Heilbrigðis- og öldrunarnefnd

Heilbrigðis- og öldrunarnefnd fjallaði um bréf frá aðstandendum aldraðra sem þiggja heimaþjónustu. Aðstandendur krefjast þess að sveitarfélagið fari í undirbúning að samþættingu þjónustu í heimahús þannig að fjárhagsáætlun sveitarfélagsins fyrir 2019 taki mið af nýju skipulagi og bættri þjónustu. Heilbrigðis- og öldrunarnefnd tekur undir þessar tillögur og leggur áherslu á að vinna að frekari samþættingu hefjist strax í janúar á næsta ári.

Haukur kynnti erindi frá Félagi eldri Hornfirðinga þar sem óskað er samstarfs um að halda málþing á næsta ári um stöðu eldri borgara í nútíð og framtíð. Heilbrigðis- og öldrunarnefnd tekur undir hugmyndir félagsins og er tilbúin til samstarfs um að standa að málþinginu. Starfsmanni falið að fylgja málinu eftir í samstarfi við félagið.

Framkvæmdastjóri fór yfir fundargerð stýrihóps um byggingu nýs hjúkrunarheimilis. Unnið er að gerð samkeppnislýsingar um hönnun heimilisins. Miðað er við að samkeppni um hönnun heimilisins verði auglýst í janúar 2019 og niðurstöður verði kynntar í apríl.

Unnið er að endurskoðun Öryggisstefnu í tölvumálum fyrir heilbrigðisstofnunina. Drög að stefnu lögð fram til kynningar.

Heilbrigðis- og öldrunarnefnd samþykkir gjaldskrá miðað við breytingar sem ræddar voru á fundinum.

Reksturinn er í jafnvægi.

Von er á fjórum starfsmönnum Velferðarráðuneytis í heimsókn þann 22. nóvember til að kynna sér aðstæður vegna byggingar nýs hjúkrunarheimilis og kynna sér rekstur stofnunarinnar.