Heilbrigðis- og öldrunarnefnd

Fundargerð lögð fram til kynningar. Rætt um þjónustu sálfræðings við heilsugæsluna, ekki hefur verið samið um þjónustu enn sem komið er. Staða iðjuþjálfa í hlutastarf verður auglýst til umsóknar við Skjólgarð á næstu dögum.

Reksturinn er í jafnvægi. Það er 100% nýting hjúkrunar- og dvalarrýma á árinu. Fimm einstaklingar eru á bið eftir hjúkrunarrými og tveir bíða eftir plássi í dvalarrými.

Lagt fram vinnuskjal frá hugmyndavinnu af vorfundi starfsmanna. Ákveðið að fara í frekari könnun á meðal starfsmanna um gildi stofnunarinnar. Næstu skref eru að fá fram sjónarmið eldri Hornafirðinga og í kjölfarið leggja fram drög að stefnu.

Verkefnið "Bekkir á gönguleiðum fyrir eldri borgara" var unnið í samstarfi Heilbrigðisstofnunarinnar, Félags eldri Hornfirðinga og sveitarfélagsins. Kortlagðar hafa verið þrjár gönguleiðir með bekkjum með reglulegu millibili. Kort af gönguleiðunum er aðgengilegt á heimasíðu sveitarfélagsins. Formleg vígsla gönguleiðanna verður laugardaginn 30. september í tengslum við haustfund Félags eldri Hornfirðinga. Verkefnið verður kynnt betur í fjölmiðlum.

Rætt um hugmyndir um hvernig hægt er að flýta fyrir byggingu á nýju hjúkrunarheimili. Fyrirhugaður var fundur með heilbrigðisráðherra vegna málsins en af fundinum varð ekki vegna falls ríkisstjórnarinnar. Heilbrigðis- og öldrunarnefnd leggur áherslu á að leitað verði allra leiða til að flýta fyrir byggingu hjúkrunarheimilis.

Farið yfir fund sem stjórnendur heilbrigðisstofnunarinnar og félagsþjónustunnar átti með aðstandendum eldri íbúa í sveitarfélaginu. Aðstandendur óska eftir aukinni þjónustu í heimahús þannig að aldraðir séu öruggari heima. Það er verið að vinna að málaflokknum með það að markmiði að auka þjónustu miðað við þarfir.

Fyrirhuguð er æfing á viðbragði við rútuslysi á meðal viðbragðsaðila á Hornafirði næstkomandi miðvikudag þann 4. október. Undirbúningur stendur yfir en æfingin verður smærri í sniðum en flugslysaæfing. Að æfingunni koma lögreglan, slökkviliðið, björgunarsveitin og heilbrigðisstofnunin.