Heilbrigðis- og öldrunarnefnd

Matthildur Ásmundardóttir bæjarstjóri kom og kynnti stöðu samningsviðræðna. Viðræður hafa gengið vel að undanförnu. Samningurinn gefur tækifæri til að innleiða samþætt verklag félagslegrar heimaþjónustu og heimahjúkrunar. HSU mun bera ábyrgð á starfsemi sjúkrarýma en kaupir þjónustu starfsmanna hjúkrunardeildar til að sinna hjúkrun. Rekstur heimahjúkrunar er í höndum hjúkunardeildar.

Farið var yfir drög að fjárhagsáætlun fyrir árið 2020 og hugsanlegar aðgerðir til þess að hagræða í rekstrinum. Fjárhagsáætlunargerð hefur dregist vegna þess, að beðið var eftir að samningsviðræður sveitarfélagsins og HSU varðandi rekstur heilbrigðisþjónustu á Hornafirði myndi klárast. Búist er við að þeim ljúki á næstu dögum og þá verður hægt að klára fjárhagsáætlun.

Rekstrarstaða hjúkrunarsviðs fyrir fyrstu 3 mánuði ársins lögð fram miðað við fjárhagsáætluvn 2019. Ljóst er að reksturinn í samsvarandi halla og var á seinasta ári.

Umræður voru um fyrirkomulag og starfssvið heilbrigðis- og öldrunarnefndar eftir að heilsugæslusvið fór yfir til HSU. Ljóst er að erindisbréf nefndarinnar verður ekki óbreytt.

Umræður voru um nafn heilbrigðisþjónustunnar. Ýmsar hugmyndir voru ræddar en lagt til að fresta nánari ákvörðun þar til samningur við HSU varðandi heilbrigðisþjónustu og skipurit sveitarfélagsins liggja fyrir.