65. fundur

14. desember 2020 kl. 16:15 - 17:45

Teams Meating

Nefndarmenn

Björgvin Óskar Sigurjónsson formaður

Kolbrún Reynisdóttir varaformaður

Sverrir Þórhallsson aðalmaður

Stefanía Anna Sigurjónsdóttir aðalmaður

Jón Áki Bjarnason aðalmaður

Jóhanna Sigríður Sveinsdóttir hjúkrunarstjóri

Guðbjörg Sigurðardóttir formaður félags eldri hornfirðinga

Starfsmenn

Guðrún Dadda Ásmundardóttir

Fundargerð ritaði:

Guðrún Dadda Ásmundardóttir framkvæmdastjóri HSU á Hornafirði

Dagskrá

1.

Rammasamningur milli SÍ og hjúkrunarheimila um þjónustu hjúkrunarheimila

Málsnúmer 201806069

Bæjarstjóri kynnti stöðu mála varðandi samningaviðræður sem hafa verið í gangi seinustu vikur á milli sveitarfélagsins og Sjúkratrygginga Íslands.

Heilbrigðis- og öldrunarnefnd tekur undir ákvörðun bæjarstjórnar að standa við uppsögn rammasamnings Sveitarfélagsins Hornafjarðar og Sjúkratrygginga Íslands um rekstur hjúkrunar- og dvalarrýma Skjólgarðs. Nefndin harmar einnig þá stöðu sem upp er komin varðandi það að ríkið skuli ekki koma til móts við sveitarfélagið með auknu fjárframlagi til að tryggja áframhaldandi rekstur sveitarfélagsins á hjúkrunar- og dvalarýmum.

2.

Lífeyrisskuldbindingar Heilbrigðisstofnunar

Málsnúmer 201901117

Bæjarstjóri kynnti samkomulag um lífeyrissjóðsskuldbindingar vegna B-sjóðs og það kynnt nefndinni.

Heilbrigðis- og öldrunarnefnd fagnar því að samkomulagi skuli vera að sigla í höfn og vonar að það verði skrifað undir samning þess lútandi fyrr en síðar.

3.

Undirbúningur byggingar nýs hjúkrunarheimilis

Málsnúmer 201709466

Bæjarstjóri kynnir stöðu undirbúnings byggingu nýja hjúkrunarheimilisins.

Heilbrigðis- og öldrunarnefnd fagnar því að undirbúningur útboðs á framkvæmdum við nýtt hjúkrunarheimili sé á loka metrunum og að útboð verði auglýst snemma á næsta ári.

4.

Sóttvarnir: COVID-2019

Málsnúmer 202003021

Farið yfir stöðu Skjólgarðs - öldrunarþjónustu varðandi sóttvarnir í heimsfaraldrinum Covid - 19.

Hjúkrunarstjóri og framkvæmdastjóri Skjólgarðs fóru yfir stöðuna hjá Skjólgarði - öldrunarþjónustu varðandi sóttvarnir. Nefndin vill koma á framfæri þakklæti sínu fyrir vel unnin störf á tímum Covid.

5.

Gjaldskrár 2020

Málsnúmer 201909057

Gjaldskrá Skjólgarðs fyrir árið 2021 tekin fyrir.

Nefndin samþykkir gjaldskrána fyrir útseldan mat frá Skjólgarði árið 2021.

6.

Rekstrarstaða Skjólgarðs

Málsnúmer 202004068

Rekstrarstaðan kynnt.

Rekstrarstaða Skjólgarðs er áfram mjög þung og halli er á rekstrinum.