Fræðslu- og tómstundanefnd

Unnið hefur verið með arkitektum frá Landhönnun og Arkþing að útfærslum á lóð og viðbótarhúsnæði við leikskólann. Þegar Sjónarhóll var hannaður á sínum tíma þá var reiknað með 145 börnum og leikskólalóðin og bílastæði voru hönnuð með það í huga. Því er ekki talin þörf á fleiri bílastæðum og það er hægt að hliðra bílastæðunum til án þess að ganga á þau. Síðan er mikilvægt að merkja skammtímastæðin betur. Þá hefur sú umræða komið upp að stækka ekki lóðina heldur setja meira krafta í að bæta útivistarsvæðin í nágrenninu s.s. Hóteltúnið og önnur svæði. Einnig var rætt um að bæta aðstöðu fyrir börn, foreldra og starfsmenn sem koma á hjólum eða með barnavagna. Arkitektarnir munu halda áfram að vinna út frá þessum hugmyndum.

Farið yfir framvinduskýrsluna og hún samþykkt af fræðslu- og tómstundanefnd.

Framvinduskýrslan lögð fyrir og samþykkt af fræðslu- og tómstundanefnd.

Gísli fór yfir skýrslu stjórnar og sagði frá starfinu. Auk þess minntist hann á fund fyrr í dag með formanni KSÍ þar sem farið var yfir að keppnistímabil í knattspyrnu væri að lengjast og mikilvægt væri fyrir iðkendur að hafa aðgang að gervigrasvelli í fullri stærð til að keppa heimaleiki. Það verður næsta verkefni Sindra og þá um leið sveitarfélagsins að ákveða hvort farið verður í það verkefni. Fram kom á þessum fundi að það eru fyrst og fremst Höfn og Ísafjörður sem eru í þessum vandræðum og formaður KSÍ mun tala máli okkar gagnvart opinberum aðilum en eins og staðan er núna liggja stórir styrkir ekki á lausu. Fram koma að það þarf að fara að skipta um gras á íþróttavellinum og einnig styttist í nýtt gras í Bárunni.
Fræðslu- og tómstundanefnd óskar eftir því að starfsmenn sveitarfélagsins athugi hvað þarf að fara í miklar framkvæmdir til að setja gervigras á íþróttavöllinn, hvaða röskun það myndi hafa í för með sér og hvað slíkt myndi kosta.

Halldóra Bergljót Jónsdóttir fór yfir skýrslu stjórnar. Fram kom að félögum hefur fjölgað mikið síðustu ár og reksturinn sjaldan verið blómlegri og völlurinn í góðu standi. Nú standa yfir framkvæmdir á vallarhúsinu sem hafa verið kostnaðarsamar og töluvert er eftir af þeirri framkvæmd. Starfið og framkvæmdir eru að mestu bornar uppi af félagsmönnum sjálfum og metnaður klúbbsins er að hafa aðstöðu út á velli og inn í húsi til fyrirmyndar. Þetta er kostnaðarsamt og klúbburinn óskar eftir hækkun á næsta rekstrarsamning sem þarf að gera síðar á þessu ári. Þess má að lokum geta að Golfklúbbur Hornafjarðar er nú orðið fyrirmyndarfélag ÍSÍ.

Magnús Skúlason kom og fór yfir skýrslu stjórnar. Aukning hefur verið í barna- og unglingastarfi og hafa ungmennin náð góðum árangri á landsvísu. Einnig kom fram að félagshesthúsið hefur skilað fleiri ungmennum inn í reiðmennskuna og mikil eftirspurn er eftir stíunum sem leigðar eru með 50% afslætti til ungmenna.

Fræðslu- og tómstundanefnd samþykkir drög að nýjum samstarfssamningi og vísar samningnum til bæjarráðs.

Fræðslu- og tómstundanefnd samþykkti drög að samstarfssamningi. Starfsmanni falið að ganga frá samningi við félagið og málinu vísað til bæjarráðs.

Það er ánægjulegt að sjá að fræðsla um rafrettur og mikilvægi svefns hefur skilað árangri og því mikilvægt að halda henni áfram. Á sama tíma sést líka að það eru ýmsar hættur sem leynast t.a.m. í netheimum og orkudrykkjaneysla heldur áfram að vera mikil.
Helstu niðurstöður könnunarinnar verða kynntar foreldrum á næstu dögum.

Fræðslu- og tómstundanefnd samþykkir að gerður verði áframhaldandi samningur og starfsmanni falið að ganga frá honum.

Lagt fram til kynningar.

Umsóknarfrestur rennur út 24. apríl og fljótlega eftir það kemur í ljós hvort auglýsa þurfi aftur.

Ungmennaráð vinnur að því að skipuleggja skuggakosningar sem væntanlega verða 13. maí, daginn fyrir sveitarstjórnarkosningar. Fundargerð samþykkt.