Heilbrigðis- og öldrunarnefnd

Nefndin gerir engar athugasemdir við stefnuna.

Fundargerðir lagðar fram til kynningar.

Fjárhagsáætlun er afgreidd með 13 milljón króna halla á árinu 2016. Stór hluti hallans er vegna aukins launakostnaðar vegna sjúkraflutninga en launaáætlun gerir ráð fyrir 12 milljón króna hækkun vegna þess. Það er ljóst að endurskoða þarf skipulag í kringum sjúkraflutninga í samræmi við skipulagið á Heilbrigðisstofnun Norðurlands. Nefndin óskar eftir mögulegri útfærslu fyrir næsta fund. Framkvæmdastjóri hefur sent skýrslu um aukningu í starfsemi sjúkraflutninga til þingmanna Suðurkjördæmis, heilbrigðisráðherra, starfsmanna ráðuneytis og stjórnenda HSU en fjárframlög hafa ekki aukist í takt við aukin útgjöld vegna sjúkraflutninga. Nefndin vísar fjárhagsáætluninni til bæjarráðs.

Erfiðlega hefur gengið að fá barnalækna til að sinna Hornafirði. Framkvæmdastjóri hefur verið í samskiptum við nokkra lækna sem eru enn að vinna að því að manna þjónustuna á þann hátt að 3-4 barnalæknar myndi teymi sem skipta ferðum á milli sín þannig að hver læknir kemur 1-2 svar á ári.