Umhverfis- og skipulagsnefnd

Erindisbréf afhent og trúnaðaryfirlýsing undirrituð. Kynning á stjórnsýslureglum og fjármálum. Starfsemi á Umhverfis- og skipulagssviði kynnt ásamt viðeigandi lögum og reglum. Farið lauslega yfir skipulagsmál í vinnslu og önnur mál í vinnslu á sviðinu.

Framlagt minnisblað um stöðu úrgangsmála í sveitarfélaginu.

Umhverfis- og loftslagsstefna sveitarfélagsins Hornafjarðar var samþykkt á fundi bæjarstjórnar þann 7. apríl 2022. Hlutverk umhverfis- og loftlagsstefnu er að tryggja góð lífsgæði íbúa og innleiða Heimsmarkmið Sameinuðu þjóðanna um sjálfbæra þróun hjá Sveitarfélaginu. Áhersla er lögð á fjölbreytta og góða þjónustu, blómstrandi mannlíf, skilvirkan og ábyrgan rekstur ásamt öflugu atvinnulífi sem stuðlar að samdrætti í losun gróðurhúsalofttegunda. Megin markmið stefnunnar er að íbúar þekki leiðir til þess að stuðla að bættri umhverfishegðun og draga úr áhrifum sínum á umhverfi og loftslag. Lögð verður áhersla á að allt samfélagið sé virkur þátttakandi í samtali, fræðslu og aðgerðum tengdum umhverfis- og loftslagsmálum.

Umferðaröryggisáætlun var samþykkt í bæjarstjórn þann 11.apríl 2018. Markmið með gerð umferðaröryggisáætlunar er að auka vitund forráðamanna sveitarfélaga og íbúa um umferðaröryggi. Í umferðaröryggisáætluninni var leitast við að greina stöðu umferðaröryggis í sveitarfélaginu með gögnum um slys frá Samgöngustofu.Mikilvægt er að endurskoða umferðaröryggisáætlunina reglulega með tilliti til breytinga á umferð og þróun ökutækja.Umhverfisnefnd leggur til að umferðarhraði verið lækkaður í 30 km. kl.st. í íbúagötum, og verði sú aðgerð unnin í áföngum. Umferðaröryggisáætlun er lifandi plagg sem verður endurskoðuð með tilliti til þróunar í umferðarmálum.

Aðalskipulag Sveitarfélagsins Hornafjarðar 2012-2030 var samþykkt þann 18.september 2014. Í aðalskipulagi er sett fram stefna sveitarstjórnar um þróun sveitarfélagsins varðandi landnotkun, byggðaþróun, byggðamynstur, samgöngu- og þjónustukerfi og umhverfismál.Í aðalskipulagi er lagður grundvöllur fyrir gerð deiliskipulags varðandi landnotkun, takmarkanir á landnotkun, samgöngu- og þjónustukerfi og byggðamynstur, þ.m.t. þéttleika byggðar. Í aðalskipulagi eða breytingu á því er heimilt að setja fram nánari stefnu, svo sem um nýbyggingarsvæði eða endurbyggingarsvæði í eldri byggð eða um einstök viðfangsefni.http://skipulagsaaetlanir.skipulagsstofnun.is/skipulagvefur/display.aspx?countyno=7708

Deiliskipulag Breiðabólstaðatorfu var auglýst í samræmi við 1. mgr. 41. gr. skipulagslaga nr. 123/2010 frá 26. janúar með athugasemdarfresti til 9. mars 2022.Umsagnir bárust frá Minjastofnun Íslands, Náttúrufræðistofnun Íslands, Vegagerðinni, HAUST og Umhverfisstofnun. Engar athugasemdir bárust. Á fundi nefndarinnar þann 4. apríl sl. var umhverfis- og skipulagsstjóra falið að vinna málið áfram í samráði við landeigendur og umsagnaraðila. Vegagerðin hefur sent endurnýjaða umsögn og gögn hafa verið uppfærð.

Breyting á deiliskipulagi Hafnarvík Heppu var auglýst frá og með 17. mars til 17. maí 2022.Byggingarreitir lóða við Hafnarbraut 4 og 6 stækka og verða samtengdir. Heimild verður fyrir þriggja hæða byggingu og kjallara á lóð nr. 6 og allt að tveggja hæða viðbyggingu og kjallara á hluta á lóð nr. 4. Gert er ráð fyrir um 20 bílastæðum í kjallara. Umsagnir bárust frá eigendum Hafnarbrautar 8, Hafnarbrautar 10 og Hafnarbrautar 3 og frá Jóhannesi Þórðarsyni, Ólafi J. Engilbertssyni og Pétri H. Ármannssyni. Framkvæmdaaðili hefur lagt fram endurbætt skuggavarp.

Jón Malmquist Guðmundsson óskar eftir breytingum á skilmálum deiliskipulags austan Víkurbrautar varðandi lóð Víkurbraut 34. Um er að ræða aukning byggingarmagns lóðar úr 300 m² í 360 m² án breytingar á byggingarreit og breytingu á notkun íbúða úr "þjónustuíbúðir aldraða" í "íbúðir aldraða".

Verkfærni ehf. sækir um byggingarleyfi fyrir einbýlishús að Hraunhóll 1. Um er að ræða u.þ.b. 280 fm hús allt að 4,5 m að hæð samkvæmt framlögðum teikningum. Ekki er til gildandi deiliskipulag fyrir svæðið. Lóð er staðsett á ÍB10 svæði skv. aðalskipulagi sveitarfélagsins og er því framkvæmd í samræmi við aðalskipulag. Umhverfis- og skipulagsnefnd samþykkti að grenndarkynna skuli framkvæmd samkvæmt 1. mgr. 44. gr. skipulagslaga. Frestur til að skila inn athugasemdum rann út þann 27.05.2022. Engar athugasemdir bárust.

Einar Jóhann Sigurðsson sækir um byggingarheimild til að byggja 59,2 m² bílskúr á lóð Miðtún 24 skv. framlögðum teikningum. Ekki er til gildandi deiliskipulagi fyrir svæði, en skv. aðalskipulagi er lóð á íbúðarsvæði ÍB9. Mál hefur þegar verið tekið til afgreiðslu. Bæjarstjórn samþykkti grenndarkynningu og byggingaráform á 255. fundi þann 16.10.2018, en skv. 4. mgr. 44. gr. skipulagslaga 123/2010 skal grenndarkynning fara fram að nýju áður en leyfi er veitt, þar sem byggingar- eða framkvæmdaleyfi á grundvelli grenndarkynningar hafi ekki verið gefið út innan eins árs frá afgreiðslu bæjarstjórnar. Umhverfis- og skipulagsnefnd samþykkti að grenndarkynna skuli framkvæmd samkvæmt 1. mgr. 44. gr. skipulagslaga. Frestur til að skila inn athugasemdum rann út þann 27.05.2022. Engar athugasemdir bárust.

Fyrirspurn frá húsfélagi Sandbakka 3. Óskað er heimildar fyrir framlengingu á þaki yfir sorptunnuskýli og til klæðningar þess með glær báruplast. Gildandi deiliskipulag miðsvæðis nær ekki til lóða að Sandbakka 1 og 3. Samþykki lóðarhafa lóða nr. 2, 5, 7 og formanns húsfélags Sandbakka 1 eru til staðar.

Ívar Smári Reynisson sækir um byggingarheimild fyrir gestahús á Skjólshólum. Um er að ræða tvö samtengd hús, samtals 61 m² að stærð samkvæmt framlögðum teikningum. Samkvæmt aðalskipulagi er umrædd lóð á verslunar- og þjónustu svæði VÞ42 þar sem heimilt er fyrir gistingu fyrir allt að 60 gesti. Þann 08.02.2018 samþykkti Bæjarstjórn nýtt deiliskipulag fyrir Skjólshóla og vísaði því í lögformlegt ferli skv. 41. og 42. gr. skipulagslaga nr. 123/2010, en skipulagið hefur ekki öðlast gildi. Samkvæmt þessu deiliskipulagi eru hús sem umsóknin varðar innan byggingarreits B2 þar sem hægt er að reisa tvö hús, 45m² að stærð hvort um sig.