Heilbrigðis- og öldrunarnefnd

Rekstrarstaðan er slæm. Nýting hjúkrunarrýma hefur ekki verið 100% sem hefur áhrif á tekjuflæði til stofnunarinnar. Kostnaður vegna reksturs sjúkrabíla eykst hratt vegna fjölgunar útkalla í héraðinu. Eins er launakostnaður yfir áætlun. Eftir fund með yfirstjórn HSU í dag kom fram að það munu koma inn launabætur vegna ársins 2014 og 2015 ásamt því að stofnunin mun fá hlutdeild í tækjaframlagi til HSU. Samhliða fara stjórnendur og starfsfólk yfir alla rekstrarþætti.

Lovísa fór yfir fundi með starfsmönnum í Framkvæmdasjóði aldraðra og heilbrigðisráðherra. Ákveðið að undirbúa umsókn í framkvæmdasjóðinn fyrir næstu úthlutun með grófri áætlun samkvæmt ráðleggingum þeirra. Lögð til grundvallar sú vinna sem hefur verið unnin nú þegar ásamt frekari hugmyndavinnu með starfsfólki, íbúum og hagsmunaaðilum.

Flugslysaæfingin gekk ljómandi vel. Stjórnendur æfingarinnar hrósuðu starfsfólki heilbrigðisstofnunarinnar fyrir góða frammistöðu. Viðbragðsaðilar í sveitarfélaginu unnu sem vel samhæfður hópur og sjálfboðaliðar stóðu sig með prýði við erfiðar aðstæður og fá þeir þakkir fyrir.

Yfirstjórn HSU átti fund með stjórnendum, fulltrúum sveitarfélagsins og heilbrigðis- og öldrunarnefnd í dag. Fundurinn gekk vel, farið var yfir sameiginlega samstarfsfleti ásamt því að fjallað var um rekstrarstöðu stofnananna. Rætt um möguleika á nýjum þjónustusamningi um rekstur heilbrigðisþjónustunnar á Hornafirði þegar úttekt samningsins verður lokið.