Fræðslu- og tómstundanefnd

Umbótaáætlun í framhaldi af ytra mati Menntamálastofnunar lögð fram. Formaður notaði tækifærið og bauð Hafdísi Roysdóttur velkomna í starf skólastjóra og þakkaði Brynju Kristjánsdóttur fráfarandi skólastjóra fyrir vel unnin störf.

Herdís fór yfir það framboð sumarfrístunda sem komið er á hennar borð og kynnti námskeið um Skapandi sumar sem Erla Ösp Hafþórsdóttir mun bjóða ungmennum upp á í sumar. Áætlað er að birta framboðið á netinu í lok maí. Fræðslu- og tómstundanefnd hvetur börn og ungmenni til að nýta sér það fjölbreytta framboð sem í boði verður. Nefndin leggur áherslu á að bæklingurinn verði á fleiri tungumálum en íslensku.

Herdís fór yfir niðurstöður könnunar Rannsókna og greiningar um hagi og líðan ungs fólks í 8.-10. bekk. Neysla tóbaks, áfengis og annarra fíkniefna hefur dregist saman en notkun nikótínpúða hefur hins vegar aukist. Alvarlegar vísbendingar koma fram um það að verið sé að sækja í ungmenni hér sem annars staðar og fá þau til að senda nektarmyndir af sér gegn greiðslu af ýmsu tagi. Fræðslu- og tómstundanefnd hvetur foreldra til að vera sérstaklega á verði varðandi þetta og hvetur þá einnig til þess að kynna sér upplýsingar á Youtube frá R&G um umfang kynferðislegra myndsendinga meðal barna á slóðinni https://www.youtube.com/watch?v=5fjQblBYNpE

Skýrsla Menntamálastofnunar lögð fram til kynningar en í henni koma fram styrkleikar skólastarfsins og tækifæri til umbóta. Starfsmönnum falið að leggja fram umbótaáætlun á fundi nefndarinnar í júní.

Drög að skólanámskrá Sjónarhóls og fylgiskjöl lögð fram til kynningar og umræðu. Drögin lofa góðu, búið er að koma nær öllum upplýsingum inn í námskrána á skýran og aðgengilegan hátt en aðeins á eftir að fínpússa. Deildarnámskrár eru í vinnslu og stefnt er að því að ljúka þeirri vinnu fyrir sumarfrí svo starfið næsta skólaár geti strax tekið mið af þeim. Starfsmönnum falið að leggja endanlega útgáfu af námskránni fyrir fund nefndarinnar í júní.

Fram kom að í leikskólanum Sjónarhóli eru 9 menntaðir leikskólakennarar með B.Ed. próf sem gera 37.5% en til að uppfylla lagaskylduna þyrfti hlutfallið að vera um 67%. Leikskólastjórarnir eru ekki inni í þessari tölu. Einungis leikskólastjórinn er með M.Ed. próf enn sem komið er en þrír starfsmenn eru nú í meistaranámi. Enginn leikskólakennari er starfandi í leikskóladeildinni Lambhaga í Hofgarði. Fram komu ábendingar um breytingar frá fulltrúum starfsmanna og óskaði formaður eftir því að fá þær sendar skriflega. Nefndin tekur þær aftur fyrir á júnífundinum. Fræðslustjóra og leikskólastjóra falið að skoða mönnunarþörf vegna afleysing.

Við skoðun og samanburð á skólareglunum verður ekki annað séð en þær séu í samræmi við ákvæði þess kafla reglugerðar um ábyrgð og skyldur aðila skólasamfélagsins, sem fjalla um skólareglur. Hugmyndir um ítarlegri upplýsingar um stoð- og skólaþjónustu lagðar fram og ræddar. Þórgunnur fór yfir helstu niðurstöður af foreldrafundi sem haldinn var í gær um styrkleika og veikleika, ógnanir og tækifæri í skólastarfi grunnskólans. Nefndin ræddi sérstaklega um framboð og fjölbreytileika skólamáltíða og tækifæri í þróun þar.

Niðurstöður nemendakönnunar í 1. til 5. bekk eru jákvæðar og gefa m.a. til kynna aukna ánægju af lestri og meiri vellíðan í skólanum.

Kynnt var ákvörðun bæjarráðs frá því í gær um að mæla með ráðningu Þórgunnar Torfadóttur í starf sviðsstjóra fræðslu- og frístundasviðs. Nefndin lýsir ánægju með þá ákvörðun ráðsins.

Ársskýrsla Björgunarsveitarinnar Kára í Öræfum lögð fram til kynningar.

Lagt fram til kynningar.

Lagt fram til kynningar

Ungmennin eru mjög áhugasöm um bætt aðgengi að sálfræðiþjónustu ekki síst fyrir ungmenni yfir 18 ára bæði í FAS og á vinnumarkaði. Rætt var um ábyrgð framhaldsskólans um að útvega nemendum sínum sálfæðiþjónustu. Fram kom hjá Ungmennaráði að þau hafa áhyggjur aukinni ásókn í börn og ungt fólk um að senda af sér nektarmyndir. Þau leggja áherslu á að það þurfi að fræða foreldra ekki síður en börn um hverjar hætturnar eru og hvað gengur á í símum barna sinna. Íris Mist Björnsdóttir benti á að það vanti frístundatilboð fyrir ungmenni sem hafa ekki endilega áhuga á íþróttum, það vanti tilboð um sköpun og listir. Og að íþróttir á vegum íþróttafélaga sé of keppnismiðaðar það þarf líka að vera valkostur að vera í íþróttum og hafa gaman.

Ingunn Ósk Grétarsdóttir fór yfir fundargerð 62. fundar ungmennaráðs með aðstoð annarra meðlima ráðsins.