Heilbrigðis- og öldrunarnefnd

Nefndin fór yfir stefnuna og starfsmanni er falið að koma ábendingum til umhverfisnefndar. Fram kemur að stofnanir sveitarfélagsins eru hvattar til að setja sér umhverfisstefnu, stjórnendum falið að vinna stefnu/framkvæmdaáætlun fyrir heilbrigðisstofnunina.

Starfsmanni falið að koma ábendingum til umhverfisnefndar.

Fundargerðir kynntar.

Reksturinn er enn erfiður. Framkvæmdastjóri vinnur áfram í að fá greiddar launabætur frá HSU sem tilheyra heilsugæslu og sjúkradeild fyrir árin 2014 og 2015. Framkvæmdastjóri hefur verið í samskiptum við framkvæmdastjórn HSU sem hefur ekki viljað viðurkenna hlutfall starfsstétta samkvæmt skilgreiningu þjónustusamnings við útreikninga launabóta. Það er skýrt samkvæmt grein 7.3 í þjónustusamningnum. Send var fyrirspurn til Velferðarráðuneytisins í síðustu viku og er nú beðið svara.

Lovísa leggur til að nafnið Skjólgarður verði tekið upp á ný yfir hjúkrunardeild HSU Hornafirði. Tillagan er samþykkt samhljóða.

Teikningar frá Glámu-Kím á viðbyggingu við garðskála hjúkrunardeildar kynntar. Nefndin leggur áherslu á að stækkunin verði að lágmarki tvöföldun á núverandi garðskála, kostnaðaráætlun gerir ráð fyrir meiri kostnaði en lagt var upp með í byrjun. Framkvæmdastjóra falið að kanna möguleika á að fá kostnaðaráætlun uppfærða.

Frestað til næsta fundar.

Nú stendur yfir þjónustukönnun á heilbrigðisstofnuninni. Niðurstöður verða kynntar þegar þær liggja fyrir.