínu í fjarnámi. Fræðslu- og tómstundanefnd felur fræðslustjóra að kanna áhuga foreldra og barna í yngri hópnum á árframhaldandi móðurmálskennslu ennfremur að kanna með styrki t.d. hjá pólska sendiráðinu.

Fulltrúar fræðslu- og tómstundanefndar og bæjarráðs ásamt starfsfólki úr stjórnsýslunni hafa skoðað húsnæðisvalkosti til að auka við húsnæði Kátakots. Bæjarráð hefur fjallað um málið og ákveðið að breyta hluta rýmis í kjallara Vöruhúss og aðlaga það starfsemi Kátakots. Bókun bæjarráðs frá 16.06.lögð fram til kynningar. Fræðslu- og tómstundanefnd leggur til að skoðað verði að gera Svalbarðið að vistgötu, það hefur m.a. í för með sér að gangandi vegfarendur hafa forgang og draga úr umferðarhraða. Nefndin leggur áherslu á að fjölga leiktækjum á skólalóðinni í samráði við skólastjórnendur.

Kannað var 1. ánægja af lestri, 2. ánægja með skólann og 3. vellíðan í skólanum. Fræðslu- og tómstundanefnd fór yfir niðurstöður könnunarinnar. Þegar niðurstöður fyrir 1. - 5. bekk eru teknar saman í eina heild eru þær marktækt yfir landsmeðaltali. Niðurstöðurnar eru birtar á heimasíðu skólans á vefslóðinni https://gs.hornafjordur.is/media/annad/1.-5.-bekkur-2018.pdf.

Kannað var 1. virkni nemenda, 2. líðan og heilsa og 3. skóla- og bekkjarandi. Fræðslu- og tómstundanefnd fór yfir niðurstöður könnunarinnar sem eru á heildina litið jákvæðar fyrir skólann. Niðurstöðurnar eru birtar á heimasíðu skólans á vefslóðinni https://gs.hornafjordur.is/media/annad/1.-5.-bekkur-2018.pdf.

Rætt var um efni innsends erindis þar sem hvatt er til umræðu um kosti og galla þess að nemendur komi með eigin síma og snjalltæki í skólann. Farið var yfir reglur GH um notkun snjalltækja og viðhorfskönnun meðal nemenda, kennara og starfsfólks skólanna í Fjarðabyggð um bann við notkun snjalltækja í grunnskólum. Fræðslu- og tómstundanefnd vísar málinu til umræðu í skólaráði GH og hjá nemendum og starfsmönnum skólans. Nefndin óskar eftir áliti þeirra um hvernig best sé að haga notkun síma og snjalltækja í skólanum.

Fram kom í máli skólastjóra að hreyfistundirnar voru vel nýttar fram að Covid faraldrinum. Ekki náðist að taka saman yfirlit yfir nýtinguna fyrir fundinn en skólastjóri vill halda áfram að þróa hreyfistund á vinnutíma. Fræðslu- og tómstundanefnd styður skólastjóra til þess.

Vilhjálmur kynnti ársskýrslu Vöruhúss og Fab Lab. Stærsta og tímafrekasta verkefnið var að taka þátt í Verksmiðjunni, hönnunarkeppni á vegum RÚV þar sem Aron Freyr Borgarsson í 8. bekk komst í úrslit fyrir "eltivekjarann" sinn.
Vilhjálmur hvetur kennara skólanna til að sækja sér þekkingu sem Fab Lab Hornafjarðar býður upp á og æfa sig í að nýta Fab Lab meira í kennslu. Verktakar hafa hafist handa um síðasta áfanga endurbóta á Vöruhúsinu, í bili, og áætlað er að þeim ljúki í kringum skólabyrjun í haust.

Samkomulagið lagt fram til kynningar. Fræðslu- og tómstundanefnd fagnar þátttöku sveitarfélagsins í verkefninu.

Fundargerð ungmennaráðs lögð fram.

Ragnhildur kynnti skýrslu fræðslustjóra.