Umhverfis- og skipulagsnefnd

Framlagt minnisblað um stöðu úrgangsmála í sveitarfélaginu.

Framlögð til kynningar umsókn sveitarfélagsins um styrk til eflingar hringrásarhagkerfisins til umhverfis-, orku og loftslagsráðuneytisins.

Árdís Erna Halldórsdóttir skilar nýjum teikningum af húsi á lóð Júllatún 21. Fyrirhugað er að hafa flatt þak á húsinu, en í skilmálum deiliskipulagsins fyrir svæði segir að "mænisstefna er frjáls en gæta skal samræmis við nálægar byggingar". Ákvæði skipulagsins má túlka á þann hátt að gerð sé krafa um mænisþak. Með flötu þaki er gert ráð fyrir því að hæð hússins verður langt undir heimildum skipulagsins. Óskað er að heimilt verður að víkja frá ofangreindum skilmálum skipulagsins um mænisstefnu á grundvelli 3. mgr. 43. gr. skipulagslaga 123/2010.

Ragnar Frank Kristjánsson sækir um byggingarheimild fyrir viðbyggingu við frístundahús að Stekkatún í Öræfum samkvæmt framlögðum teikningum. Um er ræða lengingu á húsinu í suðurátt. Ekki er til gildandi deiliskipulag fyrir svæði.

Mikael ehf. óskar eftir frávik frá deiliskipulagi til að heimila raðhús 4,66 m að hæð. Í gildi er deiliskipulag frá 1993 ásamt breytingu á því frá 2016, sem gera ráð fyrir tvö fjölbýlishús á tveimur hæðum allt að 7,6m há. Unnin hefur verið breyting á þessu deiliskipulagi til að heimila tvö eins hæða raðhús á lóðinni. Breytingin var send til Skipulagsstofnunar en afgreiðsla hennar hefur dregist. Ný breyting gerir ráð fyrir því að hús verða allt að 4,5m há.

Íris Ragnarsdóttir Pedersen og Árni Stefán Haldorsen sækja um byggingarheimild fyrir viðbyggingu við íbúðarhús að Lambhaga í Öræfum samkvæmt framlögðum teikningum. Fyrirhugað er að hafa þvottahús, baðherbergi og bílageymslu í viðbyggingunni. Ekki er til gildandi deiliskipulag fyrir svæði.

Gistiheimilið Dyngja ehf. óskar eftir breytingu á notkun húss að Hafnarbraut 1 samkvæmt framlögðum teikningum. Húsið var reist sem íbúðarhús en notað sem gistiheimili á síðustu árum. Lóðin er á miðsvæði M 1 samkvæmt aðalskipulagi sveitarfélagsins, en ekki er til staðar gildandi deiliskipulag.

Reynir Ásgeirsson óskar eftir því að hefja skipulagsferli á landi sem stendur milli afleggjara Dýhóls og Hóla. Landspildan er hluti af Seljavöllum 2, L1595514 og liggur samsíða þjóðvegi 1. Spildan mælist um 6,8 ha að stærð en skipulagssvæðið er áætlað 1,4 ha. Fyrirhugaðar tillögur miða að skipulagningu smáhýsabyggðar tengda ferðaþjónustu, en samhliða megi skapa umgjörð um íbúðarhúsnæði fyrir starfsfólk á svæðinu um kring. Framkvæmd væri m.a. liður í því að stuðla að auknu framboði búsetu kosta í sveitarfélaginu. Áætlað er að koma fyrir 20 smáhýsum (heilsárshúsum) að stærð 50-60 m2 innan svæðisins. Hluti húsanna er áætlaður í langtíma leigu sem íbúðarhúsnæði. Óskað er eftir því að svæðið verði skipulagt sem verslunar og þjónustusvæði en að auki verði heimilt að hafa fasta búsetu á svæðinu.

Sigurður Gunnarsson óskar eftir samþykki fyrir skiptingu Hnappavalla 2 L160165 og staðfestingu á að skiptingin sé í samræmi við skipulagsáætlanir sveitarfélagsins. Fyrirhuguð er að skipta út 1 landeign úr jörðinni - Hnappavellir 2A sem verður 1880m² að stærð. Hvorki hlunnindi né lögbýlisréttur fylgir lóðum. Landskipti mun ekki hafa áhrif á búrekstrarskilyrði.

Mikael ehf. sækir um enn frekari stækkun lóðar við Vesturbraut 6 skv. meðfylgjandi teikningu. Um er að ræða 4,6 m stækkun m.v. það sem áður var búið að samþykkja og þannig verður hægt að bæta einni íbúð við húsið.

Umsækjendur hafa gert rýmisgreiningu á fyrirhugaðri starfsemi sláturhúss og kjötvinnslu á lóðinni. Gert er ráð fyrir að byggt verði a.mk. 400 m2 hús með sláturaðstöðu, kæli og frystigeymslum auk matarsmiðju. Forsenda fyrir starfseminni er að hægt sé að aka í kringum húsið á stórum flutningabílum með tengivagna, einnig þarf að vera pláss fyrir þvottaplan til að fylgja öllum reglum um sóttvarnir. Hægt þarf að vera að staðsetja frystigáma og gera þarf ráð fyrri bílastæðum fyrir starfsfólk og notendur matarsmiðju. Ósk um breytingu á lóðamörkum.Mikilvægt er að unnt sé að stækka fyrirtækið til framtíðar og því telja umsækjendur að lóðin þurfi að vera um 3000 m2 að lágmarki og skipt líkt og sýnt er á meðfylgjandi mynd.

Sveitarfélagið Hornafjörður óskar eftir óverulega breytingu á deiliskipulagi Miðbæjar Hafnar, reitur A milli Víkurbrautar og Tjarnarbrúar vegna fyrirhugaðar framkvæmdar við líkamsræktarstöð. Umhverfis- og skipulagsnefnd samþykkti að unnin verði óveruleg breyting á deiliskipulagi og grenndarkynnt skv. 2. mgr. 43. gr. skipulagslaga á fundi sínum þann 04.04.2022.

Óveruleg breyting á deiliskipulagi var grenndarkynnt með athugasemdarfresti til 4. apríl. Breyting er gerð við Hof í Öræfum þar sem heimilt verður að byggja allt að 385 m2 raðhús á lóðum 3 og 5 við Borgartún. Aðkoma að lóðum breytist og verður norðanmegin við húsin við lóðamörk. Athugasemdir bárust frá þremur aðilum sem leggjast gegn breytingunni.

Borgþór Freysteinsson hefur óskað eftir breytingu á deiliskipulagi frístundasvæðis í Stafafellsfjöllum í Lóni. Breytingin nær til lóðar nr. 8 í Stafafellsfjöllum. Lóðin er eignarlóð og á því er nú þegar sumarhús, 22,3 m2 sem byggt var árið 1976. Breytingin fellur í sér breytingar á skilmálum í greinargerð deiliskipulagsins. Um er að ræða niðurfellingu viðmiðunarskilmála um mænisstefnu í 2.2. gr. sem segir að „miðað er við (...) að stefna aðalmænis fylgi sem mest meginstefnu í landinu og verði að jafnaði samsíða hlíðum“. Breytingin fellur einnig í sér niðurfellingu skilmála um stærð aukahúss í sömu grein sem segir að aukahús/gestahús getur ekki verið „stærra en helmingur af stærð aðalhúss“. Með fyrirhugaðri framkvæmd mun mænisstefna húss fylgja ekki sem mest meginstefnu í landinu, og stærð aukahúss verður stærra en helmingur af stærð aðalhúss. Ósk um frávik frá kröfum deiliskipulags hefur áður verið grenndarkynnt fyrir landeigendum og skiluð þá þrír landeigendur umsögnum. Grenndarkynning vegna óverulegrar breytingar var send á 13 aðila auk sumarhúsafélagsins á svæðinu. Þrír aðilar skiluðu inn umsögnum.

Lögð er fram tillaga að breyttu skipulagi fyrir nýjar lóðir við Sandbakkaveg, sunnan Nettó. Unnið af EFLU verkfræðistofu, dagsett 02.05.2022.

Breytingar á Miklagarði og Verðanda var grenndarkynnt með athugasemdarfresti frá 15. mars til 17. apríl. Gert er ráð fyrir að byggja við og endurnýja Miklagarð við Krosseyarveg 5 - 7, fyrirhugaðar breytingar gera ráð fyrir að heimilt verði að lækka landið framan við kjallara Miklagarðs að lóðarmörkum, að byggja nýtt hús í stað rústanna af Verðanda við Heppuveg 2B, og gera aðkomutorg fyrir Miklagarð og Heppuna á þeim hluta lóðarinnar Graðaloftið stóð á.Ein athugasemd barst og ein ábending um villu i texta.

Hafnarstjórn leggur fram tillögu að endurskoðuðu deiliskipulagi til forkynningar.

Framkvæmdasjóður ferðamannastaða veitti Sveitarfélaginu Hornafirði veglegan styrk í mars 2021 til þess að halda hugmyndaleit fyrir framtíðarnýtingu Leiðarhöfða til þess að móta umgjörð um hugsanlega uppbyggingu, bæta aðstöðu og aðgengi til útivistar og auka útsýnis- og náttúruupplifun svæðisins jafnt íbúum sem gestum til yndisauka. Fimm teymi voru valin til þátttöku í hugmyndaleit og nú liggja úrslit fyrir. Það var tillagan ?Umhverfis Leiðarhöfða? sem bar sigur úr býtum, en þrjár arkítektastofur, Landmótun, Hjark og Sastudio mynduðu teymi um hana. Í áliti dómnefndar, segir m.a. að tillagan sé spennandi, vel útfærð og líkleg til þess að efla svæðið sem bæði áfangastað og útivistarsvæði. Einnig var hún talin uppfylla meginmarkmið hugmyndaleitarinnar sem er að efla Höfn sem ferðamannastað og búsetukost, með því að bjóða upp á einstakan áfangastað sem byggir á sérstöðu svæðisins.

Marina travel leggur fram tillögu að breytingu á deilsikipulagsskilmálum fyrir sex lóðir í Útbæ á Höfn fyrir hótelbyggingu.

Oddur Ari Sigurðsson og Katerina Sardicka sækja um byggingarheimild fyrir tvö gestahús á Hálsaskeri 2 í Öræfum. Ekki er til gildandi deiliskipulag fyrir svæðið. Skv. aðalskipulagi er svæðið á skógræktar- og landgræðslusvæði/landbúnaðarsvæði.