Umhverfis- og skipulagsnefnd

Lagt fram til kynningar.

Lagt fram til kynningar.

Drög að umhverfisstefnu og aðgerðaráætlunar hafa verið yfirfarin af Söndru Rán Ásgrímsdóttur sjálfbærniverkfræðingi hjá Mannvit.

Óskað er eftir til tilnefningum til umhverfisviðurkenninga 2021. Frestur til að senda inn tilnefningar er 22. ágúst.

Sveitarfélagið fékk styrk að upphæð 5.000.000 kr frá umhverfis og auðlindaráðuneytinu fyrir Nytjasmiðjunni.Markmið verkefnisins er að í Sveitarfélaginu Hornafirði þrífist öflugt hringrásarhagkerfi þannig að stærstur hluti þess úrgangs sem fellur til í sveitarfélaginu hafi annan og betri farveg en urðun eða endurvinnsla í öðrum landshlutum eða löndum.Lagt fram til kynningar.

Erindi frá Gunnari Stíg Reynissyni þar sem hann leggur til að manngerðu víkinni við Ránarslóð verði gefið nafn. Þess er óskað að íbúar komi að valinu.

Erindi frá Atvinnuvega- og nýsköpunarráðuneytinu þar sem tilkynnt er að Alþingi samþykkti breytingu á jarðarlögum nr. 81/2004. Helstu breytingar sem snúa að sveitarfélögum eru að felld er brott skylda ráðherra að samþykkja breytta landnotkun á landbúnaðarsvæðum en um leið leitast við að styrkja sveitarfélögin til að takast á við breytingar á landnotkun þannig að þau hafi betri möguleika að gæta hagsmuna landbúnaðar við gerð skipulags. Breyting á jarðarlögum kallar á settar séu reglur um nýtt verklag. Bæjarráð hefur falið starfsmönnum að undirbúa vinnu að nýjum verklagsreglum. Lagt fram til kynningar.

Breyting á aðalskipulagi fyrir Heppuveg 6 lögð fram. Megin markmið með breytingunni er að M1 miðsvæði stækkar og Heppuvegur 5 og hluti Heppuvegar 6 verða á miðsvæði í stað athafnasvæðis.Með breyttri landnotkun verður heimilt að hafa á lóðunum matvælaframleiðslu/iðnaðarframleiðslu, veitingasölu og listsýningar auk íbúða. Aðalskipulagsbreytingin hefur verið kynnt skv. 2. mgr. 30. gr. skipulagslaga nr. 123/2010.

Markmiðið með gerð deiliskipulagsins er að byggja upp ferðaþjónustu, gistingu og/eða hótel. Nýtt þjónustusvæði VÞ45 liggur sunnan þjóðvegar og er í landi Reynivalla ll. Markmið er að reisa hótel á svæðinu auk þess að styrkja þjónustu við ferðamenn og heimamenn svo sem með vöru- og eldsneytissölu auk ýmis konar afþreyingu s.s. sölu á jökla- og gönguferðum, leiðsögn o.fl. Tillagan var áður auglýst frá 29. janúar til 11. mars 2020. Umsagnir bárust frá Umhverfisstofnun, HAUST, Vegagerðinni, Náttúrustofu Suðausturlands, Náttúrufræðistofnun Íslands, Minjastofnun og Veðurstofunni. Brugðist var við athugasemdum sem fram komu á auglýsingartíma. Á grundvelli umsagna var unnið mat á flóðahættu á svæðinu. Tillagan var í kynningu að nýju frá 15. júní til 29. júlí. Endurnýjaðar umsagnir bárust frá Vegagerðinn og Veðurstofu Íslands. Nánari upplýsingar hafa verið sendar til Veðurstofunnar. Bæjarráð tók deiliskipulagið til umræðu á eittþúsundasta fundi sínum og samþykkti í umboði bæjarstjórnar. Komið hefur í ljós að afstaða Veðurstofu Íslands er óbreytt og er því skipulagið tekið til umfjöllunar í skipulagsnefnd.

Deiliskipulagstillagan var í kynningu 20. apríl til 1. júní 2021. Markmið með gerð deiliskipulagsins er að framfylgja markmiðum aðalskipulags um eflingu byggðar, styrkja og auka fjölbreytileika atvinnu og menningarlífs í sveitarfélaginu. Gera listsköpun sýnilega, styrkja og efla menningu, sköpun og tjáskipti og hlúa að menningararfi samfélagsins. Búa starfsemi á staðnum fastan ramma í samræmi við áætlanir og markmið sem fram koma í tillögu um nýtingu á Stekkakletti. Deiliskipulagið var auglýst frá 20. apríl til 1. júní 2021. Umsagnir bárust frá Umhverfisstofnun, Vegagerðinni, HAUST og Minjastofnun. Brugðist hefur verið við umsögnum skv. fundargerð 25. fundar Umhverfis- og skipulagsnefndar.

Deiliskipulagstillagan var í kynningu frá 19. október til 1. desember 2017 og samþykkt í bæjarstjórn í mars 2018. Láðst hefur að auglýsa skipulagið í B- deild og því þarf að endurauglýsa skipulagið.

Skipulagsstofnun gerir athugasemdir við að deiliskipulagið sé auglýst í B-deild. Stofnunin telur að fjöldi gistirýma sé umfram það sem heimild er til í aðalskipulagi.

Óskað er eftir heimild til að byggja viðbyggingu við hús á Sandbakka 9. Um er að ræða u.þ.b. 19m² sólstofu vestan megin hússins. Lóðin er á svæði C2 skv. núgildandi deiliskipulagi miðbæjar, en um það kemur fram að hámarksnýtingarhlutfall er 0,3. Skv. Þjóðskrá er núverandi nýtingarhlutfall lóðar 0,34. Ekki eru sýndir byggingarreitir á skipulagsuppdrætti. Grenndarkynning fór fram á tímabilinu 14. júlí til 11. ágúst. Engar athugasemdir bárust.

Sótt er um leyfi til að byggja við íbúð í raðhúsi á Sandbakka 22. Um er að ræða 4,20m x 3,50m sólskála allt að 3m að hæð. Lóð er á svæði C2 skv. núgildandi deiliskipulagi miðbæjar, en um það kemur fram að hámarksnýtingarhlutfall er 0,3. Svk. Þjóðskrá er núverandi nýtingarhlutfall lóðar 0,46. Ekki eru sýndir byggingarreitir á skipulagsuppdrætti. Samþykki íbúa raðhússins liggur fyrir. Grenndarkynning fór fram á tímabilinu 14. júlí til 11. ágúst. Engar athugasemdir bárust.

Sótt er um byggingarleyfi fyrir 355,7m² iðnaðarhús á lóð Álaleira 5. Um er að ræða nýframkvæmd. Ekki er til staðfest deiliskipulag fyrir svæði. Grenndarkynning fór fram á tímabilinu 14. júlí til 11. ágúst. Engar athugasemdir bárust.

Sótt er um leyfi til að byggja við íbúðarhús að Garðsbrún 2. Um er að ræða um 15m² stofu á neðri hæð. Einnig er sótt um leyfi til að skipta um glugga og hurðir, og að endurklæða húsið, fjarlægja núverandi plastklæðningu og klæða með litaðri báruklæðningu og lerki viðarklæðningu á afmörkuðum svæðum. Ekki er til staðfest deiliskipulag fyrir svæði. Grenndarkynning fór fram á tímabilinu 14. júlí til 11. ágúst. Engar athugasemdir bárust.

Farið yfir stöðu framkvæmda við Hafnarbraut. Lagt fram til kynningar.

Ísland fullgilti í október 2011 Árósasamninginn um aðgang að upplýsingum, þátttöku almennings í ákvarðanatöku og aðgang að réttlátri málsmeðferð í umhverfismálum. Þar með varð Ísland fullgildur aðili að samningnum og því starfi sem tengist honum.Umhverfis- og auðlindaráðuneytið undirbýr nú uppfærslu á skýrslu um stöðu innleiðingar Árósasamningsins hér á landi. Skýrsla verður þriðja skýrsla Íslands um innleiðingu samningsins. Skýrslan verður unnin í samráði við umhverfisverndarsamtök og tekur ráðuneytið einnig við öllum ábendingum frá almenningi um efni hennar.

Umræður nefndarinnar um upplegg fyrir íbúafund í september þar sem rætt verður um uppbyggingu íbúðarhúsnæðis á Höfn, annarsvegar til næstu fimm ára og hinsvegar hvernig byggðin ætti að þróast til framtíðar.

Áform eru um að byggja viðbyggingu við veitingahús að Heppuvegi 2a (Íshúsið Pizzeria). Um er að ræða framlengingu hússins til austurs um 3m, en viðbygging mun vera 2m breiðara en núverandi húss. Ytra útlit hússins verður að öðru leyti óbreytt og lögð áhersla á að viðbygging falli að núverandi ásýnd.