hafnarstjórn Hornafjarðar

Talað við Hagtak, Rósaberg og Vegagerðina vegna möguleika á að dýpka smábátahöfnina. Niðurstaðan er að ekki er mögulegt að losa efni úr höfninni annars staðar en við Stapaklett þannig að Trölli er líklega besti kosturinn. Hafnarstjórn leggur því til að við næstu reglulegu viðhaldsdýpkun hafnarinnar verði þetta svæði tekið og dýpkað og stefnt að því að hún fari fram fyrri part sumars. Næsta viðhaldsdýpkun fer fram sumarið 2017.

Vignir upplýsti um samskipti við Vegagerðina vegna skoðunar dönsku straumfræðistofnunarinnar á málinu. Skýrsla með niðurstöðum lögð fram til kynningar. Vignir sagði frá að til stendur að straummæla Ósinn nú í sumar og tengist það áframhaldandi rannsóknum á Grynnslum.

Vignir fór yfir stöðu mála. Hafnarstjórn lýst vel á hugmyndir sem lagðar voru fram vegna Dengsabryggju og grjótvörn innan hafnar sunnan smábátahafnar.
Hafnarstjórn samþykkir að fara í verkið samhliða fráveituframkvæmdum á svæðinu og felur starfsmönnum að undirbúa málið.
Einnig var kannað með kostnað við að skipta um þekju á Vogabryggju. Hafnarstjórn óskar eftir að kannað verði hvort framkvæmdin er styrkhæf og sækja um ef svo reynist.

Vignir upplýsti um stöðu mála og með hvaða hætti málið var leyst á yfirstandandi strandveiðitímabili. Hafnarstjórn felur starfsmönnum að vinna áfram að framtíðar fyrirkomulagi mála.