Heilbrigðis- og öldrunarnefnd

Framkvæmdastjóri fór yfir ársskýrslu stofnunarinnar fyrir árið 2017.

Matthildur greindi frá fundi sem hún átti í Velferðarráðuneytinu í júlí mánuði. Þar kom fram að málið liggur hjá Samstarfsnefnd um opinberar framkvæmdir. Samstarfsnefndin þarf að gefa leyfi fyrir framkvæmdinni áður en lengra er haldið. Nefndin hefur enn ekki fundað og munu starfsmenn ráðuneytis verða í sambandi um leið og nefndin afgreiðir málið. Heilbrigðis- og öldrunarnefnd þykir miður að málið sé ekki komið lengra og bindur vonir við að leyfisveiting fáist sem fyrst. Framkvæmdastjóra falið að ýta á eftir málinu.

Halli er á rekstrinum þar sem ekki hafa borist föst fjárframlög í gegnum HSU fyrir júlí og ágúst mánuði. Að því frátöldu er reksturinn á áætlun. Framkvæmdastjóri heldur áfram að þrýsta á að fjárframlög berist.

Ásgerður Gylfadóttir hefur sagt upp starfi sínu sem hjúkrunarstjóri. Gengið hefur verið frá ráðningu hjúkrunarstjóra á Skjólgarð hjúkrunar- og dvalarheimili. Helena Bragadóttir hjúkrunarfræðingur hefur verið ráðin og mun hún hefja störf 15. október næstkomandi. Heilbrigðis- og öldrunarnefnd þakkar Ásgerði fyrir vel unnin störf undanfarin ár og býður Helenu Bragadóttur velkomna til starfa.

Matthildur hefur verið ráðin sem bæjarstjóri Sveitarfélagsins Hornafjarðar frá og með 1. september. Hún mun því láta af störfum hjá heilbrigðisstofnuninni. Auglýst hefur verið eftir nýjum framkvæmdastjóra og rennur umsóknarfresturinn út þann 3. september næstkomandi. Matthildur mun sinna störfum framkvæmdastjóra þar til nýr starfsmaður verður ráðinn.

Vakin er athygli á fundi þann 31. október fyrir Heilbrigðis- og öldrunarnefnd.