143. fundur

26. mars 2012 kl. 16:00 - 00:00

í ráðhúsi

Nefndarmenn

Reynir Arnarson formaður

Sigurður Ægir Birgisson varaformaður

Nína Sibyl Birgisdóttir aðalmaður

Gísli Karl Ágústsson 1. varamaður

Haukur Ingi Einarsson (HIE) starfsmaður tæknisviðs

Birgir Árnason starfsmaður tæknisviðs

Sigfús Harðarson embættismaður

Karl Sigurður Guðmundsson embættismaður

Starfsmenn

Fundargerð ritaði:

Haukur Ingi Einarsson Framkvæmdastjóri fjármála- og framkvæmdasviðs

Dagskrá

1.

Tillaga að dýpkun í Hornafjarðarhöfn 2012

Málsnúmer 201203059

Hafnarstjórn Hornafjarðarhafnar samþykkir að dæla allt að 50.000 m3 úr höfninni vorið 2012 og losa efnið á Leirusvæðið. Til þess þarf að hækka garð á Leirusvæði um allt að 1 metra. Þetta verður í síðasta sinn sem dælt verður á Leirusvæðið og leggur hafnarstjórn áherslu á að gengið verði þannig um svæðið allt að ekki verði sandfok úr því í framtíðinni. Starfsmönnum er falið að undirbúa aðgerðir þar að lútandi nú þegar. <?xml:namespace prefix = o ns = "urn:schemas-microsoft-com:office:office" />

Hafnarstjórn Hornafjarðarhafnar skorar á samgönguyfirvöld að viðurkenna viðmiðunardýpi í höfninni 8 m í stað 7.5 m. Einnig að endurskoðuð verði graftrarmörk fyrir höfnina og auka stuðning sinn við viðhaldsdýpkun og greiði 75 % hlut sinn í ofangreindri dælingu að fullu.

Hafnarstjórn beinir því til bæjarstjórnar Hornafjarðar að leggja út fyrir kostnaðinum, sem búast má við að verði samtals kr. 57.029.072.- Hlutur hafnarinnar 14.257.268.- og hlutur ríkis 42.771.804.

Hafnarstjórn felur hafnarstjóra og formanni hafnarstjórnar að fylgja erindinu eftir við viðkomandi yfirvöld.

Hafnarstjórn felur starfsmönnum að vinna að nákvæmri kostnaðar- og fýsileikagreiningu á losunarstað fyrir efni úr höfninni til framtíðar, t.d. yfir á Austurfjörur eða í fjörðinn í námunda við Óslandssker.

2.

Grynnsli- staða mála

Málsnúmer 201112028

Farið var yfir mælingar á grynnslum frá 18. mars sl. Fram kom að grynnslin eru breiðari en undanfarin ár.

Hafnarstjórn skorar á samgönguyfirvöld að ljúka sem allra fyrst þeim rannsóknum sem þegar eru hafnar á grynnslunum við Hornafjarðarós.

Fyrir liggur aðgerðaráætlun Siglingastofnunnar Íslands þar að lútandi.

3.

Bræðslubryggja rofvörn-útboð

Málsnúmer 201201077

Gerð var grein fyrir verðkönnun. Fram kom að eitt tilboð barst í verkið og var það undir kostnaðaráætlun. Tilboð var upp á 3.004.270.- Samþykkt að taka tilboðinu.

4.

Hornafjarðarveitur

Málsnúmer 201203066

Birgir gerði grein fyrir fráveituframkvæmdum við Tjaldsvæði og Nesjahverfi. Fram kom að hreinsivirki við Leiðarhöfða virkar vel samkvæmt síðustu losun á mannvirkinu.

5.

Önnur mál

Málsnúmer 201102011

Sigurður gerði grein fyrir ferð sem hann fór í til Miami 10 mars sl. Tilgangur ferðarinnar var að kynna Hornafjarðarhöfn á sýningu fyrir hafnir sem taka á móti skemmtiferðarskipum. <?xml:namespace prefix = o ns = "urn:schemas-microsoft-com:office:office" />

Fram kom að ferðin var árangursrík, komið var á tengslum við fyrirtæki og aðila í greininni. Bókaður var nýr aðili fyrir árið 2014 og vonir bundnar við að það skip komi í fimm ár eftir það.

Hafnarstjórn samþykkir að formaður hafnarstjórnar og Sigurður Guðmundsson verði fulltrúar hafnarinnar á aðalfund Cruise Iceland. Formaður fari með atkvæði hafnarinnar.

Haukur Ingi gerði grein fyrir verðtilboðum í nýja hafnarvog. Starfsmönnum falið að yfirfara tilboðin og velja hagkvæmasta kostinn.

hafnarstjórn Hornafjarðar