hafnarstjórn Hornafjarðar

Vignir fór yfir stöðu mála. Mælingar eftir dýpkun sýna að meira magni var dælt en verksamningur hvað á um. Unnið er að uppgjöri vegna dýpkunar.

Lögð fram tillaga eigenda Dýpkunarfélagsins Trölla ehf. um mögulega aðstöðusköpun á Ófeigstanga. Samkvæmt deiliskipulagi svæðisins er ekki gert ráð fyrir aðstöðu á umræddu svæði. Hafnarstjórn telur vænlegra að höfnin útbúi og eigi aðstöðu á umræddum stað fyrir aðila sem sjá um viðhaldsdýpkun hafnarinnar hverju sinni. Starfsmönnum falið að ræða við forsvarsmenn Dýpkunarfélagsins Trölla og skipulagsyfirvöld sveitarfélagsins um fyrirkomulag og mögulega framkvæmd.

Farið yfir dreifibréf Samgöngustofu og Hafnarsambands Íslands þar eru stjórnendur hafna hvattir til að skoða öryggi hafna með reglulegu millibili, með það markmið að draga úr slysahættu við hafnir. Á fundi hafnarstjórnar nr.202 var rætt um öryggismál hafnarinnar og starfsmönnum falið að leita lausna. Til skoðunar er að hækka kannt á Vogabryggju þar sem umtalsverð umferð er um það svæði. Endanleg útfærsla liggur ekki fyrir. Hafnarstjórn leggur áherslu á að úrbótum ljúki sem fyrst.
Farið yfir fundargerð Hafnasambands Íslands nr. 399.

Þar sem tvo fulltrúa vantar á fundinn verður afgreiðslu málsins frestað til næsta fundar.