Fræðslu- og tómstundanefnd

Hlutfall barna í árgangi sem hafa nýtt sér tómstundastyrk síðustu ár er misjafn eða frá rúmum 60% árin 2017 og 2020 upp í 81% 2019. Rætt var um leiðir til að ná til fleiri barna samhliða endurskoðun á reglum um tómstundastyrk og ákvæðum í samningi um aðild einstaklinga, félaga og fyrirtækja að tómstundakerfi sveitarfélagsins. Lagt er til að breyta hugtakanotkun úr tómstundum í frístundir og breyta starfsheiti tómstundafulltrúa í frístundafulltrúa. Reglur og samningur samþykktur með fyrirliggjandi breytingum og vísað til afgreiðslu í bæjarráði.

Forstöðumaður Íþróttamiðstöðvar hefur mótað reglur um framlengingu á árskortum vegna lokunar sundlaugar í Covid 19 faraldrinum. Reglurnar lagðar fram til kynningar og forstöðumaður hvattur til að kynna þær vel fyrir íbúum á fleiri tungumálum en íslensku.

Hægt er að nýta tómstundakort til niðurgreiðslu skólagjalda í Tónskólanum út árið sem börn verða 18 ára. Fræðslu- og tómstundanefnd leggur til að erindið verði samþykkt og vísar því til bæjarráðs.

Fræðslu- og tómstundanefnd fór yfir erindið og felur fræðslustjóra og formanni nefndarinnar að svara því.

Fram kom að Brynja Kristjánsdóttir skólastjóri leik- og grunnskólans í Hofgarði mun láta af störfum í sumar. Ráðningarsamningar starfsfólks leikskólans renna út 31. júlí. Auglýsa þarf því eftir skólastjóra og a.m.k. tveimur leikskólakennurum til starfa við skólann frá ágúst n.k.

Farið var yfir gátlistana og starfsmanni falið fylgja málinu eftir og skila áætlun um úrbætur á fundi í maí n.k.

Fræðslu- og tómstundanefnd hvetur bæjarráð til að samþykkja verklagsreglur um túlka- og þýðingarþjónustu í stað stefnu og reglna frá 2019. Nefndin tekur einnig undir tillögu velferðarnefndar um að stofnað verði fjölmenningarráð og unnin mannréttindastefna fyrir sveitarfélagið.

Skýrslan lögð fram til kynningar.

Ingunn Ósk Grétarsdóttir fór yfir fundargerð ráðsins. Rætt var um orkudrykkjakönnunina og fyrirætlanir sveitarfélagsins um sumarstörf næsta sumar. Fræðslu- og tómstundanefnd hvetur stjórnvöld til þess að bjóða aftur upp á úrræði til að fjölga sumarstörfum fyrir ungmenni líkt og var síðasta sumar.