Heilbrigðis- og öldrunarnefnd

Til kynningar.

Til kynningar.

Reksturinn er í jafnvægi. Síðustu launaleiðréttingar vegna gerðra kjarasamninga eru að koma til greiðslu um mánaðarmót maí-júní sem mun hafa áhrif á rekstrarstöðuna.

Nú er komin niðurstaða í barnalæknaþjónustu. Það eru 3-4 barnalæknar af Barnaspítalanum tilbúnir að þjónusta Hornafjörð. Það var barnalæknir með móttöku á heilsugæslustöðinni í síðustu viku og mun hann koma aftur í haust.

Staða starfsmannamála er ásættanleg fyrir sumarið. Vel hefur gengið að manna flestar stöður sumarafleysinga. Það getur þó komið upp sú staða að draga verður úr þjónustu í heimahjúkrun einhverja daga í sumar. Mönnun næsta veturs lítur vel út. Heilsuvernd mun halda áfram að manna eina læknastöðu næsta vetur.

Fjórir nemendur hafa stundað nám í Sjúkraflutningaskólanum og útskrifast með grunnréttindi sjúkraflutningamanna þann 3. júní næstkomandi. Fjölgar því um 4 í hópi sjúkraflutningamanna hjá stofnuninni. Heilbrigðisstofnunin hlaut styrk frá Sveitamennt til að standa undir kostnaði vegna menntunarinnar.