Heilbrigðis- og öldrunarnefnd

Fundargerð lögð fram til kynningar.

Reksturinn er í jafnvægi.

Farið yfir ársskýrslu HSU Hornafirði fyrir árið 2015. Starfsemin er svipuð og hefur verið undanfarin ár. Ársskýrslan verður birt á heimasíðu stofnunarinnar.

Sótt var um fjármagn til að byggja við hjúkrunarheimilið í Framkvæmdasjóð aldraðra í febrúar. Umsókninni var hafnað á grunni þess að fjármagn er ekki tryggt af hálfu ríkisins og kostnaðaráætlun er ófullkomin. Sveitarfélgið hefur ekki látið teikna bygginguna þar sem óvissa er með fjármögnun og því ekki hægt að leggja fram fullkomna kostnaðaráætlun. Sveitarfélagið er tilbúið til að fara í framkvæmdina um leið og hlutur ríkisins er tryggður.

Enn hefur ekki komið fundarboð frá SÍ til að hefja viðræður um gerð nýs þjónustusamnings við ríkið um rekstur heilbrigðis- og öldrunarþjónustu á Hornafirði. Á fundi í vor með fulltrúum HSU, SÍ og VEL kom fram að SÍ, HSU og Sveitarfélagið Hornafjörður mundi tilnefna tvo fulltrúa hver í samninganefnd. Heilbrigðis- og öldrunarnefnd tilnefnir Björn Inga Jónsson og Matthildi Ásmundardóttur.