Umhverfis- og skipulagsnefnd

Bæjarráð vísaði mannréttindastefnunni til umsagnar í nefndum og ráðum sveitarfélagsins.

Tillögur að breyttri gjaldskrá vegna sorpmála kynntar og ræddar.

Agnar Ólafsson og Halldór Ólafsson óska f.h. dánarbús Ólafs Halldórssonar eftir stofnun íbúðarhúsalóðar Tjörn 3 úr jörð Tjörn. Um er að ræða 8.573 fm landeign. Ekki er til gildandi deiliskipulag, en samkvæmt aðalskipulagi er lóð á landbúnaðarsvæði.

Beiðni frá Forsætisráðuneytinu um stofnun þjóðlendu. Um er að ræða 26,7 km² svæði Skeiðarárjökull, suður, skv. úrskurði óbyggðanefndar í máli nr. 9/2003 og dómi Hæstaréttar Íslands í máli nr. 47/2007

Lagðar eru til tillögur um breytingu á gjaldskrá gatnagerðar- og byggingargjalda. Breytingar varða útsetningar húsa og lóða, upphæðir gatnagerðagjalda samkvæmt bókun bæjarráðs frá 21.11.2023, niðurfellingu lágmarksgjalds, skýrari flokkun mannvirkja í grein 4.1. og breytingu á staðfestingargjaldi vegna lóðarúthlutunar.

Erindi dagsett 19. september 2023 frá Erlingi I Brynjólfssyni þar sem farið er fram á að farvegi Míganda verði skilað í upprunalegan farveg á ný þar sem þörf er ekki lengur fyrir breyttum farvegi.

Bergsteinn Kárason og María Hjördís Karlsdóttir spyrja hvort fyrirhuguð breyting á húsi að Hagaleiru 12 samræmist skipulagsskilmálum svæðis, og ef svo er ekki, óskar eftir heimild nefndarinnar fyrir þessari breytingu. Fyrrihuguð er að útbúa u.þ.b. 24fm aukaíbúð í bílskúrnum fyrir gesti húseigenda. Engin breyting eða stækkun mun eiga sér stað á ytra formi hússins og hvergi þarf að breyta útliti þess. Ekki er verið að breyta húsinu í tvíbýli með þessari breytingu.

Þrúðmar Sigurður Þrúðmarsson sækir um byggingarheimild fyrir geymsluhúsnæði sem fyrirhugað er að reisa að Hoffelli 3 þar sem áður stóð fjárhús. Ekki er til gildandi deiliskipulag fyrir svæði en skv. aðalskipulagi er um verslunar- og þjónustusvæði VÞ13 að ræða. Í greinargerð aðalskipulagsins kemur fram um reit VÞ13: "Hoffell / Miðfell. Ferðaþjónusta, gisting og greiðasala, upplýsingamiðstöð. Uppbygging vegna hennar skal heimil, skv. deiliskipulagi. Allt að 20 gistirými. Í Hoffelli er bændakirkja. Uppbygging vegna kirkjustarfsins heimil. Svæðisafmörkun ~ 10ha."

Sótt er um byggingarheimild fyrir þegar byggt hús að Lækjarnesi, samkvæmt framlögðum reyndarteikningum. Um er að ræða frístundarhús sem byggt var á gömlum rústum. Ekki er til gildandi deiliskipulag fyrir svæði, en skv. aðalskipulagi er húsið á landbúnaðarsvæði.

Helga Davids, f.h. eigenda Stafafells Áfangakletts, óskar eftir byggingarheimild fyrir þegar byggt hús. Um er að ræða u.þ.b. 19fm gestahús sem var sett niður árið 2019 á lóðinni. Húsið var byggt af Iglucraft ehf. í Eistlandi og flutt inn í heilu lagi, fullbúið. Ekki er til gildandi deiliskipulag, en skv. aðalskipulagi er lóðin á verslunar- og þjónustusvæði/landbúnaðarsvæði.

Erindi dagsett 17. nóvember 2023 þar sem Ólöf Gísladóttir óskar eftir endurnýjun lóðasamnings fyrir Álaugarey L159571 í samræmi við gildandi aðalskipulag.

Erindi dagsett 15. nóvember 2023 þar sem Svæðisskipulagsnefnd um Suðurhálendi óskar eftir umsögn um Svæðisskipulag Suðurhálendis.Kynnt gögn eru í skipulagsgátt nr. 0862/2023.Umsagnarfrestur er til 14. janúar 2024.

Lögð fram skipulagslýsing fyrir breytingu á aðalskipulagi og nýju deiliskipulagi fyrir Rauðaberg 2 Lóð 1 þar sem fyrirhugað er að byggja upp gisti- og þjónustustarfsemi.

Lögð er fram skipulagslýsing fyrir breytingu á aðalskipulagi Hornafjarðar 2012-2030 þar sem óskað hefur verið eftir aukningu á umfangi þjónustu á verslunar- og þjónustusvæði VÞ44 við Skaftafell III og IV auk nýs deiliskipulags.

Erindi dagsett 21. september 2023 þar sem óskað er eftir að gerð verði óveruleg breyting á gildandi aðalskipulagi fyrir Heppuveg 6 þar sem bætt verði við að heimiluð verði gisting fyrir ferðamenn í allt að 12% í húsinu.

Erindi dagsett 15. september 2023 þar sem Lárus Páll Pálsson sækir um að byggja einnar hæðar parhús á lóð Hagatúns 16 samkvæmt framlögðum teikningum. Erindið var grenndarkynnt frá 10. október með athugasemdarfresti til 7. nóvember 2023. Athugasemd með 7 undirskriftum barst.Á fundi umhverfis- og skipulagsnefndar var bókað að gera ætti breytingar á tillögunni. Breytt tillaga er hér lögð fram.

Erindi dagsett 15. nóvember 2023 þar sem teikningar og skráningartafla fyrir hótel á Reynivöllum er lagt fram. Hönnun þess er í óverulegu ósamræmi við deiliskipulag hvað varðar byggingamagn og fjölda bílastæða og því er það lagt fram í umhverfis- og skipulagsnefnd til ákvörðunar um samræmi.

Deiliskipulag Hjáleigu í Öræfum hefur tekið breytingum þar sem fornminjar voru innan þeirrar lóðar og hún því illa nýtanleg. Ákveðið hefur verið að hefja nýtt skipulagsferli og hafa fyrirhugaða uppbyggingu á landi Flatatúns og Flatatúns spildu sem liggur neðan við Hjáleigu.Hér er því lagt fram nýtt deiliskipulag þar sem samskonar uppbygging er fyrirhuguð og var í Hjáleigu.

Deiliskipulag Kyljuholts á Mýrum tók gildi 18. október 2023. Við nánari hönnun á fyrirhuguðum framkvæmdum varð ljóst að samþykkt skipulag hentaði ekki og þarf að hnika til byggingarreitum og lóðamörkum.

Skipulagslýsing vegna endurskoðunar hafnarsvæðisins Krossey á Höfn var kynnt frá 3. nóvember með athugasemdarfresti til 24. nóvember 2023. Umsagnir bárust frá Samgöngustofu, UST, Skipulagsstofnun, Vegagerðinni, Landsneti, Náttúrustofu Suðausturlands, Minjastofnun Íslands og Ólöfu Gísladóttur og Jóhanni Gunarssyni.

Erindi dagsett 22. nóvember 2023 þar sem óskað er eftir stækkun lóðar að Heppuvegi 2a um 70 cm til vesturs. Einnig að byggingarheimild verði aukin að lóðamörkum til að byggja um 35 m2 óupphitaða sólstofu við hús. Í gildi er deiliskipulag Hafnarvík - Heppa.

Erindi dagsett 29. nóvember 2023 þar sem óskað er eftir leyfi f.h. Iceguide og lóðarhafa til að rífa Heppuveg 9 og byggja þar upp nýtt gistihús með 28 herbergjum. Gert er ráð fyrir að byggingin verði um 800 m2 og yrði á tveimur hæðum.

Breytt lóðamörk Stafafellsfjalla 37 voru grenndarkynnt frá 30. október með athugasemdarfresti til 27. nóvember 2023.Engar athugasemdir bárust.