Íbúaráð - Nes og Lón

Íbúaráð telur mikilvægt að hafist verði handa sem fyrst, við áframhaldandi undirbúning og uppbyggingu leikvsvæðis við Mánagarð. Íbúaráð gerir ekki athugasemdir við hönnun vallarins en óskar eftir því að staðsetningin verði færð í samræmi við umræður á fundinum. Einnig bendir íbúaráð á að rafmagn í ærslabelg verði ekki aðgengilegt gestum og gangandi þar sem hver sem er getur tekið hann úr sambandi sem getur skapað slysahættu.

Íbúaráð óskar eftir því við bæjarráð að verkefninu verði gefinn forgangur og að leitað verði leiða til að hefja uppbyggingu þess eins fljótt og unnt er, með hliðsjón af bókun umhverfis- og skipulagsnefndar frá febrúar 2026.

Íbúaráð lýsir áhyggjum af fyrirhugaðri gjaldtöku á nýjum kafla hringvegar og telur ósanngjarnt að íbúar á svæðinu beri beinan kostnað af samgöngumannvirki sem er hluti af þjóðveganeti landsins.

Íbúaráð leggur áherslu á að við ákvörðun um fyrirkomulag gjaldtöku verði sérstaklega horft til áhrifa hennar á íbúa sem þurfa að nýta veginn reglulega vegna atvinnu, skólasóknar, þjónustusóknar og annarra daglegra ferða.

Íbúaráð telur starfið hafa gengið vel og hafi fært málefni íbúa í dreifbýlinu nær stjórnsýslunni og leggur áherslu á að haldið verði áfram að þróa og bæta stöðu og hlutverk íbúaráðanna. Íbúaráð hefur reynst góður vettvangur fyrir málefni sem einfalt er að leysa en hafa ekki fengið mikla áheyrn fram að þessu. Íbúaráð óskar eftir betri upplýsingagjöf um stöðu og framgang mála sem koma fyrir fundum íbúaráðanna.

Íbúaráð lýsir áhyggjum af ábendingum um skert net- og símasamband í Lóni eftir breytingar á fjarskiptakerfum á svæðinu. Íbúaráð undirstrikar mikilvægi þess að fjarskiptaþjónusta verði tryggð fyrir öryggi og lífsgæði íbúa í dreifbýlinu öllu.