Öldungaráð

Erindi lagt fram frá aðstandendum aldraðra í þjónustu hjá sveitarfélaginu og heilbrigðisstofnun. Rannveig Einarsdóttir og Svava Kr. Guðmundsdóttir sátu fundinn undir þessum lið og fylgdu erindinu úr hlaði.

Öldungaráð fagnar erindinu og telur að í því sé margt jákvætt sem hægt sé að nota til þess að auka og bæta þjónustu við aldraða í sveitarfélaginu. Því er beint til félagsmálanefndar og starfsmanna nefndarinar að taka tillit til erindisins við gerð fjárhagsáætlunar fyrir árið 2018.

Matthildur Ásmundardóttir, framkvæmdastjóri HSU-Hornafirði kynnir vinnu við stefnumótun HSU-Hornafjarðar.

Sigurður Hannesson, fyrir hönd Félags eldri Hornfirðinga, óskar eftir upplýsingum um vinnu við reglur um afslátt af fasteignaskatti fyrir árið 2018. Björn Ingi svarar því til að málið sé í vinnslu og verði m.a. rætt í bæjarráði síðar í dag, verið er að afla frekari upplýsinga um afslátt annarra sveitarfélaga til samanburðar.