hafnarstjórn Hornafjarðar

Vignir Júlíusson starfsmaður hafnarinnar og Jóhann Þór frá Vegagerðinni sátu fundinn undir þessum lið.
Skoðaðar voru aðstæður við Suðurfjörur. Vignir og Jóhann lýstu bráðabirgðaaðgerð sem farið verður í á næstu dögum til að hefta landbrot. Einnig fóru þeir yfir hugmyndir að framtíðarlausn; varnargarði og akstursleið út í Hvanneyjarvita.

Björn Þór Imsland umsjónarmaður fasteigna sat fundinn undir þessum lið.
Björn fór yfir fyrirhugaðar framkvæmdir við Hellisvita. Gerð útboðsgagna er á lokastigum og stefnt er að opnun tilboða í byrjun apríl.

Fundargerð Cruise Iceland lögð fram til kynningar. Aðalfundur Cruise Iceland verður á Ísafirði 23. maí n.k. formaður bar upp tillögu um að formaður og Sigurður Guðmundsson, forstöðumaður Hornafjarðarhafnar verði fulltrúar hafnarinnar á þeim fundi til vara, Sigurður Ægir Birgisson og hafnarstjóri. Kom fram að kynningarferð fyrir söluaðila ferða með minni skemmtiferðaskipum er í kjölfar fundarins á Ísafirði. Forstöðumaður hafnarinnar hefur óskað eftir að Hornafjörður verði heimsóttur í þeirri ferð. Kom einnig fram að fjórar komur eru staðfestar árið 2014 og ein árið 2015. Skýrsla um komu skemmtiferðaskipa til Hafnar er í vinnslu. Ekki verður farið til Miami í ár, þátttaka okkar verður í gegnum Cruise Iceland en farið verður á evrópuráðstefnuna í Barcelona í haust.
Rætt var um framkvæmdir sem þyrfti að fara í til að auka snúningsrými og draga úr sandburði inní höfnina.

Reynir Arnarson og Sigurður Ægir Birgisson viku af fundi undir þessum lið.
Deiliskipulag í Krossey kynnt fyrir hafnarstjórn. Hafnarstjórn gerir ekki athugasemdir við deiliskipulagið.

Sigurður Ægir benti á að lagfæra þarf fríholt undir löndunarkrana.