hafnarstjórn Hornafjarðar

Árdís fór yfir samskipti sýn við forsvarsmenn Cruise Iceland vegna aðildargjalda. Tekjumódel félagsins er á þann veg að allar hafnir greiða sama gjald óháð stærð eða fjölda skipa sem koma. Hafnarstjórn felur starfsmönnum að undirbúa erindi fyrir aðalfund Cruise Iceland þar sem lagt verður til að tekjumódel félagsins verði endurskoðað. Markmið með endurskoðun yrði að þrepaskipta árgjaldi í samræmi við tekjur hafnanna af komu skipa til þeirra.

fundargerðir nr.388 til 392 lagðar fram til kynningar.

Vignir kynnti úttekt sem fór fram á Vogabryggju. Ástand bryggju er slæmt og þarfnast hún viðhalds. Áætlaður kostnaður í viðgerð eða endurbyggingu er 40 til 80 milljónir. Starfsmönnum falið að merkja bryggjuna með þungatakmörkunum sökum ástands hennar.

Farið yfir gjaldskrá Hornafjarðarhafnar 2017. Hafnarstjórn samþykkir framlagða gjaldskrá og vísar henni í lögformlegt ferli.

Vignir fór yfir hugmynd um að hafnarstjóri og forstöðumaður hafnarinnar myndu fara á sýningu vegna mælinga og rannsókna á höfnum sýningin er í Southampton í byrjun apríl.
Hafnarstjórn samþykkir að hafnarstjóri og forstöðumaður hafnarinnar sæki sýninguna.