Umhverfis- og skipulagsnefnd

Tillögur að gjaldskrá 2027 (Gjaldskrá fyrir sorphirðu og sorpeyðingu og Gjaldskrá söfnunarstöðvar sorps) eru lagðar fyrir nefndina til umfjöllunar og samþykktar. Þar sem kostnaður vegna pappírs- og plastúrgangs getur haft bein áhrif á gjaldskrárgerð eru þau mál einnig lögð fyrir nefndina til umfjöllunar og ákvörðunar.

Tekin er fyrir tillaga að breytingu á deiliskipulagi Skaftafell III og IV. Breytingin var auglýst með athugasemdafresti frá 13. maí til 26. júní 2026. Átta umsagnir bárust á auglýsingatíma. Viðbrögð við athugasemdum fela m.a. í sér að grunnflötur húsa er minnkaður úr 64 m² í 54 m² og hæð húsa er minnkuð í 3,5 m og verða húsin á einni hæð.

Tekin er fyrir tillaga að deiliskipulagi Mói á Hnappavöllum. Um er að ræða nýtt deiliskipulag fyrir Móa á Hnappavöllum í Öræfum, lóðin er samkvæmt aðalskipulagi skilgreind sem verslunar- og þjónustusvæði (VÞ 46). Markmið deiliskipulagsins er að skilgreina ramma og forsendur fyrir heildræna framtíðaruppbyggingu ferðaþjónusturekstrar, þjónustu við ferðamenn og aðstöðu fyrir starfsmenn. Með skipulaginu eru afmarkaðar þrjár nýjar lóðir fyrir gistihús innan lands Móa og settir skilmálar um landnotkun, aðkomu, mannvirki og nýtingarhlutfall.

Tekin er fyrir fyrirspurn Jökulfells ehf. vegna uppbyggingaráforma á Krosseyjarvegi 21-23. Samkvæmt aðalskipulagi er landnýtingarflokkur svæðisins skilgreindur sem athafnasvæði (AT1). Í fyrirspurn er óskað eftir því að reisa byggingar sem nýttar verða til útleigu eða fastrar búsetu.

Ásgeir Gunnarsson óskaði eftir heimild til niðurtektar á kantsteini við innkeyrslu inn á lóðina Austurbraut 18. Um er að ræða breikkun á innkeyrslu um 2m, við breytinguna mun innkeyrsla að parhúsi að Austurbraut 18 og 20 vera samtals um 8,4 m.

Sveitarfélagið áformar færslu á gámsvæði, geymsla gáma er nú staðsett á Álaugarvegi 13-15. Nefndin lagði til á 150. fundi sínum færslu gámasvæðis út í Ægissíðu. Fyrir fundinum liggja mismunandi útfærslur af lóðaafmörkunum.

Leitað hefur verið ráðgjafar Náttúrustofu Suðuausturlands NÁTTSA vegna viðtökusvæða fyrir efnislosun innan þéttbýlismarka Hafnar. Um er að ræða endanlega efnislosun á uppgraftrarefni frá framkvæmdum í þéttbýli.

Umsögn NÁTTSA liggur nú fyrir og er lögð fram til kynningar nefndar.

Í umsögninni kemur fram tillaga um að svæðið á milli Stekkatúnshóls og Suður-Langhóls verði nýtt sem efnislosunarsvæði fyrir uppgraftarjarðveg vegna framkvæmda.

Samvæmt aðalskipulagi er umrætt svæði skilgreint sem íþróttasvæði (ÍÞ2), en umrætt svæði hefur verið notað sem beitiland.



Umhverfis- og framkvæmdasvið óskar eftir áliti nefndarinnar vegna tillögu Náttúrustofu Suðausturlands.

Lagt er fram erindi þar sem óskað er eftir staðfestingu sveitarfélagsins á merkjalýsingu fyrir Skaftafell 4A, þar sem gert er ráð fyrir leiðréttingu á skráningu landeignar.

Lagt er fram erindi þar sem óskað er eftir staðfestingu sveitarfélagsins á merkjalýsingu fyrir Skaftafell 4B, þar sem gert er ráð fyrir stofnun lóðar Skaftafell 4B.

Lagt er fram erindi þar sem óskað er eftir staðfestingu sveitarfélagsins á merkjalýsingu fyrir Dilksness og Dilksness II, þar sem gert er ráð fyrir uppskiptingu landeignar.