Umhverfis- og skipulagsnefnd

Lagt fram til kynningar

Helga Árnadóttir kom á fundinn f.h. Vatnajökulsþjóðgarðs. Unnið hefur verið að umfangsmiklu samráði við íbúa og hagsmunaaðila vegna deiliskipulags í Skaftafelli. Niðurstöður samráðs kynntar.

Íris Mist Björnsdóttir kom inn á fundinn. Bartek sat fundinn undir liðum 3-9. Lausafjármunir innan þéttbýlis. Minnisblað vegna stöðuleyfa.

Umsókn um leyfi til þess að staðsetja reykköfunargám inn á lóð áhaldahús/slökkvistöðvar. Umsóknin er byggð á gr.2.6.1 um stöðuleyfi í byggingarreglugerð sem gerið ráð fyrir að hægt sé að hafa álíka lausafjármuni án þess að vera með skráð stöðuleyfi sem endurnýjast árlega samkvæmt reglugerð.

Jón Vilberg Gunnarsson sækir um heimild til þess að hafa þakskyggni á húsi við Hagaleiru 7 óverulega út fyrir byggingarreit.

Ómar Antonsson sækir um leyfi til að byggja við veitingahús Viking Cafe á Horni. Ekki er til gildandi deiliskipulag fyrir svæði.

Ríkiseignir sækja um leyfi til að breyta þakkanti byggingar á Víkurbraut 29-31. Við breytingu stækkar þakskyggni við aðalinngang og á bakhlíð. Einnig er sótt um leyfi til að uppfæra brunavarnir og innrétta litla íbúð fyrir starfsmann. Lóð er á samfélagsþjónustusvæði og skv. deiliskipulagi er ekki gert ráð fyrir stækkun.

JEK ehf. sækir um byggingarleyfi fyrir 5 íbúða raðhús að Víkurbraut 25. Um er að ræða íbúðir fyrir aldraða. Sótt er um breytingu lóðarmarka og um heimild fyrir þakskyggni til að fara utan byggingarreits og stækkun byggingarreits um 16 cm til norð-austurs.

Óskað er eftir heimild til að breyta íbúðarhúsnæði við Dalbraut 4 á Höfn. Breytingin felur í sér að húsnæðinu er skipt upp í þrjár íbúðir í stað einnar. Þar sem ekki liggur fyrir deiliskipulag af svæðinu hefur verið óskað eftir staðfestingu frá hagsmunaaðilum að þeir geri ekki athugasemd við breytinguna.

Anna Ragnarstóttir Pedersen sat fundinn undir liðum 10 - 17.Umhverfis- og auðlindaráðuneytið hefur óskað eftir umsögn um breytingu á lögum vegan innleiðingar hringrásarhagkerfisins.

Umhverfis- og auðlindaráðuneytið hefur óskað eftir umsögn um drög að stefnu um meðhöndlun úrgangs 2021-2032

Umhverfis- og samgöngunefnd Alþingis óskar eftir umsögn um tillögu til þingsályktunar um heimild sveitarfélaga til að innheimta umhverfisgjöld.

Sveitarfélagið hefur unnið að úrbótum í málaflokknum, en það hefur staðið lengi til. Kortlagning og skráning gagna er forsenda fyrir sanngjarnar gjaldtöku og jafnræðis.Umræða um endurnýjun samþykktar um hreinsun rotþróa.

Farið yfir drög að umhverfisstefnu sveitarfélagsins.

Auglýstur umsagnartími vegna stjórnunar og verndaráætlun Óslands er nú liðinn.Umhverfis og skipulagsnefnd er hér með upplýst um þá umræðu sem hefur farið fram innan samstarfshópsins.

Lengi hefur verið kallað eftir breytingum í málaflokknum.Breytingar á gjaldskrá sem og breytt verklag sveitarfélagsins varðandi verðlaun tekin til umræðu. Þörf er á að endurnýja samninga við ráðna veiðimenn.

Farið yfir sorpmálefni seinasta árs.

Skipulagslýsing vegna aðalskipulagsbreytingar var auglýst frá 19. janúar til 1. febrúar sl. Umsagnir bárust frá Skipulagsstofnun, Vegagerðinni og HAUST. Lögð er fram tillaga að aðalskipulagsbreytingu þar sem gert er ráð fyrir 40 gistirýmum með allt að 80 gestum á 9 ha. svæði á reit VÞ 10.

Deiliskipulag fyrir Seljavelli III var auglýst vorið 2019. Skipulagsstofnun gerði athugasemdir við samræmi við aðalskipulag. Lögð er fram tillaga að deiliskipulagi aftur samhliða breytingu á aðalskipulagi.

Lögð fram á ný umsókn um breytingu á deiliskipulagi þar sem heimilað verði að hótel á lóðinni verði að hluta til 3ja hæða.

Lögð er fyrir skipulagslýsing vegna breytingar á aðalskipulagi og gerð deiliskipulags við Hrollaugsstaði. Í aðalskipulagi verður heimilað að auka fjölda íbúða á svæði VÞ22. Atvinnuhættir í sveitum hafa breyst mikið undanfarin ár og uppbygging ferðaþjónustu verið mikil á svæðinu. Því er mikilvægt að sveitafélagið geti boðið uppá íbúðalóðir nærri atvinnutækifærum og möguleikum á þjónustu sveitafélagsins við íbúa, s.s. rekstur leikskóla. Helstu markmið deiliskipulagsins eru:*Að móta hverfi sem hentar ólíkum fjölskyldugerðum*Að skapa notalegt umhverfi þar sem kostir þess að búa í sveit fá að njóta sín. *Áhersla er á notalega og mannvæna byggð sem fellur vel að núverandi byggð. *Skapa umgjörð og aðkomu að félagsheimilinu Hrollaugsstöðum. *Skapa ramma utan um opin svæði við Hrollaugsstaði*Tryggja umferðaöryggi

Skipulagið var áður auglýst sumarið 2019. Skipulagsstofnun gerði athugasemdir við framsetningu skipulagsgagna og hafa nú borist uppfærð gögn. Frestur skv. skipulagslögum til staðfestingar er liðinn og er tillagan því lögð fram aftur til auglýsingar.

Drög að skipulagslýsingu til umræðu.

Umræða um staðsetningu hraðhleðslustöðvar á Höfn. Mikilvægt er að hleðslurnar verði staðsettar nálægt þjónustu (veitingum og salerni), aðgengi sé gott (ekki snjór, pollar eða svell) og bara almennt að notendaupplifun fólks af að hlaða á staðnum sé sem best. Einnig er sérstaklega mikilvægt að aðgengi að rafmagni sé sem best til að stækkun í framtíðinni geti átt sér stað sbr. upp í 300kW síðar. ON hefur lagt fram dæmi um uppsetningu hraðhleðslustöðva og stærð og óskar eftir tillögum að mögulegum staðsetningum.

Fyrirspurn vegna hraðhleðslu á Höfn.

Fyrirspurn um hvort hugsanlegt væri að breyta staðsetningu lóða í Júllatúni 10 og 8 til þess að íbúðirnar nytu betra útsýnis.

Bjóða þarf út viðhaldsdýpkun innan hafnar á árinu ásamt því að kortleggja mögulega losunarstaði. Hafnarstjórn óskar eftir samstarfi við umhverfis- og skipulagsnefnd um nýja losunarstaði.

Óskað er eftir heimild til að taka allt að 2000 m3 af efni úr Suðurfjörum til rannsóknar á fýsileika fyrir efnistöku af svæðinu.

Hjalti Þór Vignisson sækir um leyfi fyrir útlitsbreytingu á húsi við Mánabraut 6. Breytingin felst í byggingu tveggja nýrra kvista. Ekkert deiliskipulag er í gildi á svæðinu.