Umhverfis- og skipulagsnefnd

Ásgrímur greindi frá hugmynd að breytingu á gámum sem hafa verið í dreifbýli, hætt verði með þá gáma í dreifbýli og boðið verði upp á að sveitarfélagið komi á móts við dreifbýlið með því að sveitarfélagið sjái um að flytja gáma að heimilum í dreifbýli, þjónustuþegi greiði skv. gjaldskrá og leigu á gámum. Lögð er fram breyting á opnunartímum í Gámaporti, mánudagar 13:00-17:00 þriðjudaga til fimmtudaga frá 15:30-17:30 laugardaga 11:00-15:00. Lokað verði á föstudögum og sunnudögum. Lögð fram drög að breytingu á hirðunartíðni sorps og sorpdagatali 2020, þrisvar á ári verði spilliefni tekið í dreifbýli.

Anna gerði grein fyrir upplýsingum um vinnslu á seyru sem Landgræðslan hefur unnið að á Hólasandi og uppsveitum Árnessýslu.

Aðalskipulagsbreyting að Stekkaklett tekin fyrir. Breytingin felur í sér að heimiluð sé föst búseta að Stekkaklett ásamt frekari uppbyggingu tengda kvikmyndagerð og listsköpun.

Aðalskipulagsbreyting að Seljavöllum tekin fyrir. Umrætt svæði er skilgreint sem verslun og þjónusta í Aðalskipulagi Sveitarfélagsins Hornafjarðar 2012 - 2030 og er því ekki um breytingu á uppdrætti að ræða. Breytingin snýr að skilgreiningu og fjölda gistirýma innan svæðisins. Í greinargerð með aðalskipulagi sveitarfélagsins kemur fram að bæjarstjórn skuli skera úr um fjölda gistirýma innan VÞ svæða

Tillaga að breytingu á ferðaþjónustukafla aðalskipulags tekin fyrir. Mikil fjölgun er í ferðum gesta um sveitarfélagið enda eru fjölmargir áhugaverðir staðir innan sveitarfélagsins. Það er vilji til að bregðast við þeirri fjölgun og styrkja ákveðin svæði þar sem umferð er mest, samhliða því að efla ný svæði til að taka við meiri fjölda ferðafólks. Þá er æskilegt að endurskilgreina heimildir til uppbyggingar aðstöðu á landbúnaðarlandi og óbyggðum svæðum, í tengslum við ferðaþjónustu til að hafa betri yfirsýn yfir þjónustu við ferðafólk á svæðinu og bæta upplýsingagjöf og öryggi fólks á ferð um svæðið.

Deiliskipulagstillaga þétting byggðar í Innbæ tekin fyrir. Um er að ræða þéttingu byggðar sem tekur til 9 nýrra lóða, auk aðliggjandi byggðra lóða við Silfurbraut og Hvannabraut. Ekkert deiliskipulag er í gildi fyrir svæðið. Í deiliskipulaginu er gert ráð fyrri íbúðarlóðum fyrir einbýlishús og raðhús. Svæðið er auðkennt sem íbúðarsvæði ÍB9 í aðalskipulagi.

Deiliskipulagstillaga að Reynivöllum II tekin fyrir. Deiliskipulagssvæðið er u.þ.b. 10 ha spilda vestast i Suðursveit og í um 12 km akstursfjarlægð frá Jökulsárlóni. Svæðið nær frá landamörkum Reynivalla ll í austri að Hrollaugshólum. Svæðið er sléttlendi, að mestu gamall framburður Fellsár.Skilgreind er ein lóð með tveimur byggingarreitum. Annars vegar byggingareitur fyrir hótel og sundlaug en auk þess er heimilt að reisa tengdar stoðbyggingar innan reitsins. Hins vegar byggingarreitur fyrir verslun og þjónustu með tilheyrandi snyrtingum og aðstöðu fyrir veitingasölu. Heimilt er að hafa 3 bensíndælueyjur á lóð auk 2 rafhleðslustöðva ásamt dælueyju fyrir stór ökutæki. Gert er ráð fyrir að staðsetja megi skyggni yfir dælueyjum. Innan byggingarreita er heimilt að byggja fleiri en eina byggingu.

Ósk um breytingu á deiliskipulagi HSSA tekin fyrir. Breytingin snýr að því að lóðir að Víkurbraut 25 og 27 verði sameinaðar í eina lóð. Raðhús innan lóða munu mynda eina lengju sem verður þvert á Víkurbraut. Einnig snýr breytingin að því að sameiginlegt svæði innan þyrpingar myndi einn kjarna.

Deiliskipulagstillaga að Hafnarnesi tekin fyrir. Deiliskipulagið nær yfir 3.665 m² lóð í Hafnarnesi í Sveitarfélaginu Hornafirði. Skipulagið tekur til uppbyggingar ferðarþjónustu, veitingareksturs, gistiaðstöðu, þvottahúss, verslun, minni gistihús, íbúðarhúsa, aðstöðuhús og starfsmannaaðstöðu.

Umsókn um framkvæmdaleyfi vegna varnargarðs frá Suðurfjörutanga út í Einholtskletta tekin fyrir. Talið er að varnargarðurinn muni hafa jákvæð áhrif á sandburð á grynnslin og tryggja meira rekstraröryggi í innsiglingu Hornafjarðar. Varnargarðurinn er um 150 m langur. Fyllingarefni í varnargarðinn verður að hluta til unnið úr núverandi varnargörðum á Suðurfjörutanga. Gert er ráð fyrir efnistöku vegna framkvæmdar úr eldri námu í Skinney. Framkvæmdin felur undir flokk C í samræmi við 1. viðauka í lögum um mat á umhverfisáhrifum nr. 106/2000.

Hugmyndir um götumynd Hafnarbrautar frá Pósthúsi að Hafnarvog lagðar fram.

Hugmyndir um lokun Hafrafellsvegar lagðar fram.

Athugasemd vegna úthlutunar lóða að Krosseyjarvegi 21 og 23 tekin fyrir.

Kynntar hugmyndir að uppbyggingu opin svæðis á milli Hrossabithaga og Fiskhóls. Hugmyndirnar eru unnar eftir niðurstöðum vefkönnunar á meðal íbúa um framtíðar uppbyggingu útivistarsvæða og göngu- og hjólaleiða.