102. fundur

17. september 2025 kl. 16:00 - 16:45

í ráðhúsi

Nefndarmenn

Níels Brimar Jónsson 1. varamaður

Eyrún Fríða Árnadóttir varaformaður

Þröstur Jóhannsson aðalmaður

Helga Árnadóttir aðalmaður

Ásgerður Kristín Gylfadóttir aðalmaður

Sindri Sigurjón Einarsson Fulltrúi ungmennaráðs

Starfsmenn

Bartek Andresson Kass

Xiaoling Yo

Guðrún Agða Aðalheiðardóttir

Fundargerð ritaði:

Guðrún Agða Aðalheiðardóttir Verkefnastjóri umhverfis- og skipulagsmála

Dagskrá

1.

Breyting á deiliskipulagi - Fiskhóll 11,Stækkun byggingar

Málsnúmer 202501089

Imsland ehf. óskaði eftir breytingu á deilsikipulagi á Fiskhól 11 er varðar bæði lóðamörk og byggingarreit. Breytingin var grenndarkynnt 30. júlí með athugasemdarfresti til 29. ágúst 2025. Engar athugasemdir bárust.

Helga Árnadóttir vék af fundi undir þessum fundarlið.

Umhverfis- og skipulagsnefnd leggur til við bæjarstjórn að deiliskipulagsbreytingin verði samþykkt í samræmi við 2.mgr. 43.gr. laga 123/2010.

.

2.

Umsókn um byggingarheimild - Sæbraut 1 Gáran, viðbygging

Málsnúmer 202503091

Lagt er fram erindi Sveitarfélagsins Hornafjarðar þar sem sótt er um leyfi til byggingarframkvæmda að Sæbraut 1. Fyrirhugað er byggja við núverandi sorpmóttökustöð. Ekki er til gildandi deiliskipulag fyrir svæðið, en samkvæmt aðalskipulagi er svæðið á athafnasvæði AT1.

Umhverfis- og skipulagsnefnd telur að framkvæmdin sé í samræmi við landnotkun, byggðamynstur og þéttleika byggðar. Nefndin telur að fullnægjandi grenndarkynning hafi þegar farið fram samkvæmt 2. og 3. mgr. 44. gr. skipulagslaga 123/2010, þar sem að nágrannar hafa lagt fram samþykki fyrir framkvæmdinni. Málinu vísað til bæjarstjórnar.

3.

Bréf frá Náttúruhamfaratryggingu Íslands v.svæða sem eru sérlega næm fyrir náttúruhamförum

Málsnúmer 202509037

Bréf frá Náttúruhamfaratryggingu Íslands þar sem áréttuð er lagaleg staða og ábyrgð sveitarfélaga í skipulagsmálum og réttur almennings til skýrra upplýsinga um takmarkanir á vátryggingavernd og bótarétti skv. 16. gr. laga nr. 55/1992 þegar byggt er á svæðum með fyrirfram þekkta náttúruvá, einkum vegna vatns- og sjávarflóða.

Lagt fram til kynningar.

4.

Landeignaskrá Stafafell - Stafafell fjárhús - merkjalýsing

Málsnúmer 202509017

Landeigendur að Stafafelli í Lóni óska eftir staðfestingu á merkjalýsingu sem gerir ráð fyrir stofnun nýrrar lóðar.

Umhverfis- og skipulagsnefnd gerir ekki athugasemd við framlagða merkjalýsingu. Nefndin telur að stofnun lóðanna hafi ekki áhrif á búrekstrarskilyrði jarðarinnar, sbr. 6. gr. jarðalaga, sbr. einnig 48.gr. skipulagslaga. Málinu vísað til bæjarstjórnar.

5.

Fyrirspurn til Umhverfis- og skipulagsnefndar - Ósk um að fjarlægja kant- Fákaleira 8a

Málsnúmer 202508006

Erindi frá Kristjáni Erni Þorvarðssyni þar sem óskað er eftir að fjarlægja götukant meðfram lóðinni Fákaleiru 8A.

Starfsmanni falið að hafa samband við umsækjenda og afla frekari upplýsinga.