Umhverfis- og skipulagsnefnd

Grænt bókhald fyrir urðunarstaðinn á Mel í landi Fjarðar í Lóni.Bókhaldið hefur verið sent til yfirlestrar til KPMG og bíður staðfestingar þeirra. Í kjölfarið verður því vísað til bæjarstjórnar til staðfestingar.

Ársfundur Umhverfisstofnunar, náttúruverndarnefnda sveitarfélaga og náttúrustofa verður að þessu sinni rafræn fundaröð dagana 8., 15. og 29. apríl Kl. 9-10:30.

Umhverfisfulltrúi hefur sinnt reglulegu eftirliti seinustu vikurnar í Gámaporti á Höfn. Farið yfir stöðu mála til upplýsingar.

Erindi frá Evu Bjarnadóttur þar sem hún býður sveitarfélaginu aðstöðu til leigu fyrir grenndarstöð í Öræfum. Í erindinu kemur fram að, "með því að vera með grenndarstöð í Öræfunum gæti samfélagið orðið vistvænna, en oft enda hlutir sem í þéttbýli færu í endurvinnslu í almennu sorpi, þar sem keyra þarf með þá langar vegalengdir til þess að koma þeim á áfangastað".

Samkvæmt samþykktum sveitarfélagsins getur sveitarfélagið séð um að hirða sorp frá sumarhúsabyggðum yfir sumarmánuðina. Eina svæðið sem fellur undir þetta ákvæði er Stafafellsfjöll. Unnið hefur verið að skipuleggja fyrirkomulag í framhaldi af breyttri þjónustu í dreifbýli og því að gámar á aurunum hafa verið fjarlægðir.

Á síðustu misserum hefur verið tekið á móti jarðvegi á svæðinu milli Fiskhóls og Hrossabithaga. Farið yfir stöðu málsins og fyrirhugaðan frágang á svæðinu. Umræður um hvaða svæði skuli nýtt til móttöku jarðvegs.

Skipulagsstofnun hefur sent svör vegna umsagna um Landsskipulagsstefnu.

Upplýsingar vegna umsóknar um styrki til Umhverfis- og auðlindaráðuneytis vegna fráveituframkvæmda.

Sveitarfélagið Hornafjörður hefur fengið styrk til að halda hönnunarsamkeppni á Leiðarhöfða. Umræður um fyrirhugaða samkeppni og íbúakönnun.

Leitað hefur verið til Skipulagsstofnunar vegna óvissu um stöðu skipulagsmála í framhaldi af áhættumati vegna sprungu og ofanflóða í Svínafellsjökli. Farið var yfir stöðu málsins nýlega á íbúafundi í Öræfum.

Þann 23. mars. sl. var málið rætt á fundi með íbúum í Öræfum. Þar kom fram vilji íbúa til að flytja veginn neðar í landið en þær hugmyndir sem kynntar voru á fundinum gera ráð fyrir.

Óskað er eftir breytingu á aðalskipulagi á lóð Heppuvegi 6 vegna breyttrar notkunar. Húsið hefur verið notað sem sláturhús og starfsemi tengdri því. Óskað er eftir breytingu á skipulagi sem heimilar notkun hússins fyrir íbúðir, matvælaframleiðsu / iðnaðarframleiðslu, veitingasölu og listsýninga.

Forsendur vegna uppbyggingar á Leirusvæði II. Samkvæmt minnisblaði frá jarðtækniverkfræðingum er æskilegt að grunda hús á svæðinu með fergingu. Líklegt þykir að sig verð a.m.k. 2 ár að koma fram jafnvel lengur. Samkvæmt þessum niðurstöðum er líklegt að ekki verði hægt að hefja byggingarframkvæmdir á Leirusvæði II fyrr en árið 2023 í fyrsta lagi.

Í ljósi þess að uppbygging á Leirusvæði II verður ekki möguleg fyrr en í fyrsta lagi árið 2023 þarf að hefja skipulagsvinnu á öðrum svæðum til að mæta þörf á byggingarlóðum á næstu árum.

Borist hafa nánari upplýsingar um ósk um breytingu á deiliskipulagi Höfn Útbær vegna hótelbyggingar á lóð D, E g F.

Deiliskipulag vegna uppbyggingar skv. leigusamningi Stekkakletts. Markmið deiliskipulagsins er að framfylgja markmiðum aðalskipulags um eflingu byggðar, styrkja og auka fjölbreytileika atvinnu og menningarlífs í sveitarfélaginu. Gera listsköpun sýnilega, styrkja og efla menningu, sköpun og tjáskipti og hlúa að menningararfi samfélagsins í Hornafirði og nágrenni. Gera fasta búsetu vænlega á staðnum og auðvelda almenningi og fagfólki snertingu við listsköpun þá sem þar fer fram. Búa starfsemi á staðnum fastan ramma í samræmi við áætlanir og markmið sem fram koma í vinningstillögu um nýtingu á Stekkakletti. Búa til nærumhverfi sem frjóvgar huga og tjáskipti þeirra sem dvelja og skapa á svæðinu. Gera ábúendum kleift að stuðla að takmarka kolefnispor sitt með gróðursetningu trjáa og ræktun á eigin matvælum.

Forsendur vegna breytinga á deiliskipulagi Hornafjarðarhafna við Ósland.

Mikael ehf hefur óskað eftir breytingu á deiliskipulagi þar sem gert verður ráð fyrir raðhúsum með bílskúr í stað fjölbýlishúsa á lóðum við Álaleiru 9-11.

Markmið með gerð breytingar á deiliskipulagi fyrir Lambleiksstaði er að efla byggð og styrkja atvinnulíf. Ferðaþjónusta hefur lengi verið á Lambleiksstöðum og með gerð þessarar breytingar er rekstrargrundvöllur styrktur, skipulagssvæðið stækkað og skipt í byggingarreiti A-D hver með sína húsaþyrpingu. Breytingin á deiliskipulaginu tekur til frekari uppbyggingar á gistiaðstöðu og nýbygginga fyrir ferðaþjónustu. Skipulagið var til kynningar frá 18. febrúar 2021 til og með 2. apríl 2021.Engar athugasemdir bárust.

Tillaga að deiliskipulagi til auglýsingar. Meginmarkmið með deiliskipulaginu er að skilgreina tjaldsvæði, byggingarreit fyrir smáhýsi og lóðir og byggingarreiti fyrir frístundahús. Áform landeiganda er að efla ferðaþjónustu á svæðinu og bjóða uppá möguleika til gistingar og afleidda þjónustu.

Óveruleg breyting á deiliskipulagi Jökulsárlóns á Breiðamerkursandi þar sem lega Prestbakkalínu samræmist ekki legu í aðalskipulagi. Sótt hefur verið um framkvæmdaleyfi vegna færslu línunnar enda er ysta mastrið nú aðeins um 7,5m frá sjávarbakkanum. Leitað var umsagna Vegagerðarinnar, Umhverfisstofnunar, Minjastofnunar sem gera ekki athugasemdir við færsluna. Umsögn hefur ekki borist frá Vatnajökulsþjóðgarði.

Vakin hefur verið athygli á því að lóðamörk raðhúsa við Silfurbraut 9-17 og 19-29 sé ekki í samræmi við nýtingu íbúa. Um er að ræða nýtingu svæðis umfram lóðamörk frá byggingu húsanna.

Bæjarráð vísaði málinu til umfjöllunar í umhverfis- og skipulagsnefnd. Umsókn um stöðuleyfi fyrir skrifstofugám við Skjólgarð til vors 2023 á meðan nýtt húsnæðið er í byggingu.Samkvæmt 4. mgr. gr. 2.6.1. byggingarreglugerðar skulu stöðuleyfi mest vera veitt til 12 mánaða nema ákvæði skipulags mæli fyrir um annað.

Kjartan Árnason sækir f.h. Óskars Arasonar og Írisar Heiðar Jóhannesdóttur um leyfi til að byggja við Hrísbraut 3. Um er að ræða sólstofu vestan megin við núverandi hús. Einnig er sótt um leyfi til að saga niður úr gluggaopi á vesturgafli hússins ogsetja nýja hurð.

Hjalti Þór Vignisson sækir um leyfi fyrir útlitsbreytingu á húsi við Mánabraut 6. Breytingin felst í byggingu tveggja nýrra kvista. Ekkert deiliskipulag er í gildi á svæðinu. Grenndarkynning var auglýst frá 10 febrúar til 10 mars. Engar athugasemdir bárust.

Óskað hefur verið eftir lóð undir hraðhleðslustöð á Höfn á hluta bílastæðs við höfnina.

Óskað hefur verið eftir lóð fyrir þjónustumiðstöð - Laufey - á Höfn. Um er að ræða þjónustu við ferðamenn þar sem eru salerni, veitingar og gagnvirkt kynningarefni. Sótt er um lóð 0,5-1 ha að stærð. Engin slík lóð er á verslunar og þjónustusvæði á Höfn.

Sótt er um byggingarleyfi fyrir geymslu. Ekkert deiliskipulag er í gildi á svæðinu. Staðsetning hússins hefur verið grenndarkynnt fyrir eigendum að Reynivöllum 2. Ekki voru gerðar athugasemdir við fyrirhugaða byggingu.

Suðursveit hyggst reisa smáhýsi á Reynivöllum. Fest hafa verið kaup á einu smáhýsi sem kemur frá Litháen innan tveggja vikna. Í framhaldi verða reist fleiri hús einnig á Reynivöllum. Staðsetning húsanna verður fyrir neðan sumarbústaðina sem fyrir eru á jörðinni og voru reistir af Eimskip á áttunda áratugnum.

Lögð hefur verið fram ósk um framkvæmdaleyfi vegna nýs aðkomuvegar og bílastæðis við Kálfafellsstaðakirkju. Málið hefur áður verið til umræðu í nefndinni þann 7.9.2016 þar sem bókað er að framkvæmdin sé ekki deiliskipulagsskyld. Framkvæmdin er alfarið í landi Kálfafellsstaðarkirkju. Óskað hefur verið umsagnar Minjastofnunar og Vegagerðarinnar vegna framkvæmdaleyfis.

Óskað hefur verið eftir framkvæmdaleyfi vegna færslu á Prestbakkalínu á Breiðamerkursandi. Nauðsynlegt er að færa línuna vegna landrofs en það er orðið mjög stutt frá línustæðinu út í sjó. Leitað var umsagna Vegagerðarinnar, Umhverfisstofnunar, Minjastofnunar sem gera ekki athugasemdir við færsluna. Umsögn hefur ekki borist frá Vatnajökulsþjóðgarði.

Óskað er eftir framkvæmdaleyfi til að leggja ljósleiðarastreng frá tengistað Rarik í landi Setbergs að tengistað við gatnamót á vegi no:1 og 986 að Rauðabergi. Áætlaður framkvæmdatími er sumarið 2021. Ástæða lagnarinnar er áframhaldandi uppbygging ljósleiðarakerfis Orkufjarskipta milli tengjvirkja, til stýringa á raforkukerfi landsmanna.

Sótt er um stækkun á úthlutaðri lóð við Álaleiru 6.

Anna Regína Heiðarsdóttir og Hlynur Kristjánsson sækja um heimild til þess að hafa þrjú bílastæði á lóð Hagaleira 11 og að lágmarkshalli þaks verði 8 gráður. Gildandi deiliskipulag gerir ráð fyrir tvö bílastæði og 10 gráða lágmarkshalla þaks.