hafnarstjórn Hornafjarðar

Vala Garðarsdóttir forstöðumaður Menningarmiðstöðvar Hornafjarðar sat fundinn undir þessum lið. Hafnarstjóri afhenti forstöðumanni Menningarmiðstöðvarinnar lyklavöldin af Miklagarði. Formaður óskaði Menningarmiðstöinni til hamingju. Vala upplýsti að styrkur sem barst í Miklagarð sé skilyrtur til endurbóta á gluggum húsins og verði farið í það í sumar. Valdemar spurði hvort hægt sé að byrja á endurbótunum þó teikningar séu ekki tilbúnar. Vala upplýsti að það sé hægt, fyrirmynd sé í upprunalegum gluggum í Verbúðinni.

Sigurður Guðmundsson forstöðumaður Hornafjarðarhafnar kynnti málið ásamt Björgvini Ó. Sigurjónssyni. Óskað var eftir verðtilboðum í grjótvörn. Verð barst frá einum verktaka Ólafi Halldórssyni. Kostnaðaráætlun er 905.000 kr. Tilboð Ólafs með efni kr 702.000 og kr. 502.840 ef sveitarfélagið leggur til efni. Hafnarstjórn samþykkir að ganga til samninga við Ólaf á grunni lægra tilboðsins.

Formaður greindi frá því að spilið er komið í notkun og reynist vel.

Formaður greindi frá því að kraninn sé í góðu ásigkomulagi og leigugreiðslur hafi borist samkvæmt reikningum. Leiga ársins 2013 hefur ekki borist enda reikningurinn ný farinn.

Lögð fram yfirlitsskýrsla um móttöku skemmtiferðaskipa til kynningar.