hafnarstjórn Hornafjarðar

Formaður setti fund og bauð fundarmenn velkomna, forstöðumaður fer yfir málið og gefur Ara Jónssyni orðið til útskýringar hvernig málið stendur og hvað veldur þeim töfum sem orðnar eru á verkinu, Vegna verkefnastöðu hefur Foss ekki getað unnið verkið, Ari óskar eftir að fá að fresta afhendingu á verkinu fram til marsloka.
Hafnarstjórn samþykkir að veita Foss þann frest sem um er beðið, en leggur áherslu á að verkið dragist ekki umfram það.

Stefán Ólafsson mætti undir þessum lið og fer yfir stöðu mála í framtíðarstefnu Hornafjarðarhafnar, segir frá vinnunni og hugsanlegum breytingum. Umræður um kjörorð hafnarinnar, rætt um fjárhagslega stöðu hafnarinnar í samhengi við stefnumótunina, farið yfir feril stefnumótunarinnar og næstu skref, ýmsum þáttum í aðgerðaráætluninni og stefnunni velt upp og lagðar til breytingar, rætt um umferðarmálin við höfnina og bílastæðamál. Rætt um niðurlag stefnunnar, ákveðið að Stefán geri þær breytingar á stefnunni sem um var rætt og sendi fundarmönnum til yfirlestrar.

Forstöðumaður leggur fram verð sem fékkst úr verðkönnun um vél og gíra í Björn Lóðs, grófar tölur sem gefa hugmynd um kostnað sem leggja þarf í þegar farið verður í að skipta um vélar og gíra í Birni Lóðs.

Forstöðumaður fer yfir ferilinn í kynningu frá Köfunarþjónustunni og kynnir verðhugmynd frá Köfunarþjónustunni um mat á bryggjuþiljum Hornafjarðarhafnar.
Frestað til næsta fundar.

Forstöðumaður fer yfir ferilinn í málinu og nýjustu samskipti við Vegagerðina, það lítur út fyrir að Vegagerðin ætli að leggjast í að klára rofvörnina á komandi vetri.
Forstöðumanni falið að vinna að umsókn um framkvæmdaleyfi í námu í nágrenni Skinneyjar sem er á aðalskipulagi.

Talað um Bláfánaverkefnið, ákveðið að taka ekki þátt verkefninu að sinni.
Mikligarður og aðstaða fyrir Hornafjarðarhöfn, með verkstæði, slöngu og rafmagnskaplageymslu.
Upplýst um stefnubreytingu á nýtingu á Miklagarði, stefnt er að Mikligarður renni til rekstrar Hornafjarðarsafna.
Hafnarstjórn óskar eftir að skil fari fram sem fyrst.