Heilbrigðis- og öldrunarnefnd

Reksturinn fyrir árið 2017 skilar jákvæðri niðurstöðu.

Reksturinn er í jafnvægi.

Stofnunin auglýsti eftir iðjuþjálfa til starfa í nóvember 2017. Engar umsóknir bárust og var því leitað lausna. Samstarf hefur tekist við sjálfstætt starfandi iðjuþjálfa, Guðrúnu Jóhönnu Hallgrímsdóttur sem rekur fyrirtækið HeimaStyrkur. Hún var fengin til að gera þjónustuúttekt við stofnunina. Jafnframt var gerður samningur við Guðrúnu um einstaklingsþjálfun þar sem hún leggur til þjálfunaráætlanir fyrir íbúa hjúkrunarheimilisins sem ákveðnir starfsmenn fylgja eftir með hennar aðstoð. Verkefnið fer vel af stað. Sjúkratryggingar Íslands hafa nú fellt úr gildi undanþágu vegna vöntunar á iðjuþjálfa sem gert var ráð fyrir í samningi um rekstur hjúkrunarheimilis.

Heilbrigðis- og öldrunarnefnd tekur undir niðurstöður úttektar en þar kemur fram að "skýra þarf hlutverk forstjóra og framkvæmdastjórnar HSU varðandi rekstur HSU Hornafirði. Embætti landlæknis hvetur velferðarráðuneytið til að skilgreina betur hlutverk framkvæmdastjórnar HSU gagnvart stjórn HSU Hornafirði. Jafnframt er mikilvægt að skýrt sé
hver ber faglega ábyrgð á starfseminni ef upp koma atvik."

Nefndin fagnar framlögðu frumvarpi og sérstaklega ákvæði um að útrýma tvíbýlum á innan við fimm árum. Ekki gerðar athugasemdir við frumvarpið.